Dion 20:28 - Na Alangaia Falu 'ana Baea 'i Baeguu

²⁸ Ma sa Toomas 'e luua ka 'urii, “'Oe na Aofia nau, ma God nau!”

Dion 20:28 ပူးပေါင်းရင်းမြစ်များ

Matiu 14:33

'Uri nai guu toa ne kera nii 'i lao baru, kera daka faa'inito nia daka 'urii, “'Oe naa ne 'Alakwa nia God mamana!”

Na Faarongoa Diana Bae 'Ana Kekeda Laa Sa Luku 24:52

Ma kera daka faa'initoaa, sui daka oli na 'ada uri Durusalem fainia na ele laa baita.

Dion 1:1

'Ana sasafali laa 'ua mai, si Baea nia 'ita ka too naa, ma si Baea ka too kwaimani naa fai God, ma si Baea nia God.

Dion 20:16

Sui, sa Disas ka bae 'urii fuana, “Meri 'ae!” Ni Meri toriabulo 'e lio kau ka lio saitomana naa. Nia ka bae na 'urii fuana, “'Oi na Raboni bae!” “Raboni” toolangai lana na “Waa ni toolangaidoo” 'ana baea kera toaa Diu.

Dion 20:27

Sui sa Disas ka bae 'urii fua sa Toomas, “Toomas 'ae, 'oe alua fasi kakaumu 'i seki lao 'abaku. 'O suana fasi 'abaku neki. Faa mai 'abamu 'oko silifainia fasi 'i seki gagaroku fulina mae maala bae. 'O manata mamana naa, nao 'osi manata ruarua lau!”

Dion 20:29

Ma sa Disas ka bae 'urii fuana, “'Oe 'o suaku gwamu nai 'oko manata mamana nai. 'E diana tasa fua toaa ne nao dasi suaku boroi ma kera daka manata mamana 'ani nau.”

Dion 20:31

Ma sui boroi 'ana, doo neki nau ku kekeda sulida nee, nau ku kekeda sulida uri ka adea molu ka manata mamana 'ana sa Disas na Kraes, na 'Alakwa nia God. Ma si kada kamolu molu manata mamana 'uri nai, kamolu molu ka too 'ana mauria firi nunufana satana.

Dion 5:23

Uri toae ki sui guu daka faa'inito nau fai Maa nau ka bobola guu. Waa ne nao si faa'inito nau, nia nao si faa'initoaa lau gu Maa nau ne fale nau mai.

1 Timotii 3:16

Si doo mamana ma ka baita tasa ne God nia faatai folaa ai fuakolu 'i tari'ina sulia na faamamane laa ne kolu nii na 'i laona nia 'uri: “Kraes nia lea mai ka lia 'ana wane, Na Anoedoo Abu ka faatainia 'o'olo lana, Na 'ensel ki daka tala suana naa, Wane ka faarongo na suli nia matangana toaa 'e'ete 'oro, Na toae laona molaagali daka manata mamana na 'ani nia, Ma God ka ngali nia ka oli 'alaa na fainia uri laona 'initoaa 'i salo.”