Dion 7:18 - Na Alangaia Falu 'ana Baea 'i Baeguu

¹⁸ Lea waa 'e bae gwana suli si doo suli manata lana ki tala'ana tama nia dooria gwana fua toae daka tango nia fainia nai. Aia, ma waa ne dooria toae ki daka tangoa 'ada waa ne fale nia mai, nia 'ana ne waa 'ana mamana lae, ne nia nao si suke.”

Dion 7:18 ပူးပေါင်းရင်းမြစ်များ

Matiu 6:9

“Aia, si kada kamolu foa, molu ka foa 'urii, ‘Maa kameli 'i salo, Alu toae ki sui daka sae'inito 'ada 'ana satamu ne abu.

Dion 11:4

Si kada sa Disas rongo si faarongoa nai, nia ka bae 'urii fuana toa kwairooi nia ki, “Na mataia nee ka saungi nia boroi 'ana tara nao si maelia gu ne. Tee nia doo gwana uri daka tafoa satana God faafia nee, ma 'uri daka lio saitomana rigitaa nau 'Alakwa nia God.”

Dion 12:28

Maa 'ae, 'o tafoa 'amua satamu 'i langi!” Sui tii si lingee doo nai ka talo mai faasia 'i salo ka bae 'urii, “Nau ku tafoa naa sataku 'i langi, ma tara nau ruana kwai ilia lau.”

Dion 12:43

Kera toa gwaungai ki toa da dooria 'asia naa uri toae daka tango kera ma daka saea doo diane ki suli kera. Si tango laa ne lea mai fasi God, kera nao dasi manata fifii gu ai.

Dion 5:41

“Nau nao kwasi dooria guu uri sae ta waa 'ana fera ne 'i saegano ka tango nau.

Dion 8:54

Sa Disas ka luu kera ka 'urii, “Lea sa nau gwana ku susuu fai tafo laku 'i langi tala'aku, ma doo ku sasi gwaku fainia fua mange. Ma sui Maa nau waa ne kamolu saea nia God kamolu, nia 'ana ne tala tafo nau 'i langi.

1 Tesalonaeka 2:6

Nao kameli meli si sasi guu uri sa kamolu ma nao sa ta tii gwana ka tango kameli 'ana.

1 Bita 4:11

Tii 'amolu ne God 'e falea saitomadooe fuana uri faatalongai lae, alu nia faatalongainia bae lana God. Ma tii 'amolu ne God 'e falea saitomadooe fuana uri kwai'adomi lae, alu nia kwai'adomi 'ana tetedea ne God falea fuana. Ade 'uri nai uri si kada wane ki da suana doo nai ki molu ilida ki, kera daka tangoa God suli sa Disas Kraes. Alu na 'initoae ma na tetedee na doo nia naa sa Disas Kraes ka lelea firi. Iuka nia 'uri nai.

1 Dion 2:29

Kamolu molu saitomana naa ne God nia 'o'olo. Nia 'uri nai, molu ka saitomana lau guu ne tii ne nia ilia doo 'o'olo ki, nia naa ne futa 'ana God.