Na Faarongoa Diana Bae 'Ana Kekeda Laa Sa Luku 20:24 - Na Alangaia Falu 'ana Baea 'i Baeguu

²⁴ “Faatainia fasi mai tafa seleni 'ana doo nai molu too ai fuaku ku suai fasi.” Kera ka ngalia na mai tii fa seleni fuana, sui nia ka ledi 'urii 'ani kera, “Aia, nununa sa tii ne nii 'afa seleni nee? Fai, satana sa tii ne nii ai nee?” Kera luu nia daka 'urii, “Nununa waa baita loko 'i Rom naa na.”

Na Faarongoa Diana Bae 'Ana Kekeda Laa Sa Luku 20:24 ပူးပေါင်းရင်းမြစ်များ

Matiu 18:28

“Aia, kada wane rao nai 'e ruu kau 'i maa, nia ka dao tona naa ta wane rao lau guu. Waa nai 'e ngali langa 'ana kaa seleni tu'uu 'asia guu siana. Nia ka daua sa wala nai ka safali 'ini na 'i luana, ka bae 'urii, ‘'O duua 'ua malefo nau baki 'oe ngali lalanga ai!’

Filibae 4:22

Na toaa nia ki God sui guu 'i Rom da falea kau si baea ni manata diana laa kera fuamolu. Ma ka tasa 'asia naa ne si baea ni manata diana laa ne lea kau faasia toaa nee da nii luma sa Sisa waa baita nee 'ana fera nee.

'Aks 26:32

Ma sa 'Agriba ka bae 'urii fua sa Festas, “Sa wala nee bobola fai 'oko lukea naa, lea nao nia si gani uri lea lae siana waa 'inito 'i Rom.”

'Aks 11:28

Tii waa 'ana brofet nai ki ne satana sa 'Agabas. Sa 'Agabas, na Anoedoo Abu 'e faarongo nia ma nia ka 'aitainia tii si faarongo laa. Si faarongo laa nai nia saea totoo na uni fioloa baita kai liu laona fera nai ki sui naa farana 'initoaa 'i Rom (Doo nai 'e fuli 'ana si kada sa Klodias nia 'inito fua fera 'i Rom).

Na Faarongoa Diana Bae 'Ana Kekeda Laa Sa Luku 23:2

Ma daka safali naa fua feengi lana lae 'ana doo garo ki, ma daka bae 'urii, “Kameli, meli dao tona sa wala nee nia bae alingana toaa kameli ki ka saea fuada nao dasi fale naa malefo 'ana takisi lae fua waa baita 'i Rom, ma nia ka saea sae nia naa ne na Kraes na waa ni taloa bae.”

Na Faarongoa Diana Bae 'Ana Kekeda Laa Sa Luku 20:22

“Aia, 'oe saea fasi mai fuameli, nia 'o'olo gu 'ana fua kameli ka fale takisi fuana 'initoaa nee 'i Rom, ma nao 'e garo?”

Na Faarongoa Diana Bae 'Ana Kekeda Laa Sa Luku 3:1

Si baea nia God 'e dao sia sa Dion 'alakwa sa Sakaraea lao fera kwasi loko. 'Ana kada nai, sa Taebirias nia gwaungai 'ana fera baita 'i Rom tiifau ka dao naa 'ana taafuli fa ngali ma lima fa ngali sarenga nia ki. Aia, ma sa Bontias Baelat nia ka 'inito fua bali lolofaa 'i Diudia, sa Herod ka 'inito fua bali lolofaa 'i Galilii, sa Filib toolana sa Herod lau guu, ka 'inito fua roo brofens neki 'Iturea fai Trakonaetis, sa Lisanias ka 'inito fua 'Abilini brofens. Aia, ma sa 'Anas fai sa Kaeafas daru ka foa ni gwau fua fera 'i Durusalem.

Na Faarongoa Diana Bae 'Ana Kekeda Laa Sa Luku 2:1

Aia, 'i burina na sa Dion 'e futa nao si tau guu, na waa gwaungai nai 'ana 'initoaa baita 'i Rom ne satana sa Ogastas, nia alua tii si baea fifii fua toae ki sui guu lao 'initoaa nia. Si baea fifii nai 'e saea toae ki sui guu kera kai oli uri maefera 'i 'aena fera kera ki fua keda sata lae ai.

Matiu 20:2

Nia alangai kai foli kera 'ana malefo ne bobola fai nia tii fa dani guu, sui ka odu kera daka lea naa uri rao lae 'ana ola nia.

Matiu 22:20

Ma nia ka ledi kera ka 'urii, “Na nunu sa tii ne, fai nia satana sa tii ne?”

Na Faarongoa Diana Bae 'Ana Kekeda Laa Sa Luku 20:23

Ma sa Disas ka lio filoa gu 'ana sukea kera nai, nia ka bae 'urii,

Na Faarongoa Diana Bae 'Ana Kekeda Laa Sa Luku 20:25

Ma sa Disas ka bae 'urii fuada, “Nia 'uri nai, kamolu ngali si doo ne naisata 'ana waa baita 'i Rom molu ka faa 'amolu fuana, ma si doo God ki ngali molu ka faa 'amolu fuana God.”

Maak 12:16

Ma kera daka ngalia mai tii fa seleni fuana, nia ka ledi kera ka 'urii, “Nunu sa tii ne nii 'afa seleni nee, ma satana sa tii ne nii ai nee?” Kera luua, daka 'urii, “Waa 'inito nee fera 'i Rom na.”