2 Bita 2:13 - Na Alangaia Falu 'ana Baea 'i Baeguu

¹³ Ma uri maana nonifii laa ne kera da ilia 'ana toae, God nia kai duua lau guu 'ana nonifii lae. Na toaa toolangaidoo susuke neki, fanga lada baita, ma kuu lada, ma ka nao dasi suasulia mauria kera ki faasia fanga lae lao sato ki. Kamolu nee, molu kai 'ide tasa 'ana si kada da kai fanga fai kamolu lao konia kamolu ki, suli abulo lada nia ta'aa ka tasa, ma daka saitomana kera da kai suke 'ana kada ki sui guu.

2 Bita 2:13 ပူးပေါင်းရင်းမြစ်များ

Kekeda Laa Nia Sa Bol Fua Konia Manata Mamana 'I Rom 13:13

Ni kolu toaa nee 'ana dani ki naa, alu kolu abulo 'initoa na 'akolu. Nao molu si lea 'ana fafangaa neki uri kuu lae fua ooewanea ta'aa lae, nao molu si ooe, nao molu si mala 'ana giri 'e raerae, nao molu si firufiru, ma ka nao molu si 'uga.

'Efesas 5:27

Uri 'i seeri suana lana ka diana tasa 'ana si kada Kraes kai talaia kau siana mala 'ana ta keni fungao dao uri lana ne nao tasi doo si garo 'ani nia. Ne nia 'o'olo ma ka diana tasa 'i maana God.

Filibae 3:19

Suli kera toaa nai da lea naa uria laona kula 'ana funu lae. Toaa nai, doori lana noni gwana ne 'inito 'ani kera. Kera da bae noniraa 'ada sulia doo kwaifaa'idei ma daka manata gwada sulia dongana gwana ano nee.

2 Timotii 4:14

Sa 'Aleksanda waa ne saungainia doo ki 'ana si salo ki, nia faanonifii nau 'asia naa. Na Aofia 'ana ne kai duua maana doo nai ki nia ilida.

Demes 5:5

'I tari'ina, kamolu molu too 'ana doo diana 'oro tasa ma molu ka noni sasala 'asia naa sulia. Sui boroi 'ana ma kamolu molu mala 'ana ta buluka da faakobua, uri ka bobola fai fa dani da kai saungia ai.

1 Bita 4:4

Ma 'i tari'ina nee, toaa ukita ki da kwele suli ne nao molu si 'ado naa fai kera 'ana doo ta'aa neki da ilida ki. Nia ne adea daka saea baea ta'ae ki suli kamolu.

2 Bita 2:15

Kera da lea 'e'ete faasia tala 'o'olo, ma daka lea 'ada sulia birangaa ta'aa bae sa Balam na 'alakwa sa Bioa. Uri maana ne sa Balam nia dooria 'asia naa malefo nia ne nia kai ngalia 'ana ili lana doo ta'ae ki.

Na Faatai lae 18:6

Alu God 'e duua 'ana doo ta'aa baki fera 'i Babilon 'e ilia fua toae ki, ma alu nia duu langa fuana ka fafonaa lau uri maana doo ta'aa baki nia ilia fua toaa God ki. Na titiui doo 'afae ne nia faa fua toae ki, alu God nia olitainia fuana ka 'idu lau 'i fafona 'ana ruana si kada.