1 Koren 16:18 - Na Alangaia Falu 'ana Baea 'i Baeguu

¹⁸ Kera da adea manata laku ka toli 'uri lau guu ne kera adea manata lamolu ka toli. Kwaini wane 'uri nai ki nia bobola fainia uri sae'inito lae 'ani kera.

1 Koren 16:18 ပူးပေါင်းရင်းမြစ်များ

Filimon 1:7

Wanefuta 'ae, nau ku too 'ana ele laa ma na noni sasala laa baita 'asia naa suli na liosaua ne 'oe ilia fua toaa God ma ka adea manata lana toaa God ka ele lau guu!

2 Koren 7:13

Si doo nai nia adea kameli meli ka ele 'asia naa. Nao lau otona si doo nai ki gwana ne adea meli ka ele 'asia naa. Kameli meli ele tasa lau guu suli meli rongo sa Taetas nia ele 'asia naa sulia doo diana neki molu ilida ki fuana.

1 Tesalonaeka 5:12

Toaafuta nau ki 'ae, kameli meli dooria uri molu ka sae'inito 'ana toaa ne Aofia filida ki daka rao tetede 'ana talai lamolu lae ma toolangaidoo lae fuamolu ki.

Kolose 4:8

Nau ku odu nia kau siamolu, uri nia ka faaele kamolu 'ana bae lana suli kameli.

Kekeda Laa Nia Sa Bol Fua Konia Manata Mamana 'I Rom 15:32

Uri lea sae manata lana God fuaku, tara nau ku faasuia si raoa nau nee sui, nau ku manata ele naa 'ana lea lae kau uri momola lae fasi 'aku siamolu.

3 Dion 1:4

Si kada nau ku rongo kau na wela nau ki da roo 'ua gwada sulia toolangaidooa mamana nai, nau tae ku ele 'asia naa sulia.

Filimon 1:20

Nia ne toolaku 'ae, nau ku dooria 'asia naa 'oko ili 'uri nai fua sa 'Onesimas laona tiidooa laa kolu fainia Aofia. Nau ku dooria 'oko faainomauri nau fasi 'uri nai 'ana bali 'ana tiidooa laa kolu fai Kraes!

Hibrus 13:7

Nao molu si manata buro 'ana toaa gwaungai kamolu baki da toolangainia mai bae lana God fuamolu. Molu ka manata toi na birangaa diana kera baki ma na mae laa bae da mae ki ai. Molu liokwaisulii 'ana manata mamana laa kera 'ana God.