Яковай хандалга 5:3 - Библи

³ Алта мүнгэнтнай жэбэдэ даруулаа, тиин тэрэ жэбэ таниие зэмэлхэ, бэеыетнай галда мэтэ шатаажархиха. Таанад зөөри зөөшэеэ эдэ һүүлшын үдэрнүүдтэ дэмы суглуулнат.

Шэнэ Хэлсээн

³ Алта мүнгэнтнай жэбэдэ даруулаа, тиин тэрэ жэбэ таниие зэмэлхэ, махабад бэеыетнай галда мэтэ шатаажархиха. Таанад зөөри зөөшэеэ эдэ һүүлшын үдэрнүүдтэ дэмы суглуулжал байнат.

Яковай хандалга 5:3 ပူးပေါင်းရင်းမြစ်များ

Эхин 31:48

Удаань Лаваан Яковта иигэжэ хэлэбэ: – Энэ обоо ши бидэ хоёрой хоорондоо баталһан хэлсээнэй гэршэ мүн! Энээнһээ хойшо тэрэ газар Галиэд гэгдэдэг.

Эхин 31:52

Би эндэһээ саашаа газар руу, шинии урдаһаа дайлан орохогүйб, шишье эндэһээ наашаа гаража, минии урдаһаа дайлахагүйш. Энэ добо бидэ хоёрой хоорондоо тогтооһон хани барисаанай гэршэ мүн.

Эхин 49:1

Яков хүбүүдээ ерүүлээд, иигэжэ хэлэбэ: – Зай, тойроод зогсогты, хүбүүдни. Ерээдүйдэ юун таанадые хүлеэнэб гэжэ хэлэхэмни.

Исай 2:2

Һүүлшын үдэрнүүдтэ иимэ юумэн болохо: Эзэнэй үргөөгэй оршодог хада бусад хадануудһаа эгээл үндэр болохо, толгойнуудһаа эгээл үндэрынь болон тодорхо. Тэрээн руу бүхы үндэһэтэд урдан хүүехэл.

Ерэмияа 19:9

Дайсан хотые бүһэлжэ, зониие гай зоболондо оруулха. Бүһэлэлтэдэ байха гээшэ угаа аймшагтай байха: хото соо байгааша зон бэе бэеэ, үхи хүүгэдээшье эдижэ эхилхэ.

Михей 3:3

Арадайм мяха эдижэ, арһыень хуулажа, яһыень эбдэн, бутаргаад, мяхыень хэршэн тогоон руу хэнэт.

Михей 4:1

Һүүлшын үдэрнүүдтэ иимэ юумэн болохо: Эзэнэй Һүмын оршодог хада бусад хадануудһаа эгээл үндэр болохо, толгойнуудһаа эгээл үндэрынь болон тодорхо. Арад түмэн тэрээн руу урдан хүүехэл.

Хэрэгүүд 2:17

«Иимэл юумэн һүүлшын үдэрнүүдтэ болохо гэжэ Бурхан хэлэнэ: Би Өөрын Һүлдөөрөө хүн бүхэниие нэбтэрүүлхэб, таанадай хүбүүд басагад зүн бэлигээр мэдэдэг болохо, залуушуултнай үзэгдэл үзэжэ захалха, үбгэд хүгшэдтнай зүүдэ зүүдэлхэ.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Тимофейдэ 2-дохи 2:17

Тиимэ шашалдаан болбол махабад бэеэр таража байһан эдеэртэй яра шархада адли. Именей Филит хоёр тиимэ дэмы юумэндэ һургажа байна.

Нүүнэй Иисүүс 24:27

Тиигээд Иисүүс бүхы арад зондо хэлээ: – Энэ шулуун манда гэршэ болохо, юуб гэхэдэ, Эзэнэй манда хэлэһэн бүхы үгэнүүдые тэрэ дуулаа; Бурханайгаа урда танай худалаар хэлэбэлтнай, тэрэ таниие гэмнэһэн гэршэ болохо.

Пётрой 2-дохи хандалга 3:3

Нэн түрүүн таанад һүүлшын үдэрнүүдтэ хүсэлэнгүүдэйнгээ мэдэлдэ байдаг хүнүүд ерэхэ гэжэ мэдэхэ ёһотойт. Тэдэнэр таанадые наада барин,

Гэршэлгэ 17:16

Шинии хараһан эдэ арбан эбэрнүүд, мүн арьяатан тэрэ Янхан эмые үзэн ядажа зэбүүрхэхэ, тэрэниие үгырүүлэн хооһоруулха, салдаган нюсэгөөр үлөөхэ, тэрэ эмые эдижэрхихэ, тиигээд галда шатааха.

Гэршэлгэ 20:15

Амидаралай ном соо бэшэгдээгүйшүүлые гал дүлэтэ нуур худар шэдээ һэн.

Гэршэлгэ 21:8

Аймхай дүүлэгэрнүүд, Иисүүстэ һүзэглэдэггүй хүнүүд, бузар муухай нүгэл хэгшэд, алууршад дээрмэшэд, зальхай ябадалтан, эльбэ хэгшэд, онгондо шүтэгшэд, элдэб худалшад гал, хүхэрөөр дүлэтэн носогшо нуур руу хаюулха. Энэнь хоёрдохи үхэлгэ мүн.