Matiu 24:25 - Na Alangaia Falu 'ana Baea 'i Baeguu

²⁵ Kamolu rongo nai, doo nai ki nao dasi fuli 'ua mai ma sui boroi 'ana nau ku faarongo kamolu na kau 'ana taue, uri molu ka saitoma diana ai.

Matiu 24:25 ပူးပေါင်းရင်းမြစ်များ

Dion 16:1

Sa Disas nia bae lau ka 'urii, “Nau ku faarongo kamolu 'ana doo neki uri ka nao molu si lea 'e'ete lau.

Na Faarongoa Diana Bae 'Ana Kekeda Laa Sa Luku 21:13

Si kada ne kera ade 'uri nai 'amolu, nia ka falea naa si kada diane fuamolu uria bae lae sulia si Faarongoa Diana nee siada.

Matiu 10:16

Sa Disas ka bae lau 'urii, “Molu rongo fasi, nau ku fale kamolu na kau fua lao 'afitaie nai ma molu mala naa 'ana sifsif ki da lea matangana giri kwasi ki. Nia 'uri nai, molu lilio diana mala 'ana loi, ma molu ka ade marabibi lau guu mala 'ana bole.

Matiu 24:24

Suli na Kraes susuke ma na brofet susuke ki kera da kai dao mai ma da kai ilia fafaataia talingai ki ma doo kwaibalatana ki. Ma kera dai bae 'urii, ‘Nau na Kraes bae naa ne,’ ma nao daka bae 'urii, ‘Nau ta brofet lau gu ne.’ 'Uri nai guu kera daka sasi naa uri talai garo lae 'ana toaa ne God fili kera ki sui naa, ma sui boroi ka 'afitai naa fuada.

Matiu 24:26

“Si kada ni nau na 'Alakwa Nia Wane, kwai dao mai, toae ki sui guu kera dai suaku. Nia kai mala si kada kamolu suana kwakwange binabina 'i lofona salo loo ma ka folaa tiifau 'ita bali tae lana sato lea ka dao bali suu lana sato. Aia, lea tai waa kera da bae 'urii fuamolu, ‘Na Kraes bae 'e nii gwana lao fera kwasi loko,’ too 'amolu fasi lea lae 'i seeri. Ma lea tai waa daka bae 'urii fuamolu, ‘Na Kraes bae ne agwa gwana 'i seki nee,’ nao molu si faamamanea tasi baea 'uri nai ki.

2 Koren 13:2

'Ana ruana fa dao laa bae nau ku dao kau siamolu bae, nau ku saea sui naa fua tai wane ki 'ani kamolu bae da abulo ta'aa. Ma 'i tari'ina boroi, nau ku kekeda kau ku saea lau gu fua toaa nai ki ma fuamolu sui gwana ne lea nau ku dao na kau siamolu ma ku suana ta wane ka ilia gwana abulo ta'aa lae, nau 'afitai ku obi guu 'ani nia 'ana fale lana kwakwaea fuana.