1 Tesalonaeka 2:17 - Na Alangaia Falu 'ana Baea 'i Baeguu

¹⁷ Toaafuta nau ki 'ae, si kada bae na malimae kameli ki da tari kameli faasi kamolu suli si kada kukuru bae, kameli nao meli si manata buro gu 'ani kamolu. Ma na lio meli ka dila 'asia naa suli nao meli si too kwaimani na fai kamolu. Sui kameli meli ka susuu ta'aa 'uri sua lamolu lae lau 'ana tasi kada.

1 Tesalonaeka 2:17 ပူးပေါင်းရင်းမြစ်များ

Kolose 2:5

Sui boroi 'ana nau ku nii tau faasi kamolu, nau ku manata toomolu gwaku sulia fa sato ki sui guu. Ma nau ku ele 'asia naa faafia ne ku saitomana manata mamana laa kamolu 'e ngado 'ana sa Disas Kraes.

1 Koren 5:3

Sui boroi 'ana nau nao kwasi ofu fai kamolu laona ofu laa kamolu, 'ana manata laku, nau ku nii gwaku fai kamolu. Doo ne adea guu, nau ku saea ne sa wala nai nia garo naa ka bobola fainia uri molu ka falea kwakwaea fuana. 'Ana si kada kamolu molu ofu kwaimani 'ana satana sa Disas na Aofia kolu, nau boroi ku nii lau gu fai kamolu 'ana satana sa Disas na Aofia kolu.

1 Tesalonaeka 3:6

Aia, sa Timotii ne too mai siamolu oli mai ka dao naa nee, ma nia kafi dao guu. Nia ununu diana suli kamolu ma ka saea na manata mamana laa kamolu 'ana God, ma na liosaua kamolu fuamolu kwailiu da ngasi gwada. Ma nia ka faarongo lau guu sulia na manata ele laa kamolu suli kameli, ma ka saea molu dooria lau guu sua lameli lae, mala lau gu 'ani kameli fuamolu.

Kekeda Laa Nia Sa Bol Fua Konia Manata Mamana 'I Rom 1:13

Toaafuta nau ki 'ae, nau ku dooria uri molu ka saitoma diana 'ana si doo ne adea nau ku dooria dao lae kau siamolu sui boroi 'ana ka 'afitai gwana lelea mai ka dao naa nai. Nau ku dooria dao lae siamolu suli ku dooria toaa 'oro sena 'i Rom daka manata mamana lau guu 'ana sa Disas Kraes mala 'ana toaa 'oro ne nao lau Diu ki ne kera da manata mamana sui naa.

Kekeda Laa Nia Sa Bol Fua Konia Manata Mamana 'I Rom 15:23

Si kada nai, nau ku faasuia naa raoa nau 'i seki laona bali lolofaa neki. 'Ana kada 'oro sui na mai, nau ku dooria 'asia naa kwai suamolu.

Na Faarongoa Diana Bae 'Ana Kekeda Laa Sa Luku 22:15

Ma nia ka bae 'urii fuada, “Nau ku dooria 'asia naa 'ani lana Fangatasae nee fai kamolu, sui fatai nau kufi nonifii 'akua.

'Aks 17:10

'Ana kada nai ua guu nia rodo naa nai, na toaa nee kera manata mamana ki kera daka falea naa sa Bol fai sa Saelas uri fera 'i Beria. Kada keerua dao 'i seeri, keerua daru ka lea laona beu ni ofu laa toaa Diu ki.

Na Faarongoa Diana Bae 'Ana Kekeda Laa Sa Luku 12:58

Lea ta waa 'e ngali 'oe uri didi lamu lao kwauto, sui fatai muru kafi dao lao kwautoe, 'oe 'oko 'olosia doo ki 'i matangamuru. Sulia lea nao 'osi ilia si doo nai ma muru ka dao naa lao kwautoe, nia kai fale 'oe 'i 'abana waa ni kwae lana kwauto, ma waa ni kwae lana kwauto kai fale 'oe naa 'abana waa ni alu lamu lao lookafo.