Захарияа 14:4 - Библи

⁴ Тэрэ Иерусалимһаа зүүн тээшэ оршодог Элеон хада гэшхэхэ, тэрэ уула зүүнһээ баруун тээшээ хахаржа, уулын нэгэ талань хойшоо, нүгөө талань урагшаа нүүхэ.

Захарияа 14:4 ပူးပေါင်းရင်းမြစ်များ

2 Хаан түрэнүүд 15:30

Давид Элеон хада өөдэ үгсэхэдөө, толгойгоо бүглэн, уйлан, хүл нюсэгэн ябаба. Мүн тэрээнтэй хамта байһан бүхы зон толгойгоо бүглэн, уйлан ябаа һэн.

Эзэкээл 11:23

Тэрэ алдар соло хотоһоо холодожо, зүүлжээ шэглэн, хада уула дээгүүр тогтон заларба.

Эзэкээл 38:20

Дэлхэйн амитан бүхэн – загаһа жараахай, шубуу шонхор, ан арьяатан, мүлхидэг амитад, хүншье Намһаа айха. Хаданууд хамхаран унаха, хабсагайнууд нураха, хотонууд һандарха.

Эзэкээл 43:2

Зүүн зүгһөө мандан заларжа байһан Израилиин Бурханай һүр жабхаланай ялагар алдар соло тэндэ обёорбоб. Тэнгис далайн шааяандал адли һүрөөтэй шанга абяан дуулдажа, бүхы оршон дэлхэй Тэрэнэй һүр жабхалангаар яларжа толоржо байгаа һэн.

Аввакуум 3:6

Тэрэнэй зогсоходо, дэлхэй доһолбо. Харахадань, арадууд шэшэрбэ. Мүнхэ хада ууланууд хамхарба, эртэ урдын толгойнууд унаба. Эдэ хадаа Тэрэнэй эртэ урда сагта сэнгэдэг зүргэ замууд бэлэйл.

Захарияа 14:10

Тэрэ үдэр Иерусалимай үмэнэ оршоһон Гээбэһээ Риммоон хүрэтэр газар тала болон хубилбашье, Иерусалим үндын һэргэхэ, Бэньямиинэй хаалгаһаа нэгэдэхи хаалгын газарай углуугай хаалга хүрэтэр, Хананээлэй шулуун барилгаһаа хаанай уһан үзэмэй шахуур хүрэтэр баригдан бодохо.

Захарияа 14:7

Үдэршье бэшэ, һүнишье бэшэ, гансал Эзэндэ танигдаха юрэ бусын үдэр байха. Үдэшын лэ сагта гэрэлтэй болохо.

Захарияа 14:8

Тэрэ үдэр амидаралта уһан Иерусалимһаа урдан гаража, хахад уһаниинь зүүн зүгэй далайда, хахад уһаниинь баруун зүгэй тэнгис далай тээшэ урдаха. Урасхалынь үбэл, зун таһалгаряагүй урдаха.

Захарияа 4:7

Асари хада, Зэрубабээлэй урда ши хэмши? Ши тэгшэ тала гээшэш. Һүмын оройн шулуу дээшэнь гаргажа табихадань, арад зон «Эзэнэй үгэһэн аша буян энэл» гэжэ соло дуудаха.

Марк 11:23

Хэрбээ Бурханда һүзэгтэй, зүрхэ сэдьхэлдээ ямаршье һэжэг маргалтагүй һаа, уулада хандан: «Эндэһээ хүдэлөөд, далай руу һүрэ» гээ һаатнай, захирһан бүхэнтнай бүтэхэ гэжэ Би баталан хэлэнэб.