Яковай хандалга 5:1 - Библи

¹ Баяшуул, мүнөө таанад намайе шагнагты! Таанад орилон бархирагты, гэгэн уйлагты, тархи дээрэтнай гай гасалан буухаяа байна.

Шэнэ Хэлсээн

¹ Баяшуул, мүнөө таанад намайе шагнагты! Таанад орилон бархирагты, гэгэн уйлагты, танай тархи дээрэ оһол гай буухаяа байна ха юм.

Яковай хандалга 5:1 ပူးပေါင်းရင်းမြစ်များ

Псалманууд 17:14

Эзэн огторгойдо хүнхинэжэ, Дээдэ Бурхан дуугаа үгэбэ. Мүндэр болон галта нүүрһэн.

Һургаал 11:28

Гансал баяндаа найдагша хүн унаха. Үнэн шударга хүн ургажа байһан ногоон набша мэтэ һалбарха.

Һургаал 11:4

Эзэнэй шүүн хараха үдэртэ баялиг ямаршье туһа болохогүй. Харин үнэн шударга хэрэгүүд үхэлһөө абарха.

Исай 13:6

Сурхирса уйлыт! Эзэнэй үдэр дүтэлөө! Түгэс Хүсэтэһөө усадхал ерэжэ байна!

Исай 15:3

Үйлсэнүүдээр зон гашуудалай таар хубсаһа үмдэнхэй ябана. Гэрэй хушалтанууд дээрэ болон хотын талмайнуудаар хүн бүхэн сурхирса уйлана, нулимса унагаана.

Ерэмияа 4:8

Тиимэһээ гашуудалай хубсаһа үмдэжэ, гашуудан шангаар уйлагты. Юуб гэбэл, Эзэнэй шэрүүн уур хилэн таанадһаа эрьен-зайлан байхагүй.

Ерэмияа 9:23

Эзэн иигэжэ айладхана: Мэргэн хүн мэргэн ухаагаараа, хүсэ шадалтай хүн шадалаараа, баян хүн эд баялигаараа бү һайрхаг.

Эзэкээл 19:2

– Эзэкээл, Израилиин удамаршадта гашуудалай иимэ дуу дуулажа үгыш: Эхэтнай арсалан мэтэ зоригтой бэлэйл. Хүсэтэ арсалангуудай дунда тэрэ гансаараа гүлгэдөө үндын тэжээгээ.

Эзэкээл 30:2

– Хүнэй үри Эзэкээл, лүндэн табижа, Египедэй арад түмэндэ иигэжэ дуулга: Бархиржа байгаад хашхаралдагты!

Ёһээл 1:11

Таряашад, гашуудагты, уһан үзэм ургуулагшад бархирагты, таряалангай шэниисэ, ешмээн усадхагдаа.

Ёһээл 1:13

Санаартан, гашуудалай хубсаһа нэмэрэн уйлагты. Үргэлэй шэрээдэ үйлэ бүтээгшэд орилогты. Гашуудалай таар хубсаһа үмдөөд, һүниие үнгэргэгты. Ушарынь хадаа Бурханай үргөөдэ эдеэн үргэл, үргэлэй үзэмэй дараһан архи үгы болоо.

Ёһээл 1:5

Таанадай аманһаа һалгагдаһан шэхэрлиг үзэмэй дараһан архинай түлөө, үзэмэй дараһан архи уугша бүгэдэн бархиран гашуудагты. Танай хужарлан уудаг ундан үгы болоо.

Михей 6:12

Ушар юуб гэхэдэ, хотын баяшуул хүсэрхэл хаа-хаанагүй хэрэглэнэ, ажаһуугшадынь худал хэлэнэ.

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.

Яковай хандалга 1:11

Наран шангаар шаража, сэсэг ногоое хатаана, һалбарһан сэсэгэй үнгэнь буурана. Энээндэл адляар баян хүн өөрынгөө замаар ябахадаа, хосорон һаладаг.

Яковай хандалга 2:6

Харин таанар үгытэй хүниие гомдохообот! Тиихэдээ таанадые баяшуул лэ хашажа мүрдэжэ, зарга шүүбэридэ оруулдаг бэшэ аал?

Яковай хандалга 4:13

Зай, «Мүнөөдэр гү, али үглөөдэр тэрэ хото ошохобди, тэндэ нэгэ жэл соо худалдаа наймаа хээд, ехэхэн алта мүнгэ олохобди», – гэжэ хэлэдэг таанад мүнөө намайе шагнагты.

Яковай хандалга 4:9

Гашуудагты, бархирагты, гэгэн уйлагты. Энеэлдэхэеэ болёод, уйлалдагты. Баярлахын орондо гашуудажа байгты.