6 Тэрэ үдэр гэрэл гэгээгүй боложо, одо мүшэд унтарха.
Эзэн бүхы үндэһэтэд дээгүүр, алдар солонь тэнгэри дээгүүр.
Хаб харанхы болохо, тэнгэриин одод гэрэлтэхэгүй, нараншье мандахаяа болихо, һарашье харагдахагүй.
Түмэн Сэрэгтэ Эзэнэй Сион хада уулаһаа Иерусалимые зонхилон-захиран хаан шэрээ эзэлжэ залархада, һүр жабхалангынь арадай удамаршадай урда угаа ехээр яларжа-толоржо, һара, наранай гэрэл тэрэниие диилэжэ шадахагүй.
Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!
Газар дэлхэйе харахадам, хэбэр дүрсэгүй, эзэгүй хооһон байба. Огторгой руу харахадам, ямаршье гэрэлгүй байба.
Нара, һарын ялархаяа болиторынь огторгой болон мүшэдые халхалхаб.
Орон нютагыетнай шэб харанхы байдалда оруулан, огторгой хаб хара болохо. Энэ болбол Би, Эзэн Бурхан, айладхана мүн!
Зай, иигээд Эзэниие мэдэхэеэ эрмэлзэдэг болоё. Тэрэнэй залархань үүрэй толон мэтэ яг сагтаа, газар дайдые уһалдаг бороо мэтэ Тэрэ заларжа, маанадые һэргээхэл».
Тэрэ бүрхэг харанхы үдэр уулын оройгоор үүрэй туяагай сасарһан мэтэ амаргүй олон ба агуу хүсэтэй арад түмэн таража байна. Тэрээнтэй тэнсэхэ юумэн урданшье байгаагүй, хойшодоошье олон үедэ байхагүй.
Би тэнгэри болон газарта гайхамшагта тэмдэгүүдые – шуһа, гал дүлэ, бөөн хара утаа үзүүлхэб.
Эзэнэй агууехэ алдарта үдэрэй ерэхын урда тээ наран балартаха, һара шуһан улаан болохо.
Гэрэл туяа болбол шэг харанхы соогуур сасаран гэрэлтэдэг, тиин шэг харанхы Гэрэл туяае һүнөөжэ шадахагүй.
Би Гэрэл туяа гээшэб, тиин Намда этигэдэг хүн бүхэнэй шэг харанхы соо үлэшэхэгүйн тула Би энэ дэлхэйнхидтэ ерээб.
Эндэ боложо байһан бүхы юумэн тухай Ёһээл лүндэншэн уридшалан иигэжэ айладаа һэн:
Дээдэхи огторгойдо юрэ бусын үзэгдэлнүүдые, доодохи газар түбидэ гайхамшагта тэмдэгүүдые: шуһа, гал дүлэ, бөөн хара утаа үзүүлхэб.
Тиимэһээ таанад лүндэншэдэй айладхаһан юумэнүүдтэ бүришье ехээр этигэжэ байгты. Үдэр мандаад, үглөөнэй толон зүрхэ сэдьхэлдэтнай бадарха үе саг болотор харанхы газарта аһажа байһан зуладал адли лүндэншэдэй үгэнүүдтэ анхаралаа хандуулбал, таанад зүб юумэ хэхэт.
Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.
Би хоёр гэршэнэрээ эльгээхэб: тэдэмни уйдхар гашуудалай хубсаһа үмдөөд, мянга хоёр зуун жаран үдэр соо Бурханай үгэ айладхажа ябаха».
