Захарияа 7:14 - Библи

¹⁴ Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Захарияа 7:14 ပူးပေါင်းရင်းမြစ်များ

2 Угай бэшэг 36:21

Иигэжэ «Далан жэлэй туршада энэ орон нютаг хооһон зандаа хэбтэхэ» гэжэ Ерэмияа лүндэншөөр Эзэнэй дамжуулһан үгэнүүд бүтэбэ.

Псалманууд 58:9

Харин Та, Эзэн, тэдэниие наада барижа энеэхэт. Бүхы үндэһэтэдые шоо наадан болгохот.

Исай 17:13

Үндэһэтэдэй ехэ шууяан мантан долгинуудай хүүеэн мэтэ, теэд Бурханай тэдэниие зэмэлхэдэ, һалхинда хиидэһэн хада уулын тооһо шорой мэтэ, хуй шуурганай тооһон мэтэ туугдан, тэдэ аяар холуур хиидэнэ.

Исай 21:1

Далайн эрьедэхи элһэн сүл губи тухай зүн. Урда зүгэй газараар бурьялагша хуй һалхин мэтэ дайсан элһэн сүл губиһаа, аймшагтай газарһаа ерэжэ байна.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 66:15

Үзөөрэйгты, Эзэн гал дүлэн мэтэ бууха. Уурлаһан зоноо хэһээхэеэ Тэрэ шуурган һалхин мэтэ шуумайха.

Ерэмияа 12:10

Хариин олон удамаршад үзэмэй модоной сэсэрлигыем һалгаагаа, дуратай газарыем дэбһэжэ, үнэһэн тобороог болгоо, дуратай газарыем һандархай хооһон дайда болгобо.

Ерэмияа 23:19

Үзөөрэйгты, Эзэнэй уур хилэнтэй шуурган эбхэрэн дүтэлжэ байна. Тэрэ хорон муу зоной толгой дээрэ эрьелдэн бууха.

Ерэмияа 30:23

Үзөөрэйгты, Эзэнэй уур хилэн – шуурган, аймшагтай бордоһон! Тэрэ муу зоной толгой дээрэ бууха.

Ерэмияа 36:19

Тиихэдэнь тэдэ «Ши Ерэмияатай хамта хоргодохо ёһотойш. Хэншье хаана байһыетнай мэдэхэ ёһогүй» – гээд хэлэбэ.

Ерэмияа 44:6

Тиимэһээ Би Иудын хан түрын хотонуудта болон Иерусалимай үйлсэнүүдтэ уур хилэнгээ адхажа, тэдэниие шатаагааб. Тэдэ һандарал болон эзэгүй хооһон болоо, мүнөөшье болотор тиимэ байһаар.

Ерэмияа 5:15

Израилиин улад зон, үзөөрэйгты, Эзэн алас холоһоо танда добтолхыень нэгэ үндэһэ яһатаниие асаржа байна. Тэрэ хадаа тэсэмгэй шэрхи ба эртэ урдын үндэһэ яһатан. Тэдэнэй хэлэ мэдэхэгүйт, юу хэлэжэ байһыень ойлгохогүйт.

Ерэмияа 52:30

хорин гурбадахи жэлээ хааншалхадань, харуулай ахамад Набузарадаан долоон зуун дүшэн табан хүниие Иерусалимһаа баряанда эльгээгээ. Бүхыдөө дүрбэ мянга зургаан зуун хүн сүлэгдөө.

Эзэкээл 12:19

Минии, Эзэн Бурханай, орон нютагтаа үшөө ажаһуужа байгааша Иерусалимай улад зондо иигэжэ тунхаглаһыемни дуулга: тэдэ эдеэ барихадаа шэшэржэ, уһа уухадаа айжа һүрдэжэ байха. Муу муухай хэрэгүүдэйнь түлөө газарынь гандан хатажа, таряан ургахагүй.

Эзэкээл 22:15

Таанадые үндэһэ яһатадай дундуур сасан тараахаб, ондоо газар нютагуудаар хиидхүүлэн байхаб. Тиигээд бузарлаха ябадалнуудыетнай болюулхаб.

Эзэкээл 5:10

Тиигэжэ Иерусалим соо эсэгэнэр хүүгэдээ эдихэ, хүүгэдынь гэртэхинээ эдихэ. Би таанадые хэһээжэ, амиды үлөөшэ зонииетнай найман зүгөөр тараан сасахаб.

Даниил 8:9

Нэгэ эбэр дээрэнь үшөө нэгэ эбэрхэн бии боложо, урга ургаһаар урда, хойто, мүн Алдар солын орон нютаг руу һархайн бодобо.

Һошээ 9:17

Минии Бурхан тэдээнһээ буруу хараха, юуб гэхэдэ, тэдэ үгыень дуулаагүй. Тиигээд тэдэ ондоо арадуудай дунда тэнэжэ-түгэншэлжэ ябаха.

Ёһээл 2:3

Тэдэ хойноо шатаһан газар үлөөнэ. Ерэхэһээнь урид Эдээмэй сэсэрлиг шэнги байгаа һаа, арадань хооһон губи болодог. Тэдээнһээ тэрьелхэ арга огто үгы.

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Амоос 1:14

Раббаагай ханада гал табихаб! Байлдаата үдэр хашхараан дундуур, шуургата үдэр һалхин дундуур хэрэмүүдынь галда дүрэхэ!

Наум 1:3

Эзэн абаһаар уурлажа байдаггүй, тэсэбэритэй, гэбэшье Тэрэ гэмтэдые хэһээлтэгүй оройдоошье орхидоггүй. Тэрэ агууехэ хүсэ шадалтай. Һалхи шуурган, хуй соогуур харгы замынь, хүл дороһоонь үүлэн, тооһон бушаганадаг.

Аввакуум 3:14

Түшэмэлнүүдынь шуурган мэтэ нам руу дугташан, хүсэгүйе һэмээхэн үгы хэхэмнай гэжэ баярлан, намайе хюдахаяа һанаба. Теэд Та удамаршынь өөрынь жадаар нэбтэ хадхабат.

Цэпаанияа 3:6

Эзэн иигэжэ айладхана: – Арадуудые усадхааб, буланта самхагуудыень дууһан һандаргааб. Гудамжануудаарнь хэншье ябанагүй: иигэжэ Би хооһолооб! Хотонуудынь хооһороо: нэгэшье хүн тэндэ ажаһуунагүй.

Захарияа 2:6

«Һүүе! Һүүе! Хойто зүгэй оронһоо бодон тэрьелэгты! Ушарынь хадаа Би таанарые тэнгэриин дүрбэн һалхин мэтэ сасан тарааһан байгааб» гээ.

Захарияа 8:1

Түмэн Сэрэгтэ Эзэн намда дахяад айладхаба.

Захарияа 9:14

Эзэн тэдэнэй дээрэ үзэгдэн, Тэрэнэй сахилгаан һомон шэнги харбаха. Эзэн бүреэгээ үлеэжэ, хүсэтэ шуурган шэнги дабшаха.

Хуули дабталга 28:33

Хариин улад зон газарайшни хэшэг, ажалайшни бүхы үрэ дүн эдижэ хэрэглэжэ байха. Харин ши наһаараа хашагдажа, үйлөө үзэжэ байхаш.

Хуули дабталга 28:49

Хэлыеньшье танай мэдэхэгүй арад түмэниие дэлхэйн захаһаа Эзэн таанадта эльгээхэ. Бүргэдтэл адли, тэдэ таанадта добтолон орохо.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.