Na Faatai lae 8:12 - Na Alangaia Falu 'ana Baea 'i Baeguu

¹² Sui na faina 'ensel ka ufia naa bungu, ma oluna bali 'ana sato ma na madame ma na bubulu ki daka mae. Ma oluna bali 'ana folaa lae ka nao'ana naa. Ma oluna bali 'ana fa sato ki ka nao dasi dani kaaroa ma oluna bali 'ana fa rodo ki daka 'uri nai lau guu.

Na Faatai lae 8:12 ပူးပေါင်းရင်းမြစ်များ

Na Faatai lae 6:12

Sui ku suana na kale Sifsif bae ka 'egwea onona lago laa, ma na anuanu baita nai ka 'igi naa. Ma na sato ka rorodoa mala 'ana ta maku boboraa, ma na madame ka 'a'abua mala 'ana si 'abu.

Na Faatai lae 9:18

Ma na ta'aa laa nai ki ka saumaelia na oluna bali 'ana toaa ki lao molaagali, 'ana na si ere ma na sasu ma na salfa na 'e sakatafa mai faasia na fakada.

Na Faatai lae 9:15

Ma nia ka lukea na fai 'ensel nai ki da ade akau 'ani kera 'i seeri uri si kada nai, uri daka saumaelia ta oluna bali 'ana toae ki.

Maak 13:24

“Ma si kada ne 'afitaia nai 'e sui, ‘God kai koko faafia maana sato fainia madama loo, ma keeru ka nao si tala folaa.

Matiu 24:29

“'I burina fatai kada ne nonifiia nai ki da sui, ‘God kai suusia sato fai nia madame, uri nao keeru si tala folaa lau. Ma God kai ilia bubulu ki kera kai 'asida faasia mamangaa. Ma God kai ilia na doo loki langi 'i mamangaa, kera kai lea garo fasi fulida.’

Na Faatai lae 12:4

Aia, nia ka taga 'ana oluna bali 'ana 'okona bubulu ki lao salo 'ana kikiina, ma ka 'ui 'ani kera mai lao molaagali. Ma na baekwa nai ka uu 'i naofana wela keni nai 'e karangi faafuta nai, uri ka 'ani 'ana na wela nia nai si kada nia 'e faafutaa.

2 Koren 4:4

Suli sa Saetan waa ne 'inito faafia molaagali nee 'i tari'ina nia faarorodoa manata lada uri ka nao dasi manata mamana. Nia ne suusia maada uri ka nao dasi suana folaa lana si Faarongoa Diana nee sulia na 'initoaa nia Kraes na nununa God.

Na Faarongoa Diana Bae 'Ana Kekeda Laa Sa Luku 21:25

“Doo 'e'ete ki kai fuli 'ana sato, ma 'ana madame, ma 'ana bubulu ki. Ma na waa 'ana maefera baita ki sui 'i lao molaagali, kera kai fiitala, ma kera kai mau 'ana kuruu lana ma sulatatae lana asi.

Maak 15:33

Na rorodoa lae ka dau na faafia fera nai tiifau, 'ita lao tofungana sato lelea ka dao lao oluna kada sato 'i saulafi naa.

Matiu 27:45

Rodo ka rodo faafia faano nai tiifau 'ita 'i tofungana sato ka lea sulia olu kada sato ki.

'Aks 2:20

Na sato loo nia kai rorodoa, ma na madame nia kai 'a'abua, lelea sui fatai fa dani nia Aofia 'ana unidianaa nia kafi dao mai.

Na Faatai lae 16:10

Sui na limana 'ensel ka kistainia naa titiui doo nia fafona doo ni goorua 'ana 'initoaa nia na doo kwasi bae, 'i seeri na 'initoaa nia ka rorodoa naa. Ma na toae ki daka 'ala faafia meada ki suli da nii lao fii laa baita.