Matiu 23:13 - Na Alangaia Falu 'ana Baea 'i Baeguu

^13-14 Sa Disas ka bae 'urii, “Kai ta'aa ka tasa fuamolu waa toolangaidoo ki 'ana taki ma kamolu Faarisii ki lau guu, ni kamolu toa suke nee. Suli kamolu, molu fonoki suusia 'initoaa God fasi toae ki. Kamolu nao molu si ruu gu lao 'initoaa God, ma sui molu ka kwaisuusi lau guu fua toaa ne kera da sasi uri ruu lae 'ada 'i laona.

Matiu 23:13 ပူးပေါင်းရင်းမြစ်များ

Matiu 23:16

“Kai ta'aa ka tasa fuamolu, kamolu toaa maarodo ne molu talaia toae. Suli kamolu molu toolangaidoo fua toae molu 'urii, ‘Waa ne alangai ka tofe 'ana Beukaua loo lea nia ka 'oia boroi 'ana alangaia nia ka nao gu ta doo ai. Waa ne tofe lau 'ana 'ana gool loo lao Beukaua loo ne abu 'asia naa uri nia ka 'oia lau alangaia nai.’

Matiu 23:23

“Tara kai ta'aa ka tasa fuamolu waa toolangaidoo ki 'ana taki ma kamolu Faarisii ki, kamolu toa suke nee. Kamolu molu fale diana 'asia naa 'ana tangafulu kamolu fua God 'ana doo tu'uu moko diana neki molu fasia ki uri alu lae fai fange ka moko diana. Ma sui, molu ka lio ekwa gwamolu 'ana baea talingai neki lao taki, ne na ade 'o'olo lae, ma na kwai'ofei lae, ma na mamana lae fua God. Molu ili fasi suli si baea talingai neki lao taki, ma ka nao molu si lio ekwa lau guu 'ana si baea tu'uu neki 'i laona.

Matiu 23:25

“Kai ta'aa ka tasa fuamolu toa ni toolangaidoo ki 'ana taki ma Faarisii ki, kamolu toa suke nee. Suli kamolu ade mala wane nia taufia gwana 'i sulina taedoo ni fanga lae ma 'i laona ka buu gwana 'ana bili ta'ae ki. Kamolu molu ngalia mamalana gwana si doo kera wane ki. Ma na birangaa nai ka 'inito na faafi kamolu.

Matiu 23:27

“Kai ta'aa ka tasa fuamolu waa ni toolangaidoo ki 'ana taki ma kamolu na Faarisii ki lau guu, ni kamolu toa suke nee. Suli kamolu molu 'uria kilu gwau da rabu kwakwaoa ada ki ma sua lada kau 'i sara ka diana 'asia naa. Ma sui ta 'i laoda mai ne, 'e fungu 'ana 'okina waa mae ma doo faamamagu ki sui naa.

Matiu 23:29

“Kai ta'aa ka tasa fuamolu toa ni toolangaidoo ki 'ana taki, ma kamolu na Faarisii ki lau guu, ni kamolu toa suke nee. Suli kamolu molu saungainia ma molu ka laungia likwafau ki fua brofet baki fai nia toaa 'o'olo baki 'ana kada 'i nao. Ma kamolu molu ka bae lau gu 'urii, ‘Kameli lea sa meli ka too boroi mai si kada bae kokoo kameli ki da too ai, 'afitai gu meli ka 'ado fai kera 'ana saungi lana brofet ki.’

Matiu 3:7

Ma si kada sa Dion 'e suana toa Faarisii ma toa Sadiusii 'oro nai da lea lau gu kau siana, nia ka bae 'urii fuada, “Kamolu na kalena baekwe 'i tolo neki mone! Kamolu nao molu si bulasi manataa guu. Tii ne saea molu ka sasi uri tafi lae faasia na kwakwaea nia God fuamolu, ne lea sa molu siuabu ma molu ka tala faasia?

Na Faarongoa Diana Bae 'Ana Kekeda Laa Sa Luku 11:52

“Kai ta'aa ka tasa fuamolu toa toolangaidoo lae 'ana taki ki, sulia kamolu molu fai faafia si baea mamana nia God faasia toae. Kamolu 'i tala'amolu nao molu si filia gu mai si baea nai, ma toaa ne da dooria saitoma lana boroi molu ka suusi kera lau gu faasia.”

Dion 9:22

Na maa nia fai gaa nia keerua bae 'uri nai sulia daru mau lau gwadaru 'ana toa gwaungai nai Diu ki. Suli kera saea ka talo naa, lea ta waa 'e saea sa Disas nia na Kraes, waa nai kera daka luia nao si ruu laona beu ni ofu laa kera nai.

Dion 9:24

Sui kera daka 'ailia lau mai sa wala nai maana rodo mai 'i nao nai, daka bae 'urii fuana, “'O tofe fasi 'i maana God uri meli ka saea 'o bae mamana. Kameli meli saitomana sa wala na waa abulo ta'aa gwana na.”

Dion 9:34

Ma kera daka rakesasu 'asia naa, ma daka bae 'urii fuana, “Ni 'oe 'o futa 'ua gu mai laona abulo ta'aa lae bae. Tee gwana ne sae 'oe dooria 'oko toolangainia siameli nee?” Ma kera daka tari nia naa fasi laona beu ni ofu laa kera nai.

'Aks 13:8

Sui ta sa Baadisas, ne satana lau guu sa 'Elaemas 'ana baea 'i Grik, nia 'e nao si manata ele suli si doo nai, ka sasi 'ana uri bulasi lana manata lana waa gwaungai nai uri ka nao si manata mamana lau 'ana sa Disas.

'Aks 5:28

“Kameli meli lui 'afitai ai nao molu si toolangaidoo lau sulia sa wala nee sa Disas bae. Ma sui boroi 'ana kamolu molu ka toolangaidoo gwamolu fua toaa nee 'ana fera nee 'i Durusalem sui naa. Ma molu ka suumainia naa saea kameli naa ne meli saungia sa Disas ka mae!”

'Aks 5:40

Si baea nai sa Gamaliel saea 'e adea kera daka 'ailia lau mai 'aboosol ki daka oli lau mai siada. Si kada kera dao naa, toa gwaungai nai ki daka saea fua waa ni fofolo ki daka nangasia 'aboosol ki lea sui daka luia nao kera dasi bae lau sulia sa Disas. Sui, daka lukasi kera daka lea na 'ada.

'Aks 8:1

Sa Sol 'e nii lau gu 'i seeri ma ka ala gwana faafia mae lana sa Stifin. 'I seeri na toa da foosia God ki daka ngalia sa Stifin daka saufinia naa ma daka too 'ana liodila laa baita 'i burina. Sui 'afa dani nai 'ua guu, na ilimataia baita 'asia naa ka safali dao tona naa figua nia God lao fera 'i Durusalem. Ma kera daka tagalo tiifau naa fua lao lolofaa nai ki Diudia ma 'i Samaria, lelea otona 'aboosol ki naa daka too.

2 Timotii 3:8

Na toaa toolangaidoo garo nai ki, da firu fainia toolangaidooa mamane. Na toaa nai, na manata lada nao si rao 'o'olo ma na manata mamana laa kera nai nia nao lau guu doo mamane. Kera da ade mala 'ana sa Dianes fai sa Dambres bae daru ngatafia sa Mosis.

2 Timotii 4:15

'O sua diana 'amua suli 'oe faasi nia, suli nia ne waa 'e firu suusia si faarongoa ne kolu faarongo talo ai.