Maak 12:11 - Na Alangaia Falu 'ana Baea 'i Baeguu

¹¹ God ne ilia si doo nai ka 'uri nai, ma kolu ka suai ka diana 'asia naa.’”

Maak 12:11 ပူးပေါင်းရင်းမြစ်များ

Matiu 21:42

Ma sa Disas ka bae 'urii fuada, “Nia mamana kamolu teemainia na kekeda laa Abu bae nia bae 'urii, ‘Na fau bae waa saungai luma ki kera ote kera ai, nia naa ne fau 'initoe ni faangado lana lume. God ne ilia si doo nai, ma sua lana ka diana 'asia naa.’

'Aks 2:12

Ma kera daka kwele 'asia naa daka ulafusia doo dai saea. Kera daka ledi kera kwailiu daka 'urii, “Rowane 'ae, ma tee naa ne 'urii?”

Kolose 1:27

God nia manata ele ka faatainia fuakolu toaa nia ki, ne si Faarongoa nai nia doo fua toaa nao lau Diu ki lau guu. Ma si Faarongoa nai ne sa Disas Kraes nii naa 'ani kolu. Ma suli nia 'uri nai, kolu saitomana kolu kai 'inito fai God.

1 Timotii 3:16

Si doo mamana ma ka baita tasa ne God nia faatai folaa ai fuakolu 'i tari'ina sulia na faamamane laa ne kolu nii na 'i laona nia 'uri: “Kraes nia lea mai ka lia 'ana wane, Na Anoedoo Abu ka faatainia 'o'olo lana, Na 'ensel ki daka tala suana naa, Wane ka faarongo na suli nia matangana toaa 'e'ete 'oro, Na toae laona molaagali daka manata mamana na 'ani nia, Ma God ka ngali nia ka oli 'alaa na fainia uri laona 'initoaa 'i salo.”