Na Faarongoa Diana Bae 'Ana Kekeda Laa Sa Luku 11:9 - Na Alangaia Falu 'ana Baea 'i Baeguu

⁹ Nia ne nau ku faarongo kamolu, molu gania God uri lelea molu ka ngalia doo ne kamolu gania siana. Molu ka nanisia doo ne molu dooria siana God uri lelea molu ka dao toi. Molu ka kikidi 'ana maa nia God uri lelea nia ka 'ifingia fuamolu.

Na Faarongoa Diana Bae 'Ana Kekeda Laa Sa Luku 11:9 ပူးပေါင်းရင်းမြစ်များ

Matiu 21:22

Lea molu faamamanea God, nia kai ilia doo ne kamolu gania siana.”

Matiu 21:31

“'Uri nai ma sa tii 'adaru ne ilia si doo bae maa keeru 'e dooria?” Ma kera da luu nia daka 'urii, “Na wela bae 'i nao.” Ma sa Disas ka bae 'urii fuada, “Si doo mamana ku saea fuamolu 'e 'urii, na toa ni koni lana malefo 'ana takis, ma wela keni olodola ki, kera dai ruu lao 'initoaa God 'i nao 'ani kamolu.

Matiu 6:29

Sui boroi 'ana, nau ku faarongo kamolu, na kwanga lana takada ki 'e diana tasa ka talua maku kwanga baki waa 'inito bae sa Solomon kai ofi ki ai 'ana kada 'i nao.

Maak 11:24

Doo ne adea guu nau ku saea fuamolu nai, kada molu foa, ma molu ka gani uri tasi doo, molu ka manata mamana mala 'ana sae kamolu ngalia naa, ma God kai falea gwana doo ne kamolu gani uria.

Maak 13:37

Si doo ku saea fuamolu, ma fua toae ki sui gwana naa ne 'urii: Molu folo!”

Na Faarongoa Diana Bae 'Ana Kekeda Laa Sa Luku 11:10

Sulia nia 'urii, toaa ki sui guu ne kera gania God, kera ngalia doo da gania. Ma toaa ki sui guu ne kera nanisia doo ne kera dooria siana God, kera dao toi. Ma toaa ki sui guu ne kera kikidi 'ana maa nia God, nia 'ifingia fuada.

Dion 14:13

Nau kwai ilia ta tee gwana ne kamolu gani nau uria suli kamolu toa nau ki naa. Uri 'i seeri nau na 'Alakwa, ku tafoa satana Maa nau 'i langi.

Dion 15:16

Tasi doo lau, nao lau kamolu bae molu fili nau. Nau lau 'ana bae ku fili kamolu, uri molu ka mala 'ua guu ta 'ai ne fungu diana 'ana fuaedoo ne tio ladoa. 'I seeri guu, nunufana kamolu molu gani 'ana sataku, Maa nau nia kai falea guu ta tee gwana ne kamolu gani nia uria.

Dion 15:7

Lea kamolu lado 'ani nau ma na bae laku ka tio ngado lao manata lamolu, ta tee gwana ne kamolu dooria ma molu ka gania God uria, nia kai faa fuamolu.

Dion 4:10

Ma sa Disas ka luu nia ka 'urii, “'Oe sa 'o saitomana mone na fale laa nia God, ma sa 'oko saitomaku mone nau waa ne ku gani kafo siamu nee, doo 'oe gani nau ne wala, uri nau ku falea kafo 'ana mauria fuamu.”

Kekeda Laa Nia Sa Bol Fua Konia Manata Mamana 'I Rom 2:7

Toaa ne da susuu ta'aa 'ana ili lana doo diane ki suli kera da dooria God kai tango kera ma kai sae'inito 'ani kera ma kera daka dooria mauria firi, God tara nia kai kwaiarangai kera 'ana mauria firi.

2 Koren 6:2

God nia bae 'urii lao Kekeda laa Abu ki, “'Ana si kada nau 'ua guu uri faatai lana ade dianaa nau fuamolu, nau ku rongoa foa laa kamolu ki. Ma 'afa sato nau 'ua guu uri faamauri lamolu lae, nau ku 'adomi kamolu.” Rongoa fasi nau ku faarongo kamolu: Si kada naa uri ngali lana ade dianaa nia God fuamolu ne. Ma fa sato nia naa God uri faamauri lamolu ne.

Hibrus 11:6

Lea wane nao si manata mamana 'ana God, nia 'afitai ka ilia manata lana God ka ele. Wane ne lea mai sia God, wane nai ka manata mamana ne God 'ita ka too naa ma ka kwaiarangainia toaa da nani 'initoa 'i burina.

Hibrus 4:16

Nia 'uri nai, nao kolu si mau 'ana lea lae mai sia God ne 'inito ma ka ade diana fuakolu. Lea 'akolu mai siana uri nia ka kwai'ofei fuakolu ma ka 'adomi kolu 'ana si kada kolu dao toi 'afitaie ki.

Demes 1:5

Aia, lea kamolu nao molu si too gu 'ana liotooe uri liu lae laona ilitooe ki molu ka gania God uria. Suli God nia sasi diana 'asia naa uri fale lana mai liotooa nai, ma 'afitai nia ka maa susuala fua wane ne gani nia.

Demes 5:15

God nia kai guraa waa matai nai suli kera foa faafi nia lao manata mamana lae. Ma lea nia ka ilia tasi abulo ta'aa lae, tara God kai manata luke nia.

1 Dion 3:22

ma kolu ka ngalia doo ne kolu gania siana God, suli kolu ade sulia si baea fifii nia ki ma kolu ka ilia doo ne nia dooria.

Na Faatai lae 2:24

Aia, ma ta bali 'amolu na molu too 'i Taeataera nao molu si lea lau sulia na toolangaidoo laa ta'aa nee, ma nao molu si faolomai kera lau uri daka toolangaidoo fuamolu 'ana doo neki da saea 'ana doo agwa sa Saetan ki. Nia ne, nau lau guu nao kwasi falea ta 'afitaia lau fuamolu.