Geleisia 1:17 - Na Alangaia Falu 'ana Baea 'i Baeguu

¹⁷ 'Ana kada nai lau guu, nau nao kwasi lea guu 'i Durusalem sia 'aboosol baki da safali rao 'i nao 'ani nau. Nau ku lea 'aku uria bali lolofaa 'i 'Arabia, lea sui ku oli lau gwaku mai uria 'i Damaskas.

Geleisia 1:17 ပူးပေါင်းရင်းမြစ်များ

'Aks 9:10

Aia tii waa ne satana sa 'Ananaeas nia too 'i Damaskas. Nia ta waa lau guu ne manata mamana 'ana sa Disas. 'Uri nai, na Aofia ka 'aili nia laona tii si fafaataia ka bae 'urii fuana, “Wala 'Ananaeas 'ae!” Sa 'Ananaeas 'e luua ka 'urii, “Aofia 'ae, na tee?”

'Aks 9:19

Nia ka fanga lau gwana, ma burina nia fanga ka sui, nonina ka tetede lau gwana. Sa Sol ka too lau siana toaa manata mamana ki 'i seeri Damaskas suli ta bara maedani.

'Aks 9:2

Nia ka gania uri ka kwaifaolomai fuana uri nia lea ka ruufia beu ni ofu lae ki lao maefera baita 'i Damaskas. Lea nia ka dao tona ta waa ma ta ai 'ana toaa nai da lea suli Tala nai 'ana Aofia, nia ka daua waa nai ka talaia mai uri Durusalem uri daka alua laona lookafo.

'Aks 9:8

'I seeri sa Sol 'e sulatatae mai nia sae kwakwasia maana ka nao si lilio naa. 'Uri nai guu kera daka dau 'i 'abana daka talai nia na kau uri Damaskas.

Geleisia 1:18

Ma nau ku too gwaku 'i Damaskas lea ka dao 'ana olu fa ngali ki, lea sui fatai nau kwafi lea 'i Durusalem sia sa Bita. Nau dao ku too fai sa Bita 'i Durusalem sulia tii taafuli fa sato ma lima fa sato ki.