Dion 7:7 - Na Alangaia Falu 'ana Baea 'i Baeguu

⁷ Toaa nee 'ana fera ne 'i saegano kera nao dasi susubutai kamolu. Sui ma ni nau, kera da susubutai nau ne, maana ne nau ku sae folaa ai fuada ne kera da ilia si doo 'e ta'aa.

Dion 7:7 ပူးပေါင်းရင်းမြစ်များ

Na Faarongoa Diana Bae 'Ana Kekeda Laa Sa Luku 6:26

Ta'aa ka tasa fuamolu kada ne toaa ki da tango kamolu, sulia na brofet suke baki 'i nao da tango kera lau gu mai 'uri nai.”

Dion 17:14

Nau ku toolangainia naa bae lamu siada, sui ma toaa 'ana fera ne 'i saegano ki daka susubutai kera, suli toa nau nee kera nao lau toa 'ana fera ne 'i saegano ki naa. Kera 'uri nau lau guu, ne nau nao lau waa 'ana fera ne 'i saegano.

Dion 3:19

Doo ne adea ma God ka falea kwakwaea, nia 'urii ne. Na kwesu 'e dao naa lao fera ne 'i saegano, ma sui wane ka dooria 'ana rorodoa lae ma ka ote nia 'ana kwesu nai suli na abulo lana wane 'e ta'aa.

Kekeda Laa Nia Sa Bol Fua Konia Manata Mamana 'I Rom 8:7

Na kwaidooria ta'ae 'ana noni nia malimae 'ana God. Nia nao si ade sulia taki nia God, ma ka totoo boroi 'afitai ka rongo lau sulia.

Geleisia 4:16

Kamolu 'uri sae molu malimae na 'ani nau 'i tari'ina suli ne ku faarongo kamolu 'ana doo mamane ki!

Demes 4:4

Ma molu ka faasia God mala 'ana ta 'initai ne faasia arai nia. Lea kamolu molu 'ado kwaimani fainia ta'aa lae laona molaagali, nia faatainia kamolu malimae nia ki God. Lea ta waa 'e dooria lea lae sulia manata laa laona molaagali, nia 'afitai ka lea sulia manata lana God.

1 Dion 4:5

Ma na brofet susuke nai ki, kera toaa fasi molaagali ma daka bae lau gu sulia si manata lae wane 'ana molaagali ma na wane 'ana molaagali ki lau gu daka ade suli kera.