Захарияа 8:23 - Библи

²³ Түмэн Сэрэгтэ Эзэн айладана: Тэдэ үдэрнүүдтэ ондоо хэлэн дээрэ дуугардаг арбан зон нэгэ иудей хүндэ ерэжэ, хубсаһанһаань татан хэлэхэ: «Бурхан тантай гэжэ дуулаабди. Бидэниие өөһэдтөө абыт».

Захарияа 8:23 ပူးပေါင်းရင်းမြစ်များ

Эхин 31:41

Хорин жэлэй туршада би танда ажал хэжэ байгааб. Басагадыеш абахын тула арбан дүрбэн жэл соо богоол мэтэ хүдэлөөб, удаань өөрын гэхэ малтай болохын тула үшөө зургаан жэл соо хүдэлөөб. Харин та хүлһэнэй мүнгыемни арба дахин ондоо болгожо, мэхэлжэ байгаат.

Эхин 31:7

Харин тэрэ намай мэхэлдэг, хэлсэһэн түлөөһэеэ арба дахин хубилгадаг байгаа. Гансал Бурхан намда муу юумэ хүүлэдэггүй һэн.

4 Хаан түрэнүүд 2:6

Элияа Элишаада хандажа: – Ши эндээ үлэ, Эзэн намайе Иордан эльгээнэ, – гэбэ. – Эзэнэй ба шинии амиды байгаа сагта би шамайе орхихогүйб гэжэ тангаригланаб, – гэбэ Элишаа. Тэдэ хоёр хамта Иордан ошобо.

1 Угай бэшэг 12:18

Гушанай толгойлогшо Амасайда Һүлдэ буужа, тэрэ иигэжэ хэлэбэ: – Давид, бидэ танайбди! Ишайн хүбүүн, тантай хамтабди! Танда энхэ тайбаниие хүсэнэбди! Танда туһалагша Бурхандатнай энхэ амгаланиие хүсэнэбди! Давид тэдэниие угтан абаад, сэрэгэйнгээ манлайда томилбо.

2 Угай бэшэг 15:9

Эпрааимай, Мэнашшээгэй, Симеоной улад зон Эзэн Бурханай Асаа гэгшые дэмжэн байхые харахадаа, тэрээн руу олоороо ерэжэ ажаһуугаа. Асаа Иудын болон Бэньямиинэй бүхы зониие, мүн тэдээнтэй хамта ажаһуугааша Эпрааимай, Мэнашшээгэй, Симеоной зониие дуудаба.

Эстээр 8:17

Хаанай энэ зарлигай зарлагдаһан газар бүхэндэ иудейнүүд үргэн ехэ баяр тэмдэглэн, найр наада хэдэг байба. Энэ улас түрын ондоо үндэһэ яһатадай олохон зон иудейнүүдһээ айжа, иудейбди гэжэ өөһэдыгөө нэрлэдэг болоо бэлэй.

Иоов 19:3

Таанар намайе арба дахин доромжолбот, тэрээнһээ эшэхэгүй байна гүт?

Экклезиаст 11:2

Таряагаа долоон гү, али найман хубида хубаагаарай, дэлхэй дээрэ юунэйшье болохые мэдэхэгүйш.

Исай 3:6

Уг унги нэгэ зон нэгэеэ шэлэжэ, иигэжэ хэлэхэ сагынь ерэхэ: «Маанадта орходоо та нэмэргэтэй байна гээшэт, тиимэһээ энэ хүндэ сагта манай удамарша болыт!»

Исай 4:1

Долоон эхэнэрэй нэгэ эрэ хүндэ аһалдан, «бидэ өөһэдөө өөһэдыгөө тэдхэдэг, хубсалуулдаг байхабди, гансал таниие манай үбгэн гээд нэрлэдэг болохымнай зүбшөөгыт, үбгэгүй байхадаа, нэрээ гутанхай, доромжолуулжа байнабди» гэжэ хэлэхэ саг дүтэлжэ байна.

Исай 45:14

Эзэн иигэжэ айладхана: Израиль, Египедэй болон Эфиопиин баялиг таанадай болохо, Сэбаагай үндэр бэетэй зон танай богоол болохо, хойноһоотнай гэнжэлүүлэгдэн ябаха. Тэдэ танда унан мүргэжэ, «Үнэхөөр Бурхан таанадтай хамта байна. Ондоо бэшэ Бурхан байхагүй» гэлдэхэ.

Исай 45:24

Намда, Эзэндэ, үнэн шударга, хүсэн бии гэжэ тэдэ хэлсэхэ. Намайе үзэн ядагшад эшэжэ, Нам руу ерэхэ.

Исай 55:5

Хариин зониие, хэзээдэшье мэдээ-таняагүй арадуудые таанадай дуудахада, тэдэ тан руу шамдан ерэхэ. Минии, таанадай Эзэн Бурханай, таанадые алдаршуулһан Израилиин арюун Бурханай түлөө эдэ бүгэдэ хэгдэхэ».

Исай 60:14

Шамайе дарлагшадай үри һадаһад ерэжэ, бултадаа доро дохин зогсохо. Шамайе хэзээ нэгэтэ үзэн ядагшад хүлэйшни ула хүрэтэр бохиин һүгэдэхэ. Тэдэ шамайе «Эзэнэй хото, Израилиин арюун Бурханай Сион хото гэжэ нэрлэхэ.

Исай 60:3

Үндэһэ яһатад шинии гэрэл руу, хаашуул шинии мандажа байгаа туяа руу ерэхэ.

Исай 66:18

Би тэдэнэй һанаа бодол, хэрэгүүдынь мэдэхэб. Бүхы үндэһэ яһатадые суглуулха гэжэ ерэжэ байнаб. Тэдэ ерэжэ, Минии солые харахал.

Михей 5:5

Амгалан тайбан байдал тогтохо. Ассириин сэрэгэй манай газар уһанда ерэжэ, манай хамгаалалтые гэшхэн гарахадань, бидэ урдаһаань тулахаар хэдэн шанга удамаршые эльгээхэбди.

Цэпаанияа 3:19

Хараарайгты даа, тэрэ сагай ерэхэдэ дарлагшадыетнай Би суглуулхаб, дохолон эрэмдэгүүдые абархаб, тараһан арадаа суглуулхаб, тиигээд шоо үзэжэ байһан энэ газартань тэдэниие хүндэтэй, нэрэ түрэтэй зон болгохоб.

Тоололго 14:22

Минии алдар солые, дүлгэ тэмдэгүүдые Египедтэ ба элһэн сүл губида хараашье һаа, Минии айладаһан захяа үгэнүүдые дуулаагүй, арба дахин Минии тэсэбэриие шалгаһан тэдэ бултадаа

Лука 8:44

Тэрэ эхэнэр Иисүүсэй араһаа ерэжэ, хубсаһандань гараараа халта хүрэбэ ха. Тэрэ дороол шуһаниинь тогтошобо.

Хэрэгүүд 19:12

Павелай нюурай аршуул гү, али хормойбшо үбшэн зондо асархадань, тэдэнь эдэгэжэ, ада шүдхэрнүүд бэеһээнь гаража, тонилон ошодог байгаа.

Коринфынхидтэ 1-дэхи 14:25

Тэрэ хүнэй һанал бодолойнь нюусанууд эли боложо, тэрэ һүгэдэн Бурханай урда унажа, «Үнэхөөрөө Бурхан таанадай дунда байна», – гээд айладхаха.

Нүүнэй Иисүүс 8:35

Моисейн Иисүүстэ орхиһон бүхы захяа сооһоо Израилиин бүхы суглаанай урда, һамгадайнь ба хүүгэдэйнь урда, тэдээнэй дунда байһан ерүүл зоной урда Иисүүсэй уншаагүй нэгэш үгэ үлөөгүй.