Matiu 16:14 - Na Alangaia Falu 'ana Baea 'i Baeguu

¹⁴ Kera luu nia daka bae 'urii, “Tai wane kera saea 'oe sa Dion waa faasiuabu bae ne 'oe mauri lau nee, ma tai wane kera saea 'oe sa 'Ilaeja ne 'oe oli lau mai nee. Ma tai wane lau kera daka saea 'oe sa Dioromaea, ma nao ta waa 'ana brofet baki 'i nao ne.”

Matiu 16:14 ပူးပေါင်းရင်းမြစ်များ

Maak 6:15

Ma tai toaa ki daka bae lau gu 'urii, “Sa 'Ilaeja naa loko!” Ma tai toaa ki lau kera daka bae 'ada 'urii, “Nia ta brofet loko, mala brofet baki mai nao!”

Matiu 14:2

Nia ka bae 'urii fuana toaa da rao kwaimani fai kera ki, “Wane ne, nia alamia sa Dion waa faasiuabu bae 'oto ne nia mauri lau nee? Nia ne ka ilia lau na doo kwaibalatana neki nee!”

Dion 9:17

Faarisii da ade 'uri nai lelea oli daka ledia lau sa wala nai maana 'ifi naa nai, daka 'urii, “'Oe naa nai sa wala nai 'ifingia maamu nai. Aia, tee gu ne 'oe saea suli nia?” Ma nia ka 'urii, “Sa wala nai gu ne, nia na brofet lau guu.”

Dion 7:12

Ma toaa lao konia nai ki daka bae fuuaro na suli nia matangada kwailiu. Tai waa ki daka bae suli nia daka 'urii, “Sa wala bae waa ade diana bae.” Ma tai waa ki lau daka 'urii, “Waa nai 'e sukea toaa 'oro 'asia naa daka lea suli sukea nia nai.”

Na Faarongoa Diana Bae 'Ana Kekeda Laa Sa Luku 9:8

Tai toaa daka saea sa 'Ilaeja brofet bae 'ana kada 'i nao 'ua ne mauri lau ka ilia doo nai ki. Tai toaa lau daka saea sa nia ta waa lau gwana 'ana brofet baki 'ua 'i nao ne mauri lau ma ka ilia doo nai ki.

Maak 8:28

Ma kera luu nia daka 'urii, “Tai waa kera saea sa 'oe sa Dion waa ni faasiuabu bae gwana ne 'oe mauri lau gwamu nee. Ma tai waa daka saea sa 'oe sa 'Ilaeja ne 'oe oli lau mai nee. Ma tai waa lau guu kera daka saea lau 'ada sae 'oe ta waa 'ana brofet baki 'i nao gwana ne.”

Matiu 17:10

Olu waa kwairooi nia ki daka ledi nia 'urii, “'Utaa ne waa toolangaidoo ki 'ana taki kera daka saea sa 'Ilaeja kai dao fasi mai nao sui fatai waa fifilia God kafi dao mai?”

Dion 1:21

Ma kera daka ledia lau daka 'urii, “Sui 'uri nai, ma 'oe sa tii mone 'ana nee? 'Oe sa 'Ilaeja nee, ma nao 'oe sa tii nee?” Nia 'e luu kera ka 'urii, “Sa 'Ilaeja boroi ka nao lau guu.” Ma kera daka ledi lau gu 'urii, “Ma nao 'oe naa 'oto ne brofet bae meli maasia mai?” Sa Dion 'e luu kera ka 'urii, “Brofet nai boroi ka nao lau guu.”

Matiu 3:1

Totoo 'ana si kada nai ki lelea ka tau naa, sa Dion waa ni faasiuabu nai nia ka dao na mai. Ma nia ka safalia toolangaidoo naa lao fera kwasi nai lao bali lolofaa 'i Diudia. Nia ka bae 'urii,

Matiu 16:15

Sui sa Disas ka ledi kera lau ka 'urii, “Ma sui kamolu mone, molu saea nau sa tii nee?”