Matiu 23:16 - Na Alangaia Falu 'ana Baea 'i Baeguu

¹⁶ “Kai ta'aa ka tasa fuamolu, kamolu toaa maarodo ne molu talaia toae. Suli kamolu molu toolangaidoo fua toae molu 'urii, ‘Waa ne alangai ka tofe 'ana Beukaua loo lea nia ka 'oia boroi 'ana alangaia nia ka nao gu ta doo ai. Waa ne tofe lau 'ana 'ana gool loo lao Beukaua loo ne abu 'asia naa uri nia ka 'oia lau alangaia nai.’

Matiu 23:16 ပူးပေါင်းရင်းမြစ်များ

Matiu 15:14

Nao molu si manata lau suli Faarisii ki. Sulia kera toa da 'uria gwada na waa maarodo da talaia lau gwada waa maarodo ki na. Ma molu ka saitomana lau guu, lea ta waa maarodo 'e talaia lau guu ta waa maarodo, keerua kai 'asi keeru sui guu lao kilu.”

Matiu 23:13

Sa Disas ka bae 'urii, “Kai ta'aa ka tasa fuamolu waa toolangaidoo ki 'ana taki ma kamolu Faarisii ki lau guu, ni kamolu toa suke nee. Suli kamolu, molu fonoki suusia 'initoaa God fasi toae ki. Kamolu nao molu si ruu gu lao 'initoaa God, ma sui molu ka kwaisuusi lau guu fua toaa ne kera da sasi uri ruu lae 'ada 'i laona.

Matiu 23:17

Kamolu toa maaboko nee, molu oewanea 'asia naa. Doo ai tee 'ana roo doo nai ki ne nia 'initoa ka tasa 'ani keerua sui, na gool loo ma nao na Beukaua loo? Na Beukaua loo lau 'ana lo 'e adea na gool nai ka abu, suli na gool nai 'e nii lao beukaua abu.

Matiu 23:19

Kamolu toa nee na maa molu 'e boboko. Doo ai tee 'ana roo doo nai ki ne nia 'initoa ka tasa 'ani keerua sui, na fuliera abu loo ma nao na doo nai dai afuafu ai laona? Na fuliera abu loo lau 'ana lo 'e adea na doo nai da afuafu ai laona ka abu, suli 'e nii lao fuliera abu.

Matiu 23:24

Kamolu toa ni kwaitalai ne maa molu 'e boboko. Kamolu molu mala gwamolu waa 'e kaua fa lango tu'uu fasi lao maekafo nia ma sui ka 'akaluaa 'ana kamel doo baita nee. Suli kamolu molu 'ini 'amolua fai ade lae suli si baea tu'uu ki lao taki, molu ka lio ekwa gwamolua 'ana baea talingai neki lao taki.

Matiu 23:26

Kamolu na Faarisii maarodo neki, molu tagisia fasi 'amolua si doo 'i lao liomolu ki ka falu 'i nao sui fatai si doo 'i sara ki. 'I seeri na toae ki daka suana abulo lamolu 'i sara ne nia falu lau guu mala 'ana taedoo ni fanga ne falu sui guu 'i laona fai sulina.

Geleisia 5:3

Tasi doo ku bae folaa lau ai fuamolu sulia 'iri'unga lae nia 'urii: Lea kamolu molu ade sulia taki ma molu ka ilia naa si doo nai, molu ka ili diana tiifau naa sulia dongana taki tasi doo si ore.

Demes 5:12

Toaafuta nau ki 'ae, si doo baita uri molu ka saitomana nia 'urii, nao molu si bae alafuu 'urii, “Mamana mai 'i langi,” ma nao sae molu ka 'urii, “Mamana mai 'ana molaagali nee.” Lea sae kamolu molu saitomana si doe nia mamana, molu ka bae gwamolu 'urii, “Nia mamana.” Ma lea nia nao si mamana, molu ka bae lau gu 'urii, “Nia nao si mamana.” Ma lea nao molu si ade 'uri nai, tara kamolu naofia kwakwaea.