1 Dion 4:3 - Na Alangaia Falu 'ana Baea 'i Baeguu

³ Ma waa ne nia tofea si doo nai sulia sa Disas, waa nai 'e nao si too 'ana anoedoo ne lea mai faasia God. Na anoedoo ne nia too ai 'e lea mai faasia na malimae nia sa Disas Kraes. Kamolu molu rongo naa bae nia kai dao mai, ma sui nia 'e nii naa laona molaagali.

1 Dion 4:3 ပူးပေါင်းရင်းမြစ်များ

Matiu 24:5

Suli waa 'oro dai dao mai 'ana sataku uri suke lamolu lae ma kera dai bae 'urii, ‘Nau na Kraes bae gu ne!’ Ma si kada kera da ili 'uri nai, na toaa 'oro ne kera da kai faamamanea suke laa kera nai.

1 Dion 2:18

Wela nau ki 'ae, 'isi lana molaagali 'e kwai karangi naa! Ma kamolu molu rongoa sui naa da saea na waa ne malimae 'ana Kraes nia kai dao mai. Aia 'i tari'ina, na malimae 'oro nia ki Kraes kera dao sui naa. Ma si doo nai gu ne adea kolu ka saitomana na 'isi lana molaagali nia kwai karangi naa.

1 Dion 2:22

Ma sa tii ne na waa susuke? Waa ne nia saea sa Disas nia nao lau Waa Fifilia nia God, nia na malimae sa Disas Kraes, suli nia tofea God na Maa fai 'Alakwa nia lau guu.

2 Dion 1:7

Na waa susuke 'oro ki da nii sui naa laona molaagali. Ni kera ne waa neki da saea sa Disas Kraes nia lea mai ka nao si too gu 'ana ta noniidoo mala 'ani kia wane. Ma na waa 'uri nai ki kera na waa susuke ki ma na Malimae nia sa Disas Kraes ki nai.