1 Dion 4:20 - Na Alangaia Falu 'ana Baea 'i Baeguu

²⁰ Lea ta waa nia saea nia liosau 'ana God ma sui ka too ta'aa gwana fai toolana, nia waa ni suke lae gwana. Nia 'uri nai, suli lea waa nao si liosau guu 'ana toolana ne nia suana, nia 'afitai 'asia naa ka liosau 'ana God ne nia nao si suana guu.

1 Dion 4:20 ပူးပေါင်းရင်းမြစ်များ

Dion 13:35

Lelea kamolu molu liosau 'uri nai 'ani kamolu kwailiu, toae ki sui guu kera da kai lio saitomana ne kamolu na toa kwairooi nau.”

1 Bita 1:8

Kamolu molu liosau 'ana Aofia sui boroi 'ana ka nao molu si suana 'ua, ma molu ka manata mamana lau gu 'ani nia sui boroi 'ana ka nao molu si suana guu 'i tari'ina. Nia 'uri nai, molu ele 'amolua 'ana ele laa baita ne ta baea boroi nao si tala'ana unu lae sulia ai.

1 Dion 1:6

Doo ne adea guu, lea kolu saea kolu 'ado kwaimani fai God, ma sui kolu ka nii gwakolu lao rorodoa lae, kolu suke gwakolu, ma na abulo lakolu 'e dodoloa ka lea guu sulia mamana lae.

1 Dion 1:8

Ma lea kolu saea nao kolu si too naa 'ana ta abulo ta'aa lae, kolu suke kolu lau gwakolu 'i tala'akolu, ma na mamana lae ka nao si nii gu 'ani kolu.

1 Dion 2:11

Aia, ma waa ne nia too ta'aa fai toolana, nia 'e too gwana lao rorodoa lae ma ka galo gwana. Nia 'e ulafusia lau gwana 'i fai ne nia lea uria, suli na rorodoa lae 'e rodo suusia maana.

1 Dion 2:4

Tii ne nia bae 'urii, “Nau ku saitomana God!” Ma sui ka ade gwana faasia si baea fifii nia ki God, nia waa fua suke lae gwana ne nao mamana lae si nii gu 'ani nia.

1 Dion 2:9

Tii ne nia saea nia lea sulia kwesu folaa nai, ma sui boroi ka dau gwana 'ana too ta'aa lae fai toolana, nia 'e too 'ua gwana lao rorodoa lae.

1 Dion 3:17

Tii ne nia too 'ana doo kwai'adomi ki 'ana noni ma ka suana toolana ka 'atonga gwana 'ana doo nai ki, ma sui ka nao si 'adomi nia guu, nia 'afitai ka bae mamana lea nia saea nia liosau 'ana God.

1 Dion 4:12

God ne ta waa nao si suana 'ua. Ma sui lea kolu faatainia liosaue fuakolu kwailiu, God nia tiidooa fai kolu, ma na liosaua nia 'ani kolu ka fono.