'Aks 13:29 - Na Alangaia Falu 'ana Baea 'i Baeguu

²⁹ Burina kera da ilia doo nai ki sui guu 'ani nia sulia kekeda laa nai ki mai 'i nao, kera daka lafu nia faasia 'airarafolo, daka alu nia naa laona likwafau ni alu wane bae.

'Aks 13:29 ပူးပေါင်းရင်းမြစ်များ

Maak 15:42

Dao naa 'i saulafi, sa Diosef waa nai fasi maefera 'i 'Arimatea, nia ka lea mai ka dao. Sa Diosef nia ta waa gwaungai lau guu 'ana toaa ne da too 'ana tii si manatae doo uri kwaimaakwali lae maasia 'initoaa God. Nia ka lea noniraa kau siana sa Baelat ka gani nia uri nonina sa Disas, suli fa dani nai fa dani 'ana ade akau lae maasia Sabat.

Na Faarongoa Diana Bae 'Ana Kekeda Laa Sa Luku 23:50

Ma tii waa faasia maefera 'i 'Arimatea 'i lao bali lolofaa 'i Diudia, ne satana sa Diosef, nia too lau guu 'i seeri. Ma nia na waa 'o'olo, ma na waa diane, ma nia ka kwaimaasi lau guu uri sua lana God kai 'inito faafia toaa nia ki. Ma sui boroi 'ana nia ta waa 'ana toaa gwaungai kera Diu ki, nia nao si ala guu faafia doo ne kera saea, ma daka ilia 'ana sa Disas ki.

Na Faarongoa Diana Bae 'Ana Kekeda Laa Sa Luku 23:53

Ma nia ka lafua naa nonina sa Disas, ma ka 'afua naa 'ana maku kwakwaoe. Ma nia ka alua 'i lao tii likwafau falu ni aluwanee ne kera 'elia 'i lao fau baita nai.

Na Faarongoa Diana Bae 'Ana Kekeda Laa Sa Luku 24:44

Sui nia ka bae lau 'urii fuada, “Doo neki nau ku saea mai fuamolu, kada ne nau ku too 'ua mai fai kamolu. Doo nai ki sui guu kera kedaa suli nau lao taki sa Mosis ma lao kekeda laa brofet ki, ma lao Sam ki, kera mamana naa.”

Dion 19:28

Burina doo nai ki lau guu, sa Disas 'e saitomana sui naa ne raoa nia ki sui naa, ma uri si doo Kekeda laa Abu saea ka fuli, nia ka bae 'urii, “Nau ku maeli kuu.”

Dion 19:30

Si kada sa Disas nia kuufia ka sui, nia ka bae 'urii, “Nia sui naa nai!” Nia bae 'uri nai sui guu, nia ka gwautoli na mangona ka liu naa.

'Aks 13:27

Toaa lao fera 'i Durusalem fainia toa gwaungai kera ki, kera nao dasi lio saitomana guu sa Disas nia na waa ni kwai faamauri. Sui ka 'uri nai boroi 'ana, si doo ne bae lana God saea ne brofet ki da kekeda mai sulia, ma waa ki dai teemainia 'afa Sabat ki sui gu nee, nia naa bae 'e fuli naa si kada bae kera da saea sa Disas nia garo ma ka naofia naa mae lana.

'Aks 2:23

God nia saitomana sui naa ma ka 'olofaorana sui naa uri totoo boroi kera dai falea guu sa Disas 'i 'abamolu. Na toaa nao lau Diu ki daka 'ado kwaimani fai kamolu molu ka saungia ka mae naa, bae molu foto faafi nia 'ana 'airarafolo.

'Aks 26:22

Ma sui ka lea mai ka dao 'i tari'ina, God naa ne nia 'adomi nau. Ma nau ku faarongoa toaa ki sui guu, fua waa tu'uu ki, ma waa gwaungai ki lau guu. Ma na doo ne nau ku saea ki, nia lau guu bae na brofet ki ma sa Mosis kera saea kai dao mai.

'Aks 4:28

Kera da ili kwaimani 'ana si doo bae ma ka fulia naa si doo 'oe saea 'ua na mai 'i nao fai rigitaa 'oe totoo kai fuli 'uri nai.

'Aks 5:30

Sa Disas, kamolu molu saungi nia ka mae 'ana 'airarafolo, ma sui na God ne kokoo kia ki da foosia ka tatae nia fasi maea.

1 Koren 15:4

Kera daka saufini nia lao kwainaia ma God ka tatae nia lau gwana faasia maea lao oluna fa sato 'i buri mala ne Kekeda Laa Abu Ki da bae sulia.