Захарияа 11:17 - Библи

¹⁷ Һүрэгөө орхиһон адуулагша хараалда хүртүүжэг. Тэрэнэй гар болон баруун нюдэн дээрэнь эритэ илдэ буулгагты. Гарынь бүхэлеэрээ хатажа, баруун нюдэниинь огто харахаяа болюужаг!

Захарияа 11:17 ပူးပေါင်းရင်းမြစ်များ

3 Хаан түрэнүүд 13:4

Бурханай хүнэй Бэт-Ээлэй үргэлэй шэрээдэ хандан айладхаһые хаан дуулахадаа, гараараа тэрээн руу заагаад: – Баригты энэ хүниие! – гэжэ захирба. Тэрэ дары заагааша гарынь, яагаашье һаань, хүдэлхэеэ болишобо.

Исай 29:10

Эзэн таанадые гүн нойрто абтуулаа. Лүндэншэд, нюдыетнай хаагаа! Үзэлшэд, толгойетнай боогоо!

Исай 44:10

Бурханда мэтээр зальбархаяа ямаршье ашаг туһагүй хүрэгүүдые хэн хээб?

Исай 9:15

Толгойнь хадаа үндэр наһатайшуул ба ноёдынь, һүүлынь хадаа худал хуурмаг лүндэншэд болоно.

Ерэмияа 22:1

Давидай үри һадаһан болохо Иудын хаанай ордон руу минии ошожо, хаанда, түшэмэлнүүдтэнь, Иерусалимай улад зондо иимэ айладхал дуулгахыем Эзэн захирба:

Ерэмияа 23:1

Эзэнэй арад зониие хюдажа, тараажа байгааша удамаршадтай гай гасалан ушарха гээд Эзэн тунхаглана.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Эзэкээл 13:3

Эзэн Бурхан иигэжэ айладхана: – Минии бэшэ, өөрын үгэ хэлэжэ, ямаршье үзэгдэл хараагүй аад, хараабди гэжэ тунхаглажа байгааша худал лүндэншэд гай гасалан амасаха!

Эзэкээл 34:2

– Хүнэй үри Эзэкээл! Израилиин ноёд болбол муу хонишод байна. Тэдэ ноёдые шүүмжэлэн, Минии, Эзэн Бурханай, иигэжэ айладхаһые ши дуулга: Израилиин хонишод, таанадта гай гасалан тудаха! Хонид тушаа бэшэ, гансал өөһэд тушаа һанаагаа таанад табинат.

Захарияа 10:2

Онгонууд ерээдүй саг тушаа таамаглана. Мэдэлшэбди гэдэгүүд худал үзэгдэл хаража, хуурмаг зүүдэ үзэнэ. Тэрэнь ямаршье ашагүй. Тиимэһээ хүнүүд хонин мэтэ төөрин, туһа эрин хашхаралдана. Теэд тэдэниие дахуулха хонишон байхагүй.

Захарияа 11:15

Эзэн намда айладаба: – Тэнэг хонишоной хэрэгсэлые өөртөө дахин аба.

Матвей 23:13

Хуули заадаг багшанар, фарисейнүүд, таанад гашуудал зоболон үзэхэт! Хоёр нюурта таанад! Огторгойн хаан орониие хүнүүдһээ хаажа, өөһэдөөшье тэндэ ороногүйт, орохо дуратайшуулыешье тиишэнь табинагүйт.

Матвей 23:16

Һохор балай хүтэлэгшэд, таанад гашуудал зоболон үзэхэт! Таанад: «Хэрбээ али нэгэн хүн Һүмөөр тангариглаа һаа, тангаригынь хүсэнгүй; харин Һүмэдэ байһан алтаар тангариглаа һаа, тангаригынь хүсэн түгэлдэр», – гэжэ һурганат.

Иоанн 12:40

«Бурхан тэдэ хүнүүдые һохор болгоо, ухааень балартуулаа. Тиимэһээ тэдэ нюдөөрөө юумэ харанагүй, ухаагаараа юумэ ойлгоногүй. Тиигээгүй һаа, Намда тэдэ хандаха һэн, Би тэдэниие аргалжа эдэгээхэ һэм».

Иоанн 9:39

– Зарга шүүбэри хэхэеэ Би энэ дэлхэйдэ ерээб. Тиихэдээ юумэ харадаггүй хүнүүд харадаг болохо, юумэ харадаг хүнүүд һохор болохо, – гэжэ Иисүүс хэлэбэ.

Римэйхиндэ 11:7

Зай, юун болоноб? Израилиин арад зон бэдэрһэн юумэеэ олоогүй. Зүгөөр үсөөхэн лэ Бурханай шэлэжэ абаһан хүнүүд бэдэрээшэеэ олоо, харин бусад зониинь Бурханай уряалые анхараагүй.

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

1 Хаан түрэнүүд 2:31

Харагты, Би шинии болон түрэл саданарайшни ургажа ябаа улаан бургааһад болохо бүхы залуу зониие усадхахаб, тиихэдэмни шинии гэр бүлэдэ үндэр наһатай хүн үгы болохо.