Na Faarongoa Diana Bae 'Ana Kekeda Laa Sa Luku 9:35 - Na Alangaia Falu 'ana Baea 'i Baeguu

³⁵ Ma kera ka rongoa tii si lingeewane ka talo mai 'i lao dasa nai ka bae 'urii, “Sa Wala nena 'Alakwa nau na, na Waa fifilia nau 'ua guu. Kamolu too molu ka rongo sulia bae lana!”

Na Faarongoa Diana Bae 'Ana Kekeda Laa Sa Luku 9:35 ပူးပေါင်းရင်းမြစ်များ

Matiu 12:18

“Suana fasi na wane rao nau nee. Nau ne ku filia uri ili lana raoa nau. Nau ku liosau 'ani nia ma ku ele suli nia ka tasa. Ma ni nau kwai falea Anoedoo Abu nau faafi nia, ma ni nia kai bae folaa sulia 'o'oloe fuana toaa nao lau Diu ki.

Matiu 3:17

Ma tii si lingeewane nai ka talo mai faasia 'i salo ka bae 'urii, “Nia naa ne 'Alakwa nau ne ku liosau 'ani nia. Na manata laku 'e ele 'asia naa suli nia.”

Maak 1:11

Ma tii si lingee doo 'e talo mai fasi 'i salo ka bae 'urii, “'Oe 'alakwa nau naa ne 'oe tii fa wela 'autania nau ne ku liosau 'ani 'oe. Manata laku 'e ele 'asia naa suli 'oe.”

Na Faarongoa Diana Bae 'Ana Kekeda Laa Sa Luku 3:22

ma na Anoedoo Abu nia ka koso mai faafi nia mala 'ana tafa bole. Ma tii si lingee baea ka talo mai faasia 'i langi ka 'urii, “'Oe 'alakwa nau naa ne 'oe tii fa wela 'autania nau ne ku liosau 'ani 'oe. Manata laku 'e ele 'asia naa sulia 'oe.”

Na Faarongoa Diana Bae 'Ana Kekeda Laa Sa Luku 9:34

Kada sa Bita bae gwana 'uri nai, na dasa dao ka koko na faafi kera. Na olu waa kwairooi nai ki daka mau lau gwada kada dasa nai koko faafida.

Dion 12:28

Maa 'ae, 'o tafoa 'amua satamu 'i langi!” Sui tii si lingee doo nai ka talo mai faasia 'i salo ka bae 'urii, “Nau ku tafoa naa sataku 'i langi, ma tara nau ruana kwai ilia lau.”

Dion 3:16

God nia liosau 'asia naa 'ana wane laona fera ne 'i saegano, nia ka falea mai tii fa 'Alakwa 'autania nia uri tii gwana ne manata mamana 'ani nia, nia ka nao si funu. Nia 'e too naa 'ana mauria firi.

Hibrus 2:3

Aia ma ni kolu, lea kolu ka lio ekwatainia si baea ni mauria nee fatai, tara 'afitai naa kolu ka tala faasia kwakwaea nia God fuakolu. Na Aofia nia faarongo talo mai totoonao sulia si baea ni mauria nee, lea sui toaa baki da rongoa mai faasi nia daka faatai folaa lau guu 'ana mamana lana siakolu.

Hibrus 3:15

Suli na Kekeda laa Abu nia bae 'urii, “'Ana si kada kamolu molu rongoa bae lana God 'i tari'ina, nao molu si faasadia manata lamolu mala 'ana kokoo bora kamolu ki bae da ote kera 'ana God.”

Hibrus 5:9

Ma na 'afitaia nai ki ne adea sa Disas waa foa ni gwau nai ka ali'afu. Nia ne mauria firi 'e lea mai faasi nia fua toaa neki sui guu da ade suli nia.