1 Bita 1:24 - Na Alangaia Falu 'ana Baea 'i Baeguu

²⁴ Suli na Kekeda laa Abu nia bae 'urii, “Kolu wane kolu mala gwakolu na lalano ma na 'initoa lakolu ka mala gwana takana lalano nai suai lae diana tasa. Si kada na lalano nia kuku, na takana boroi ka 'asia lau guu.

1 Bita 1:24 ပူးပေါင်းရင်းမြစ်များ

Matiu 6:30

God nia suasuli diana 'uri nai 'ana lalano taka diana loko ki lao gano sui boroi 'ana mauri lada ki nao si tau guu. Loko da too 'i tari'ina sui 'i bobongi mai daka 'ui 'ani kera lao ere ka sarufi kera lau gwana. 'I seeri nia faatainia ne God nia kai suasuli diana 'ani kamolu ka tasa 'ani kera, suli ne God nia suamolu ka 'initoa talu kera fatai! Uri tee ne fiitooa 'oe 'ani nia ka tu'uu 'asia guu?

Demes 4:14

Aia nau ku saea fuamolu, nao ta wane 'amolu si saitomana guu si doo ne kai dao mai 'i bobongi. Suli kolu, kolu mala gwakolu si sasu ne da suai sui ka nao'ana 'ali'ali gwana.

1 Dion 2:17

Na tooa ta'aa nai laona molaagali fai na kwaidooria ta'aa nai 'i laona ki sui guu kera dai funu. Aia, ma na waa ne nia ili sulia doori lana God, nia lau 'ana ne kai too 'ana mauria firi.