2 Tesalonaeka 2:13 - Na Alangaia Falu 'ana Baea 'i Baeguu

¹³ Toaafuta liliosaua nau ki 'ae, kameli meli tangoa firi Aofia ne nia liosau 'ani kamolu, suli God nia fili kamolu sui naa 'ana sasafali laa uri ka faamauri kamolu. Nia faamauri kamolu 'ana si kada bae kamolu molu faamamanea faarongoa mamane ma na Anoedoo Abu ka 'olosi kamolu 'ana tetede laa nia uri molu ka too 'ana 'o'oloe.

2 Tesalonaeka 2:13 ပူးပေါင်းရင်းမြစ်များ

2 Timotii 1:9

God 'e faamauri kolu sui naa ma ka fili kolu sui naa uri kolu ka too tii bali fuana 'i tala'ana. Nia nao si faamauri kolu lau uri maana raoa neki kolu ilia ki. Nia faamauri kolu ma ka fili kolu lau 'ana sulia doori lana 'ua guu fai na ade dianaa nia. 'Ana sasafali laa 'ua mai, God nia dooria totoo kai faatainia ade dianaa nia fuakolu 'ana si kada nia falea mai Kraes Disas.

1 Tesalonaeka 5:9

God nao si fili kolu mai fua fale lana kwakwaea fuakolu, nia fili kolu lau 'ana fua faamauri lakolu nunufana Aofia kolu sa Disas Kraes.

1 Tesalonaeka 1:4

Toaafuta 'ae, kamolu toaa ne God nia liosau 'ani kamolu, kameli meli saitomana ne God nia fili kamolu naa fuana 'i tala'ana.

2 Tesalonaeka 1:3

Toaafuta nau ki 'ae, kameli meli kai tangoa na mone 'ameli God fuamolu ka lelea firi, suli na manata mamana laa kamolu 'ana God ma na liosaua kamolu fuamolu kwailiu 'e talingaia naa.

Kekeda Laa Nia Sa Bol Fua Konia Manata Mamana 'I Rom 9:11

'I nao sui fatai ni Ribeka kafi kwalafia roo 'iu nai ki, God 'e bae 'urii fuana, “Tara na wela nee 'i nao lelea kau nia kai rao fua wela nee 'i buri.” Si doo nai, nia saea sui fatai na roo 'iu baki daru kafi futa ma daru kafi ilia doo ki ne ka diana ma nao ka ta'aa. Si doo nai nia faatai folaa ai ne God nia filia gwana wane sulia liona 'i tala'ana, nao lau uri maana tasi doo 'ana ilidoo lana wane.

'Aks 13:48

Si kada toaa nai kera nao lau Diu ki da rongo si baea nai, kera daka ele 'asia naa ma daka manata 'initoa 'asia naa 'ana bae lana Aofia. Ma 'i seeri, na toaa ne God nia 'olofaorada 'ana mauria firi daka manata mamana naa 'ana God.

1 Dion 4:10

Aia, na liosaua mamana nee nia 'urii: Kolu nao ne kolu liosau 'ana God 'i nao, God 'ana ne liosau 'ani kolu 'i nao, ma ka falea mai tii fa 'Alakwa 'autania nia mala 'ana afuafua uri ngali lana abulo ta'aa laa kolu ki.

2 Tesalonaeka 2:12

Doo ne adea guu, toaa neki sui guu nao dasi faamamanea faarongoa mamane ma daka noni sasala 'ada sulia ta'aa lae, kera da naofia sui naa kwakwaea God.

'Efesas 2:8

Suli ne God nia ade diana tasa fuamolu, nia ka faamauri kamolu si kada kamolu molu manata mamana 'ani nia. Nao lau nunufana tasi raoa ne molu ilia 'i tala'amolu. Na mauria falu nai, na fale tatakwai laa nia God lau gwana fuamolu.

1 Dion 4:19

Kolu liosau 'ana God suli nia liosau 'ani kolu 'i nao.

Demes 1:18

God nia fili kolu uri kolu ka futa 'ani nia si kada ne kolu manata mamana 'ana si baea mamana nia ne nia falea fuakolu. God nia sua kolu ka diana tasa talua doo neki sui guu nia saungainia ki.

2 Tesalonaeka 2:16

Alu na Aofia kolu sa Disas Kraes 'i tala'ana ma God na Maa kolu ne da liosau 'ani kolu ma daka falea manata ele lae fuakolu ma na manata ngado lae maasia doo diane ki sui guu; Alu kera da falea 'ada ele laa nai fua laona mangomolu ma daka faatetede kamolu 'ada fua sae lana ma ili lana doo diane ki sui guu.

Kolose 1:5

Aia, 'ana si kada kamolu safali rongo si baea mamana ne kera saea sulia Faarongoa Diana nee, kamolu molu ka manata mamana ai, ma molu ka liosau 'ana toae ki, suli kamolu molu too kwaimaasi maasia na doo diana neki God 'e taingainia fuamolu 'i salo.

Geleisia 3:1

Kamolu toaa 'i Geleisia molu oewanea tasa! Tii ne lubasi kamolu ma molu ka lea na 'amolu sulia toolangaidooa 'e'ete nai? Nau ku faatai folaa sui naa 'ana malutana mae lana sa Disas Kraes 'ana 'airarafolo!

'Aks 15:9

God nia nao si liotoi ta 'e'ete laa matangana ni kolu fai ni kera, suli nia 'e manata lukea lau guu abulo ta'aa laa kera ki 'i nunufana manata mamana laa kera.

Hibrus 1:10

God nia ka bae lau gu 'urii fua 'Alakwa nia, “'O Aofia 'ae, 'ana sasafalie mai, 'oe 'o saungainia molaagali ma na dongana mamangaa loo daka too.

2 Timotii 3:15

'Oko manata toi bae 'ita 'ua mai 'ana si kada 'oe tu'uu ka lea mai, 'oe 'o saitomana na Kekeda laa Abu ki da faatainia ade laa ne God nia ilia 'ana faamauri lamu 'ana si kada 'oe manata mamana 'ana Kraes Disas.

2 Timotii 2:15

'Oe wane ni rao lae, 'oko susuu ta'aa uri 'oko abulo 'ana abuloa ne God nia ala faafi 'oe fainia ma ka nao nonimu si susuala fainia 'i naofana. 'Oko toolangai 'o'olo 'ana toolangaidooa 'o'olo nee fuana toae ki.

2 Tesalonaeka 2:10

Nia kai suke 'ana suke laa 'e'ete 'oro ki sui gwana. Ma kai sukea naa toaa ne da naofia naa funu lae, suli da noni'ela 'ana Faarongoa mamane, na doo nai lea sa kera faamamanea ma God ka faamauri kera.

Kekeda Laa Nia Sa Bol Fua Konia Manata Mamana 'I Rom 8:33

Nao ta wane nia si tala'ana sae garo lakolu toaa ne God fili kolu naa, suli God tala'ana 'ua gu ne ala faafia ne kolu 'o'olo 'i maana.

Kekeda Laa Nia Sa Bol Fua Konia Manata Mamana 'I Rom 6:17

Nau ku tangoa gwaku God! Suli ne kamolu toaa ne abulo ta'aa lae nia 'inito fuamolu 'ana kada 'i nao, 'i tari'ina, kamolu molu rongoa toolangaidooa mamana nee molu ka ade na sulia fainia na liomolu tiifau.

Dion 14:6

Ma sa Disas 'e luua ka 'urii, “Nau naa ne taale uri saitoma lana doo mamane ki suli God, ma uri dao lae laona maurie. 'Afitai 'asia naa ta waa ka lea 'e'ete lau 'ana faasi nau ma sae nia ka dao tona maa nau God.

Dion 1:1

'Ana sasafali laa 'ua mai, si Baea nia 'ita ka too naa, ma si Baea ka too kwaimani naa fai God, ma si Baea nia God.

Na Faarongoa Diana Bae 'Ana Kekeda Laa Sa Luku 1:75

ma uri kolu ka too 'o'olo na 'akolu 'i maana ka lelea firi.”

Kolose 3:12

Kamolu toaa nia ki God, ne nia 'e liosau 'ani kamolu ma ka fili kamolu uri kamolu na toaa nia ki naa, molu manatainia toae ki, ma molu ka ade diana, ma molu ka faatu'uu kamolu 'i tala'amolu, ma molu ka too aroaro, ma molu ka too marabibi.

1 Koren 1:21

Suli 'i lao liotooa nia God, na wane 'ana molaagali nia 'afitai ka saitomana God 'ana liotooa nia molaagali. 'I seeri, God nia ka dooria kai faamauria wane 'i nunufana si faarongoa nee kameli meli faarongo talo ai sui boroi 'ana tai wane daka saea 'ana si baea oewanea gwana nee.

1 Tesalonaeka 2:12

Suli meli bae kwaiarei fuamolu, ma meli ka gwafe kamolu, ma meli ka bae fifii fuamolu uri molu ka too 'ana tooa ne bobola fainia toaa nia ki God, ne 'aili kamolu mai uri lao 'initoaa diana nia.

1 Tesalonaeka 4:7

Suli God nia fili kolu uri na abulo lakolu ka 'o'olo, nao lau fua garoe.