Hibrus 3:15 - Na Alangaia Falu 'ana Baea 'i Baeguu

¹⁵ Suli na Kekeda laa Abu nia bae 'urii, “'Ana si kada kamolu molu rongoa bae lana God 'i tari'ina, nao molu si faasadia manata lamolu mala 'ana kokoo bora kamolu ki bae da ote kera 'ana God.”

Hibrus 3:15 ပူးပေါင်းရင်းမြစ်များ

Hibrus 10:29

Ma lea nia 'uri nai 'ana taki sa Mosis, na wane ne ote nia 'ana 'Alakwa God 'i tari'ina, nia kai ngalia kwakwaea ne baita tasa fatai. Suli na abulo lana wane nai nia faatainia nia manata toi sae sa 'Alakwa nia God nao si 'initoa guu ma na mae lana Kraes nunufana alangaia falu nee fuana nia oedoe gwana. Aia, na wane nai nia ka bae ta'aalia lau guu na Anoedoo Abu nee 'ana ade dianae.

Hibrus 10:38

Tii ne nia wane 'o'olo nau, alu nia too 'ana manata mamana lae. Aia, ma lea nia ka mau ma ka oliburi lau, nau 'afitai ku ele suli nia.”

Hibrus 4:7

Doo nai ne adea ma God ka alua fa sato 'e'ete naa fua wane uri ka ruu lao momola laa nai ai. Fa sato nai, God nia 'ailia 'ana, “Fa sato 'i tari'ina.” Aia, lelea mai ka tau naa 'i burina toaa bae nao dasi manata mamana bae, God nia ka faabaea sa Defet ka bae sulia fa sato nai. 'I seeri, sa Defet ka saea si baea bae da saea sui naa bae. Si baea bae 'urii, “'Afa sato 'i tari'ina, lea kamolu molu rongoa bae lana God, nao molu si faasadia manata lamolu.”