Matiu 1:2 - Na Alangaia Falu 'ana Baea 'i Baeguu

² Na isufutaa nee, 'e safali 'ana sa 'Abraham. Sa 'Abraham nia kwalafia sa 'Aesak, sa 'Aesak ka kwalafia sa Diakab, sa Diakab ka kwalafia sa Diuda fai toolana ki.

Matiu 1:2 ပူးပေါင်းရင်းမြစ်များ

Matiu 1:1

Na isufutaa sulia sa Disas na Kraes nia lea 'urii mai. Nia na waa 'e futa lao kwalafaa sa Defet na waa 'inito bae lao kwalafaa sa 'Abraham.

Matiu 1:3

Sa Diuda ka adea ni Tama ka kwalafia sa Beres fai sa Sira. Sa Beres ka kwalafia sa Hesron, sa Hesron ka kwalafia sa Ram.

'Aks 7:8

“'I seeri, God 'e alangai fua sa 'Abraham ka saea fua kera daka 'iri'unga 'ana wela wane kera ki sui guu 'ana kwalafaa nia uri ka faatainia kera alaofu fai God. 'Uri nai guu, si kada sa 'Aesak 'e futa, nia ka too lelea ka dao 'ana kwaluna maedani nia, sa 'Abraham ka 'iri'unga naa 'ani nia. Sa 'Aesak ka 'iri'unga 'ana 'alakwa nia sa Diakab, sa Diakab ka 'iri'unga 'ana akwala nia ma roo waa sarenga baki da futa 'ani nia, bae kolu Diu ki kolu kokoo 'ani kera, ma ka lea na mai 'uri nai sulia.

Hibrus 11:11

'Ana manata mamana lae 'ana God ne sa 'Abraham lelea ka welaa, sui boroi 'ana nia ka waro ta'aa naa ma 'afe nia ni Sera ka 'aba'ato. Keerua daru welaa suli daru manata mamana 'ana God nia kai mamana fua alangaia nia.

Hibrus 7:14

Na tio folaa lana si doo nai nia 'urii, sa Disas ne nia futa 'ana fiiwane sa Diuda. Aia, ma sa Mosis boroi nia nao si bae gu mai sulia ta wane ni foa fasi lao fiiwane nai.

Na Faatai lae 7:5

Fiiwane sa Diuda, kera 'ada tii akwala ma roo tooni 'ana wane ma keni. Fiiwane sa Ruben, kera 'ada tii akwala ma roo tooni 'ana wane ma keni. Fiiwane sa Gad, kera 'ada tii akwala ma roo tooni 'ana wane ma keni.