1 Tesalonaeka 3:11 - Na Alangaia Falu 'ana Baea 'i Baeguu

¹¹ Kameli meli ka foa uri God na Maa ma na Aofia kolu sa Disas ka kwaia taale ka walude fuameli uri meli ka dao kau siamolu.

1 Tesalonaeka 3:11 ပူးပေါင်းရင်းမြစ်များ

Matiu 6:32

Nao 'osi ade 'uri nai, suli na toaa ne kera nao lau toaa nia ki God, kera 'ana ne daka tola sulia doo nai ki. Ma ni 'oe ka nao lau, suli na Maa 'oe God 'i salo nia saitomana sui naa 'oe kwai 'atoi 'ana doo nai ki.

2 Tesalonaeka 2:16

Alu na Aofia kolu sa Disas Kraes 'i tala'ana ma God na Maa kolu ne da liosau 'ani kolu ma daka falea manata ele lae fuakolu ma na manata ngado lae maasia doo diane ki sui guu; Alu kera da falea 'ada ele laa nai fua laona mangomolu ma daka faatetede kamolu 'ada fua sae lana ma ili lana doo diane ki sui guu.

1 Tesalonaeka 3:13

Kameli meli ka foa lau guu uri nia ka babasia na mauria kamolu ki, ma molu ka too diana tiifau ma molu ka 'o'olo 'i maana God na Maa, 'ana si kada ne sa Disas na Aofia kai dao mai ma kai ofu kwaimani fai toaa abu nia ki sui guu.

Na Faarongoa Diana Bae 'Ana Kekeda Laa Sa Luku 12:32

Sui sa Disas ka bae lau 'urii, “Kamolu toa nau, sui boroi 'ana molu ka mala kale sifsif ki, nao molu si mau. Sulia God Maa kamolu, 'e manata ele 'asia naa uri faa lana 'initoaa nia fuamolu.

Matiu 6:26

'O manata fasi 'amua sulia saaro loki 'i mamangaa. Kera nao dasi oofia guu tai ola ma ka nao dasi konia guu tai fanga ne maua uri lao tai luma ni alu fanga lae ki. Sui boroi 'ana, na Maa kamolu God 'i salo nia ka saare kera ki. Aia, ni kamolu naa ne God nia suamolu ka 'initoa talua saaro loki.

1 Dion 3:1

Molu manata fasi 'amolu sulia na liosaua God na Maa fuakolu! Na liosaua nia fuakolu 'e baita 'asia naa, ma ka sae kolu naa 'ana wela nia ki ma si doo nai ka mamana naa. Toaa ki laona molaagali kera nao dasi saitomana gu ne kolu wela God ki naa, suli kera ne nao dasi saitomana gu God.

2 Tesalonaeka 3:5

Alu na Aofia kolu nia 'adomi kamolu 'ana uri molu ka saitoma diana 'ana liosaua God ma na susuu ta'aa lae laona 'afitaia ki mala 'ana Kraes.

Na Faarongoa Diana Bae 'Ana Kekeda Laa Sa Luku 12:30

Toaa ne da ulafusia God 'ana daka nani burina doo nai ki. Kamolu, God Maa kamolu 'e saitomana gu 'ana kamolu 'atoia doo nai ki.

Maak 1:3

Tii waa nia 'ai laona fera kwasi fuana toae ki. Nia ka bae 'urii, ‘Na Aofia nia kai dao mai! Molu 'olosia taale ki fuana!’”

Geleisia 1:4

Sa Disas Kraes nia 'e fale nia 'i tala'ana ka maelia abulo ta'aa laa kolu ki sui guu, uri ka lafu kolu faasia doo ta'aa neki sui guu lao molaagali. Na mae lana 'e lea sulia doori lana Maa kolu God.

Kekeda Laa Nia Sa Bol Fua Konia Manata Mamana 'I Rom 1:3

Na Faarongoa Diana nee, na faarongoa diana sulia sa Disas Kraes na Aofia kolu, na 'Alakwa nia God. 'Ana bali ne nia too 'ana noniidoo mala 'ani kolu wane, nia futa laona kwalafaa sa Defet waa 'inito bae 'ua guu. Sui God ka tatae nia faasia maea 'ana rigitaa Anoedoo Abu uri ka faatainia nia 'Alakwa God mamana.

Matiu 6:18

uri nao ta wane si lio saitomana lau ne 'oe abufanga. Taifilia guu Maa 'oe God 'i salo ne nia saitomana si doo diana ne 'oe ilia ka saufini gwana, ma nia ne kai kwaiarangai 'oe, sui boroi 'ana nao 'osi suana 'ana maamu.”

Matiu 6:14

“Lea 'oe manata lukea abulo ta'aa laa nia ta wane ilia fuamu, Maa 'oe 'i salo nia kai manata lukea lau guu abulo ta'aa laa 'oe ki.

Matiu 6:6

Si kada 'oe foa, lea 'oko too banitai 'amua 'ana kada lume tai 'oe 'oko fonoki suusi 'oe. 'O too 'i seeri 'oko foa agwa 'amua talea Maa 'oe God. 'I seeri na Maa 'oe nai, ne nia suana doo ki sui guu tara nia kai kwaiarangai 'oe.

Kolose 1:2

Kaaria bae diana kau fuamolu toaa God ki ne molu nii 'i Kolose. Ni kamolu bara waisaasina kaaria ki, suli molu uu ngasi 'ana manata mamana lae 'ana sa Disas Kraes. Alu God na Maa kolu nia kwai'ofei 'ana fuamolu ma ka falea 'ana aroaroe fuamolu.

2 Koren 6:18

Lea kamolu molu ade 'uri nai, nau na Maa mamana kamolu, ma ni kamolu na wela mamana nau ki naa. Nau, na Aofia rigita tasa ne ku saea si doo nai.”

Matiu 6:4

'O agwatainia fale kwai'adomia 'oe ki. 'I seeri, na Maa 'oe God waa ne suana doo diana nai ki 'oe ilia ka saufini gwana ki, nia kai kwaiarangai 'oe.”

Dion 20:17

Ma sa Disas ka bae 'urii fuana, “Nao 'osi dau fifini faafi nau 'urii, suli nau nao kwasi oli kwasi dao 'ua sia Maa nau ne. 'O oli kau dao siana toolaku ki, 'oko faarongo kera ne nau kwai oli naa siana Maa nau ne nia na Maa kera lau guu. Nia na God nau, ma na God kera lau guu.”

1 Tesalonaeka 4:16

'Ana si kada na Aofia nia kai dao mai na fuli lana 'e 'urii: Sa Disas na Aofia nia kai suungi baita tasa, sui na 'ensel gwaungai nai ka suungi baita lau guu 'i burina, sui na bungu nia God ka angi naa. 'Uri nai sui fatai na Aofia kafi sifo mai faasia 'i salo. 'Ana si kada nai, toaa ne kera manata mamana mai 'ana sa Disas Kraes ma daka mae naa, kera ne dai tatae fasi kau 'i nao.

1 Tesalonaeka 5:23

Alu God waa 'ana aroaroe nia rao 'ana laona mauria kamolu ki tiifau uri na mangomolu tiifau, ma na manata lamolu tiifau ma na nonimolu tiifau ka tio 'o'olo diana 'ana lelea ka dao 'ana si kada na Aofia kolu sa Disas Kraes kai dao mai.

2 Tesalonaeka 3:16

Alu na Aofia kolu na waa 'ana aroaroe ka falea 'ana aroaroe fuamolu 'ana si kada ki sui guu, ma ka too 'ana fai kamolu.

Na Faatai lae 21:3

Ma nau ku rongo tii lingee doo baita 'e bae mai faasia na doo ni goorua nai 'ana 'initoaa ka 'urii, “Si kula ni too nia God 'e nii na siana toaa nia ki. Ma tara nia kai too na fai kera ma ni kera na toaa nia ki naa. Ma God 'i tala'ana tara kai too fai kera ma ni nia na God kera naa.