Dion 6:22 - Na Alangaia Falu 'ana Baea 'i Baeguu

^22-23 Aia da too 'e dani naa, na konia baita bae da faasi kera mai 'i bali 'osi loko bae, daka nani naa uri sa Disas 'i seeri kula bae nia falea tango lae talea God fua fanga bae ma ka sangoni kera ai bae. Ma kera daka lio saitomana mai tii baru gu ne too mai seeri ka lea mai rooki. Ma daka lio saitomana mai ne sa Disas nao si lea gu mai fai toa kwairooi nia ki lao baru nai. Suli toa kwairooi ki taifili kera gwana bae da lea mai. 'I seeri, tai baru faasia bali 'osi nai 'i Taebirias daka lea lau gu mai uri kula nai sa Disas 'e nii ai nai.

Dion 6:22 ပူးပေါင်းရင်းမြစ်များ

Matiu 14:22

Ma 'i burina si doo nai, sa Disas nia ka odua toa kwairooi nia ki kera ka eta na 'i nao uria ta bali 'ana 'osi nai lao baru. Ma nia ka 'aruburi kau uri ka odua konia nai daka lea 'ada.

Maak 6:45

Ma 'i burina si doo nai, sa Disas nia ka odua toa kwairooi nia ki kera daka eta na 'i nao uria ta bali 'ana 'osi nai laona baru uria maefera 'i Betsaeda. Ma nia ka 'aruburi uri ka olitainia konia nai ma ka alualu 'ani kera.

Dion 6:2

Ma tii konia baita nai ka lea lau gu 'i burina, suli kera da suana mai doo kwaibalatana ne nia fulia ki kada nia guraa mai toaa matai ki.