Maak 10:18 - Na Alangaia Falu 'ana Baea 'i Baeguu

¹⁸ Ma sa Disas luua ka 'urii, “'Oe 'utaa ne 'oko sae nau waa diane? God taifilia naa ne nia diana, nao naa ta waa lau.

Maak 10:18 ပူးပေါင်းရင်းမြစ်များ

Matiu 19:17

Sa Disas ka bae 'urii fuana, “'Utaa ne 'oko ledi nau uria doo diane ki wala? Taifilia God gu ne diana. Lea 'oe dooria 'oko too 'ana mauria firi, 'oko ade sulia taki ki.”

Maak 10:17

Si kada sa Disas nia safali lea gu kau uri ka lea naa, tii waa 'e fita mai ka booruru naa 'i maa 'aena. Sa wala nai ka ledia sa Disas ka 'urii, “Waa toolangaidoo diana 'ae, si tee gu ne nau kwai ilia uri nau ku too 'ana mauria firi?”

Maak 10:19

'Oe saitomana gwamu si baea fifii baki bae, nee? Si bae fifii ki bae 'urii, ‘Nao 'osi sauwane, nao 'osi ooe, nao 'osi beli, nao 'osi suke faafi ta wane, nao 'osi sukea ta waa, ma 'oko sae'inito 'ana maa 'oe fai gaa 'oe.’”

Na Faarongoa Diana Bae 'Ana Kekeda Laa Sa Luku 18:19

Sa Disas luua ka 'urii, “Tee ne adea 'oko saea nau waa diana? Taifilia God naa ne diana, nao lau ta waa.

Kekeda Laa Nia Sa Bol Fua Konia Manata Mamana 'I Rom 3:12

Wane ki sui guu da abulo 'e'ete faasia God ma daka garo leaa faasi nia. Nao ta wane si ilia gu doo diane ki, nao sui guu.

Demes 1:17

Suli taifilia guu doo diane ki ne da kai lea mai fuakolu faasia Maa kolu God 'i salo. Nia ne saungainia na doo tala folaa ki laona salo. God nia 'afitai 'asia naa ka talana lau birangaa nia. Nia 'afitai ka tatala mala 'ana doo nai ki nia saungainida laona salo ma daka tala folaa 'ana tai si kada ma 'ana tai si kada ka nao dasi tala folaa.

1 Dion 4:16

Ma ni kolu saitomana ma kolu ka faamamanea liosaua ne God nia faatainia fuakolu. God, nia gwana ne liosaue. Tii ne nia too 'ana liosaue, waa nai ne nia tiidooa fai God ma God ka tiidooa fai nia.

1 Dion 4:8

Ma tii ne nao si faatainia liosaue, nia nao si saitomana God, suli God gwana ne liosaue.