Яковай хандалга 5:16 - Библи

¹⁶ Эдэгэхэ гэбэл, бэе бэедээ нүгэлөө хөөрөөд, бэе бэеынгээ түлөө зальбарагты: үнэн сэдьхэлтэнэй зальбаралга ехэ юумэ хэхэ аргатай.

Шэнэ Хэлсээн

¹⁶ Эдэгэхэ гэбэл бэе бэедээ нүгэл шэбэл тухайгаа хөөрэжэ үгөөд, бэе бэеынгээ түлөө зальбарагты: үнэн сэдьхэлтэнэй зальбаралга ехэ юумэ хэхэ аргатай.

Яковай хандалга 5:16 ပူးပေါင်းရင်းမြစ်များ

Эхин 19:29

Энэ тала дайдын хото һууринуудые үгы хэхэдээ, Бурхан Абраһаамые һанаандаа оруулжа, Лоодые абараа.

Эхин 20:17

Тиигээд Абраһаам Абимээлэхэй түлөө Бурханиие гуйжа, мүргэн зальбарба. Тиихэдэнь Абимээлэхэй бэень урдынхиһаа үлүү энхэ элүүр болобо. Абраһаамай һамган Саррые ордондоо оруулһан ушарһаань Абимээлэхэй хатаниие, шэбэгшэнэрыень Эзэн үрэгүй болгожо, тэдэ хээлитэй болохоёо болиһон юм. Харин Абраһаамай гуйхада, Эзэн тэдэниие дахин үрэтэй болгожо, тэдэ үхи хүүгэдые түрэжэ эхилбэ.

Эхин 20:7

Зүгөөр ши мүнөө тэрэниие үбгэндэнь бусаа. Тэрэшни лүндэншэ хүн, шинии амиды үлэхын тула уншалга хэхэ, тиихэдэнь Би шамайе амиды мэндэ үлөөхэб. Хэрбээ тэрэниие үбгэндэнь бусаагаагүй һаа, өөрөөшье, шинии хамаг угшье хосорхо!

Эхин 32:28

Тиихэдэнь Тэрэ хэлэбэ: – Энээнһээ хойшо шинии нэрэ «Яков» бэшэ болохо. Ши хүнтэй барилдажа, илаад, удаань Бурхантай барилдажа диилэһэн хадаш шамда «Израиль», оршуулбал, «Эзэн Бурхантай барилдагша» гэдэг нэрэ үгтэбэ.

2 Хаан түрэнүүд 19:19

Тэрэ хаанда иигэжэ хэлэбэ: – Эзэн хаамни, намайе гэмтэй гэжэ бү тооложо байгыт. Танай Иерусалимһаа гаража байһан тэрэ үдэр минии хэһэн гэмые зүрхэ сэдьхэлдээ хадагалжа бү ябыт.

3 Хаан түрэнүүд 13:6

Хаан Бурханай хүндэ хандан: – Минии түлөө Эзэн Бурхандаа мүргыш даа, гарайм хүдэлдэг болохые гуйгыш даа, – гэбэ. Бурханай хүнэй Эзэндэ зальбархада, хаанай гар эдэгэжэ, урдынхидаал адли болобо.

2 Угай бэшэг 30:20

Эзэн Хэзэкияае дуулажа, арадые хүлисэбэ.

Иоов 42:8

Иимэһээ та гурбан долоон буха, долоон тэхэ Иоовоор нядалуулан, Намда түгэс шатаалта үргэл үргэгты. Удаань Иоов таанарай түлөө Намһаа хүлисэл гуйха болоно. Таанар Иоовтой адли Нам тухай үнэн үгэ хэлэжэ шадаагүй хадаа хүндэ шиидхэл абаха ёһотойт. Гэбэшье Иоовой гуйлта Би дуулабал, таанарые хэһээлтэгүй орхихоб.

Псалманууд 34:15

Харин минии бүдэрхэдэ, тэдэ баярлан суглараа, урдаһаамни тулажа суглараа. Зогсоо зайгүй тэдэ намайе гүжэрдээ, яаһандам тиигээб – мэдэнэгүйб.

Египедһээ гаралга 17:11

Моисейн гараа үргэхэдэнь, Израиль илажа захалха юм, гараа доошоо буулгахадань, амалээг дайсан булижа байба.

Египедһээ гаралга 9:33

Моисей фараониие орхин, хотоһоо гарахадаа, Эзэн руу гараа дэлгэн дэебэ, тиихэдэнь тэнгэри дуугархаа болибо, мүндэр гансата замхаба, бороо тогтобо.

Һургаал 15:29

Эзэн нүгэлтэһөө холо байдаг, зүб ябадалтын зальбарал соносодог.

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Һургаал 28:9

Эзэнэй Хуули тоодоггүй хүнэй зальбаралшье зэбүүрхэмээр.

Ерэмияа 15:1

Тиигээд Эзэн намда: – Моисей, Самуил гэгшэдэйшье Минии урда зогсожо байгаа һаань, Би энэ арад түмэниие хайрлахагүйб. Энэ арад зониие Минии хажууһаа зайлуула, тэдэниие ябуул!

Ерэмияа 33:3

– Намайе дуудыш, тиихэдэш шамда харюусахаб. Шинии мэдэхэгүй агууехэ, гайхамшаг зүйлнүүдые харуулхаб.

Ерэмияа 42:2

намда ерэжэ, иигэжэ хэлэбэ: – Манай гуйһан гуйлтые дүүргыт! Манай түлөө, энэ үлөөшэ зоной түлөө Эзэн Бурхандамнай зальбарыт. Олон байһанаа үсөөн болообди, та өөрөө харана ха юмта даа.

Тоололго 11:2

Израильшууд Моисейһээ туһа эрин хашхаралдажа эхилбэ. Моисей Эзэндэ зальбаран мүргэжэ, галые номгоруулан намдуулба.

Матвей 21:22

Зальбаржа байхадаа этигэл һүзэгтэй байбал, ямаршье эриһэн юумэнтнай танда үгтэхэ, – гэжэ шабинартаа хэлээ бэлэй.

Матвей 3:6

Тэдэ зон нүгэл шэбэлнүүдээ мэдэрэн гэмшэбэ, тиин Иоанн тэдэниие Иордан голдо шунгуулан уһаар арюудхаба.

Марк 1:5

Иудейн можоһоо, Иерусалимһаа олон зон Иоанные шагнахаяа ошобо. Тэдэнэр нүгэл шэбэлнүүдээ мэдэрэн гэмшэбэ, тиин Иоанн тэдэниие Иордан голдо шунгуулан уһаар арюудхаба.

Лука 9:6

Тиин шабинарынь хүдөө нютагуудаар ябажа, Һайн Мэдээсэл номнобо, ябаһан газартаал үбшэнтэниие эдэгээбэ.

Иоанн 9:31

– Теэд Бурхан нүгэлтэнэй хэлэһые дууладаггүй, харин Бурханиие хүндэлдэг, дура хүсэлыень бэелүүлдэг хүнүүдые дууладаг гэжэ бидэ мэдэнэбди.

Хэрэгүүд 10:38

Назаредэй Иисүүсые Арюун Һүлдөөр болон хүсэ шадалаар Бурханай дүүргэхэдэнь, Тэрэ хаа хаанагүй ябажа, буянтай хэрэгүүдые үйлэдэжэ, шолмосто баригдаһан хүн бүхэниие эдэгээжэ байһыень таанад баһа мэдэнэт. Бурхан Тэрээнтэй хамта байгаа бшуу.

Хэрэгүүд 19:18

Һүзэглэһэн зоной олонхинь хэһэн элдэб шэбшэлгынгээ муу ёрые мэдэрэн, тэрээн тухайгаа зондо хөөрэжэ үгэбэ.

Хэрэгүүд 8:24

Тиихэдэ Симон: – Хэлэһэн бүхы юумэнтнай намтай ушархагүйн тула та минии түлөө Эзэндэ зальбарыт даа, – гэжэ Пётрые гуйба.

Римэйхиндэ 3:10

Нангин Бэшэг соо иигэжэ хэлэгдэнэ: «Үнэн сэдьхэлтэй хүн нэгэшье үгы, Бурханда һайшаагдаха хүн нэгэшье үгы,

Римэйхиндэ 5:19

Нэгэ хүнэй Бурханай мэдэлһээ гарахада яажа бүхы хүнүүд нүгэлтэнүүд болоо һэм, тон тиигэжэл нэгэ хүнэй Бурханай мэдэлдэ байһанай ашаар хүнүүд булта үнэн сэдьхэлтэй болохо.

Колоссынхидтэ 1:9

Тиимэһээ бидэ таанад тухай дуулаһан үдэрһөө эхилжэ үргэлжэ таанадай түлөө зальбарнабди. Һүлдын үгэдэг гүн ухаан, ойлгосо таанадтай байха тухайнь, тиигэхэдэ Бурханай дура хүсэлөө таанадта харуулжа байха тухайнь бидэ Бурханиие гуйдагбди.

Фессалоникиинхидтэ 1-дэхи 5:17

Ходо зальбаржа ябагты.

Фессалоникиинхидтэ 1-дэхи 5:23

Бидэндэ амгалан тайбаниие үршөөжэ байһан Бурхан таанадые бүримүһэн арюун гэгээн болгог, Эзэн Иисүүс Христоосой ерэтэр танай һанал бодол, һүнэһэ һүлдэ, махабад бэе бүрин бүтэнөөрөө ямаршье зэмдэг дутагдалгүй хадагалагдажа байг.

Фессалоникиинхидтэ 1-дэхи 5:25

Аха дүүнэрни, бидэнэй түлөө баһа зальбаржа байгты.

Еврейнүүдтэ 11:4

Һүзэг этигэлээрээ Аабэл Хаяанһаа үлүү һайн үргэл Бурханда асараа. Бурхан Өөрөө тэрэнэй үргэлые һайшаажа, һүзэг этигэлээрнь Аабэлые үнэн сэдьхэлтэн гэжэ һайшаагаа. Аабэлэй үхэһэншье һаа, этигэл һүзэгынь мүнөө хүрэтэр маанадые һургана.

Еврейнүүдтэ 11:7

Ерээдүйдэ тохёолдохо уһан галаб тухай хэнэйшье уридшалан мэдээгүй байхада Ной этигэл һүзэгөөрөө Бурханһаа һэргылэмжэ абаад, Бурханай үгөөр байжа, өөрыгөө болон өөрынгөө гэр бүлые абарха корабль баряа. Эсэстэнь, газар дэлхэйнхид гэмнэгдээд, Ной этигэл һүзэгөөрөө Бурханһаа үнэн сэдьхэлтэнэй залгаламша болобо.

Еврейнүүдтэ 12:13

Дохолон хүлтнай гэмтэнгүй, бүри эдэгэжэ байхын тулада таанад сэхэ замаар ябажа байгты.

Еврейнүүдтэ 13:18

Үргэлжэ зүб юумые хэхэ гэжэ оролдон, арюун сэдьхэлтэй байнабди гэжэ бидэ өөһэд тухайгаа найданабди. Тиимэһээ бидэнэй түлөө зальбаржал байгты.

Нүүнэй Иисүүс 10:12

Эзэнэй Эмоорые Израилиин гарта үгэһэн үдэр, Гибэһоондо тэдээниие Бурханай сохиһон үдэр, Израилиин хүбүүдэй хараһаар байтар тэдээнэй сохюулһан үдэр Иисүүс Эзэндэ уряалан хандаад, Израилиин зоной урда хэлээ: – Наран, Гибэһоон дээрэ тогто, һара Аялооной хүнды дээрэ тогто!

Пётрой 1-дэхи хандалга 2:24

Бидэнэй нүгэл шэбэлһээ зайсажа, үнэн зүбөөр амидархымнай тула Иисүүс Өөр дээрээ нүгэл шэбэлыемнай даажа абаа, модон дээрэ үргэгдөө: Тэрэнэй шархаар таанад аршалагдан эдэгээт.

Иоаннай 1-дэхи хандалга 3:22

Тиин бүхы эриһэн юумэеэ Бурханһаа абанабди, юундэб гэбэл, Тэрэнэй захяа заабариие бэелүүлэн сахинабди, Тэрээндэ һайшаагдаха юумэ хэнэбди.

1 Хаан түрэнүүд 1:12

Тэрэ удаан сагта Эзэндэ зальбараа. Элии амыень гэтэн байгаа һэн.

1 Хаан түрэнүүд 12:17

Мүнөө ургаса хадаха саг. Зүб гү? Теэд минии Эзэниие дуудахадамни, Тэрэ аянга, бороо эльгээхэ. Тиихэдэнь таанад өөһэдтөө хааниие гуйжа, Эзэнэй урда хэһэн нүгэлэйнгөө угаа ехэ байһые мэдэхэт, харахат, – гэбэ.

1 Хаан түрэнүүд 12:18

Тиин Самуилай Эзэниие дуудахада, Эзэн тэрэ үдэр аянга, бороо эльгээбэ. Бүхы арад зон Эзэнһээ болон Самуилһаа угаа ехээр айба.