Filimon 1:8 - Na Alangaia Falu 'ana Baea 'i Baeguu

^8-9 Aia, sui boroi 'ana nau ku too 'ana rigitaa baita faasia Kraes uri odu lamu uri ili lana si doo ne bobola fainia 'oko ilia, nau ku dooria lau 'aku gani lamu 'i nunufana liosaua ne koro nii laona. Nia ne nau sa Bol waa ne ku waro naa ma ku nii na lao lookafo faafia raoa bae sa Disas Kraes,

Filimon 1:8 ပူးပေါင်းရင်းမြစ်များ

2 Koren 10:8

Suli Aofia nia falea rigitae fuameli uri talai lamolu lae. Ma nia ka odu kameli fua 'adomi lamolu lae, ma ka nao lau uri tauwela lamolu lae. Nau ku bae naunau suli nau suli na rigitaa nia Aofia ne nia falea fuameli. Sui boroi 'ana ka 'uri nai, nau kwasi 'ide guu.

2 Koren 11:21

Kameli nao meli si ade 'uri nai 'ani kamolu, ma sui 'utaa ne molu ka sae sa kameli meli garo? Na toa ne da sae sa kera tai 'aboosol 'initoa ki, kera da bae inala suli kera 'i tala 'ada. Ma nau lau guu ku bae inala suli nau 'i tala'aku ka mala 'ani kera sui boroi 'ana nia nao si diana fua bae lae 'uri nai.

2 Koren 3:12

Na diana tasa lana taala falu nee ne adea kameli nao meli si mau 'ana faatalongai lana si Faarongoa Diana nee.

'Efesas 5:4

Na bae ta'aa lae ma na bae oewanea lae ma na 'onionga ta'aa lae ma na doo 'uri nai ki sui guu nao si diana uri molu ka ilia. Si doo bobola fainia molu ka ilia 'amolu ne tango lana God.

1 Tesalonaeka 2:2

Kamolu saitomana na doo ta'aa neki da saea suli kameli, ma daka susubutai kameli laona maefera 'i Filibae sui fatai meli kafi lea kau uri maefera kamolu bae. Ma sui boroi 'ana waa 'oro ki lao fera kamolu daka sasi uri suusi lameli, God nia 'adomi kameli ka nao meli si mau guu 'ana faarongo lamolu 'ana Faarongoa Diana ne nia lea mai faasia God.

1 Tesalonaeka 2:6

Nao kameli meli si sasi guu uri sa kamolu ma nao sa ta tii gwana ka tango kameli 'ana.