Na Faatai lae 3:18 - Na Alangaia Falu 'ana Baea 'i Baeguu

¹⁸ Nia ne, nau ku saea fuamolu lea doo molu ka folia gool ne da suungia 'ana ere ma ka falu naa, uri molu ka suadoo mamana. Molu ka folia lau guu na maku kwakwaoa ki, fasi ade lea molu ka 'ide sulia ne molu too dadara. Ma molu ka folia lau guu na gwai ki uri usu lana 'ana maa molu ki uri molu ka lilio.

Na Faatai lae 3:18 ပူးပေါင်းရင်းမြစ်များ

Matiu 13:44

Sa Disas ka bae lau 'urii, “Na 'initoaa God nia ilingia na ogogania nai da saufinia lao tii ola nai, ma tii waa nai ka dao toi. Si kada sa wala nai nia dao toi, nia ngalia ka saufinia lau gwana. Sui nia ka ele 'asia naa, ka lea ka faafoli tiifau 'ana 'okodoo nia tiifau, sui ka folia naa ola nai uri ka ngalia naa malefo baita nai.

Matiu 25:9

“Na ai liotoo nai ki da luuda daka 'urii, ‘'Ee nao, si gwai ne meli too ki ai nee 'e nao si tala 'akolu sui ne. Molu lea kau sia toaa da faafoli 'ana gwai ki, molu ka usi gwai na kau 'amolu.’

Na Faarongoa Diana Bae 'Ana Kekeda Laa Sa Luku 12:21

Sa Disas ka faasuia toolangaidoo laa nai ka bae 'urii, “Too lana guu waa ne kai konia gu 'ana suadooa 'ana molaagali fuana 'i tala'ana nai, ma ka siofaa gwana 'ana doo God ki.”

2 Koren 5:3

Si kada kolu too 'i salo, kolu kai too naa 'ana nonidoo falu.

2 Koren 8:9

Kamolu molu saitomana Aofia kolu sa Disas Kraes na liosaua nia fuakolu 'e baita tasa. Sui boroi 'ana nia ka 'inito mai 'i salo, nia fale nia 'i tala'ana uri neana lae, nia lea mai ka too 'ana noni uri ka 'adomi kolu. Ma suli ne nia 'e neana, nia ne adea kolu ka 'inito.

1 Timotii 6:18

'O saea kera da ilia doo diane ki uri na mauria kera ki ka fungu 'ana sasi diana lae fua toae ki.

Demes 2:5

Nia ne toaafuta nau ki 'ae, molu rongo fasi mai. God nia filia toaa ne da siofaa lao molaagali nee uri na manata mamana laa kera 'ani nia ka baita ma uri kera dai too 'ana 'initoaa ne nia ade akau ai fua toaa da liosau ki 'ani nia.

1 Bita 1:7

Na 'afitaia nai ki da kai faatainia manata mamana laa kamolu nia doo mamane. Na manata mamana laa kamolu nia mala 'ana gool ne da suungia 'ana ere uri ka sasaolia diana. Ma God nia dooria na manata mamana laa kamolu ka talua lau gool ne totoo kai funu lau gwana, aia manata mamana laa kamolu ka nao si sui. Ma God nia kai bae diana suli kamolu, ma kai faa'inito kamolu, ma ka sae'inito tasa 'ani kamolu 'afa Sato sa Disas Kraes nia kai dao ai.

Na Faatai lae 16:15

Sui na olu anoedoo ta'aa nai ki daka konia naa waa 'inito ki 'ana tii si kula kera 'ailia 'ana bae laa kera toaa Diu ki “'Amagedon”. Ma sa Disas ka bae 'urii, “Kamolu rongo, tara nau ku dao mai 'ana tii si kada ne nao molu si saitomana, mala 'ana ta waa bebeli! 'E diana tasa fua tii ne nia too adada ma ka kani diana 'ana si maku nia, uri ka nao si tona si 'ide lau suli 'e too dadara matangana 'oroe!”

Na Faatai lae 19:8

Ma God ka falea na maku falu ma ka sinasina nai fua keni fungao nai uri ofi lae ai.” (Aia, na malutai lana maku nai naa ne doo diana neki toaa God ki da ilida ki.)

Na Faatai lae 2:9

Nau ku saitomana na 'afitaia kamolu ki, ma ku saitomana kamolu molu 'atongadooa. Ma sui boroi 'ana, 'i bali 'ana manata mamana lae, kamolu na toaa suadoo. Ma nau ku saitomana lau guu na toae ki da saea doo ta'aa ki suli kamolu. Ma kera daka saea kera 'ana ne toaa Diu ki, ma sui kera nao lau toaa mamana Diu ki. Kera toaa Saetan 'ana!

Na Faatai lae 3:17

Aia, kamolu molu saea molu totoda molu ka suadoo ma ka nao molu si oli kukuru naa 'ana tasi doo. Ma sui, ka nao molu si saitomana guu ne kamolu molu siofaa 'ana fiitooe ma molu ka mala na toaa maada rodo ki fai toaa da too dadara ki.

Na Faatai lae 4:4

Ma kalikalia sa wala nai 'e gooru lao doo ni goorua nai 'ana 'initoaa, roo akwala ma fai doo ni goorua ki 'ana 'initoaa ne da nii seeri. Ma roo akwala ma fai waa baita nai ki kera da gooru 'i laona doo ni goorua nai ki ma daka ofi 'ana maku kwakwaoe ki, ma na 'eeregwaua 'ana gool ki ne nii gwauda.

Na Faatai lae 7:13

Ma tii waa 'ana waa baita nai ki nia ledi nau ka 'urii, “Tii fai kera nai da ofi 'ana maku kwakwaoa nai ki nai, ma kera toaa da lea ki mai fasi fai nai?”