Яковай хандалга 3:13 - Библи

¹³ Танай хэнтнай сэсэн ухаатайб, юумэ ойлгодог бэ? Тэрэнээ үнэн зүбөөр ажамидаран, дарууханаар болон бодолтойгоор үлзытэй үйлэ хэрэгүүдые бүтээн гэршэлэгты.

Шэнэ Хэлсээн

¹³ Танай хэнтнай сэсэн ухаатайб, юумэ ойлгодог бэ? Тэрэнээ үнэн зүбөөр ажамидаран, дарууханаар болон бодолтойгоор һайн һайхан үйлэ хэрэгүүдые бүтээн гэршэлэгты.

Яковай хандалга 3:13 ပူးပေါင်းရင်းမြစ်များ

Иоов 28:28

Тиигээд өөрынгөө бүтээл болохо хүндэ хандажа, «Ехэ Эзэн намайе хүндэлхэ гээшэ таанарай хубида эгээл сэсэн зүйл болохо. Тиин гэмтэ байдалһаа зайлажа ябахань хүнэй амидаралда хамагһаа ухаатай шухала» гэбэ.

Псалманууд 149:4

Юуб гэбэл, Эзэн Өөрын арад түмэндэ дуратай, номгон даруу зониие магтана, абарна!

Псалманууд 25:9

Нүгэлтэнтэй хамта, алууршадтай хамта намайе бү усадхыт.

Псалманууд 45:4

Уһан хүнхинэжэ, шааяна, һүртэйдэнь хада ууланууд айн доһолно. [Хүгжэм]

Экклезиаст 8:1

Юумэнэй удха тайлажа мэдэдэг мэргэн ухаатантай хэниие жэшэхэб? Мэргэн ухааниинь хүнэй нюур гэрэлтүүлжэ, барагар дүрыень зөөлэрүүлнэ.

Экклезиаст 8:5

Хаанай зарлиг сахигша зоболонгүй һуудаг. Мэргэнэй зүрхэн зохистой саг ба ёһо гурим мэдэдэг.

Исай 29:19

Үгытэй зон Эзэнһээ шэнэ баярта хүртэхэ, ядуу улад Израилиин арюун Бурхан тушаа баясан байхал.

Исай 60:6

Тэмээн хамбы Мидиан болон Эпааһаа ерэхэ. Алта, үнэтэ гүгэл тэдэ Шэбааһаа асарха. Тиигээд ерэһэн зон Эзэнэй хэһэн хэрэгүүд тушаа һайн мэдээ дуулгаха.

Исай 61:1

Эзэн Бурханай Арюун Һүлдэ досоомни оршобо. Тэрэ намайе шэлэн, үгытэй зондо һайн мэдээ дэлгэрүүлхын, зүрхэнэй шархатай зониие эдэгээхын, баряанда байгшадта эрхэ сүлөө, түрмэдэ хаагдаатай зондо түрмын үүдэнэй нээгдэхэ тушаа соносхохыемни томилһон юм.

Ерэмияа 9:12

Би асуубаб: «Эзэн, юундэ энэ орон нютаг хооһорооб? Хэнэйшье дээгүүрнь гарахын аргагүй болотороо юундэ тэрэ элһэн сүл губи мэтэ хооһорооб? Энээниие ойлгожо шадаха сэсэн мэргэн хүн хэн бэ? Энээниие соносхохо тухай хэндэ Та айладхаһан байнабта?»

Ерэмияа 9:23

Эзэн иигэжэ айладхана: Мэргэн хүн мэргэн ухаагаараа, хүсэ шадалтай хүн шадалаараа, баян хүн эд баялигаараа бү һайрхаг.

Даниил 2:21

Үе сагуудые, жэлэй дүрбэн саг Тэрэ һэлгэдэг, хаашуулые хан шэрээһээнь буулгадаг, табидаг, сэсэн мэргэн ухаа ухаатайшуулда, боро ухаа һүбэлгэн зондо үгэдэг.

Цэпаанияа 2:3

үрдижэ, дэлхэйн юрын улад зон, Эзэнэй үгэ дуулыта, тогтоол хуулинуудыень сахижа, үнэн зүб хэрэгүүдые хэгты, даруу номгон байгты. Тиигэбэл, Эзэнэй хилэнсэгтэ үдэр таанад амиды үлэжэ магадгүйт.

Тоололго 12:3

Моисейһээ бэшэ даруу номгон зантай хүн энэ дэлхэй дээрэ үгы байгаа.

Матвей 11:29

Минии хазаар абажа өөһэдыгөө хазаарлагты, Намһаа һуража абагты, ушарынь юуб гэбэл, Би даруу, номгон сэдьхэлтэйб, тиин таанад һанаагаа амархат.

Матвей 21:5

«Номгон даруу шинии Хаан эмэ элжэгэ зайдаланхай, тэрэнэй унага – даагыень зайдаланхай, шамда дүтэлжэ ябана гээд Сионой басаганда дуулгаарайгты».

Матвей 5:5

Даруу номгон зон жаргалтайл, тэдэнэр дэлхэйе залгамжалхал.

Матвей 7:24

Минии хэлэһэн энэ һургаалые шагнажа бэелүүлдэг алишье хүниие Би шулуун һуури дээрэ гэрээ бариһан, бодомжотой сэсэн хүнтэй адлишаахаб.

Коринфынхидтэ 1-дэхи 6:5

Ай, эшхэбтэр юумэ байна! Һүзэглэгшэдэй хоорондохи арсалдаае шиидхэхэ аргатай сэсэн ухаантай нэгэшье хүн таанадай дунда олдобогүй гээшэ гү?

Коринфынхидтэ 2-дохи 10:1

Хамта байхадаа, даруу номгон, холодоходоо, хатуу шэрүүн гүүлэгдэдэг би Павел таанадые Христоостой адли даруу номгон, энхэргэн зөөлэн зангаар гуйнаб.

Коринфынхидтэ 2-дохи 8:24

Тиимэһээ һүзэглэгшэдэй бүлгэмүүдэй мэдэжэ байхаарнь тэдэндэ өөһэдын энэрэл хайрые харуулагты, манай бахархал байһанаа баталагты.

Галадуудта 5:23

номгон даруу зан. Иимэ зондо Хуули хэрэггүй.

Галадуудта 6:1

Аха дүүнэрни, хэрбээ хэн нэгэнэй нүгэл хээ һаа, Һүлдын һургаһан ёһоор ажамидардаг таанад иимэ хүниие даруу зангаараа заһажа байгты. Тиихэдэ нүгэл шэбэл хэжэрхихэгүйн тулада өөһэдыгөө анхарагты.

Галадуудта 6:4

Тиимэһээ хүн бүхэн бүтээһэн хэрэгүүдэйнгээ зэргээр өөрыгөө үнэлжэ байг. Тиигэбэл тэрэ хүн бэеэ бэшэнтэй сасуулангүй, ажал амжалтануудаараа омогорхожо байха.

Эфесэйхиндэ 4:2

Ходо даруу, номгон, тэсэбэритэй байгты. Бэе бэедээ тэсэбэритэйгээр хандажа, өөһэдынгөө хайра дурые харуулжа байгты.

Филиппынхидтэ 1:27

Эдэ бүгэдэндэ нэмэжэ хэлэбэл, таанад Христоос тухай Һайн Мэдээсэлэй һургаһан ёһоор амидарха ёһотойт. Тиимэһээ таанадта ошоно гүб, али ошонгүй байна гүб, таанад булта нэгэ зорилготой, Һайн Мэдээсэлэй һүзэгэй түлөө һанал нэгэн тэмсэнэт гэжэ дуулаһайб.

Колоссынхидтэ 3:12

Таанад гэгээн хүнүүд гээшэт. Бурхан таанадта дуратай, таанадые Өөртөө шэлэжэ абаа. Тиимэһээ таанад бэе бэеэ хайрлажа, бэе бэедээ һайнаар хандажа байгты, номгон, даруу зантай, тэсэбэритэй байгты.

Тимофейдэ 1-дэхи 4:12

Залуухан байнаш гээд шамда хайхарамжагүйгөөр бү хандаг. Ши хэлэһэн үгөөрөө, амидаралаараа, хайра дураараа, һүзэгөөрөө, арюун сэбэрээрээ һүзэглэгшэдтэ жэшээ харуулжа байгаарай.

Тимофейдэ 1-дэхи 6:11

Харин ши, Бурханай хүн, эдэ бүхэнһөө болгоомжоло. Ши Бурханай урда үнэн сэдьхэлтэй бай, Бурханай эрхэ хүсэлые гүйсэдхэ, Тэрээндэ һүзэглэжэ, хайра дура сэдьхэлдээ бадараа, тэсэбэритэй, номгон даруу зантай бай.

Тимофейдэ 2-дохи 2:25

Шамда эсэргүүсэһэн хүнүүдые Бурхан нүгэл үйлэдэхыень болюулжа, Өөртөө хандуулха, үнэн зүбые мэдэрхэ боломжо үгэхэ магадалтай юм хадань ши тэдэ зониие ехэл дарууханаар заһажа байгаарай.

Тидтэ 3:2

Хүниие хардажа бү хэлэгты, харин эбтэй эетэй, амгалан тайбан байгты, хүн бүхэндэ ходо дарууханаар хандагты гэжэ тэдэндэ баһал хэлэжэ байгаарай.

Еврейнүүдтэ 13:5

Алта мүнгэндэ шунангүй, бии юумээрээ сэдьхэл дүүрэн байгты. Ушарынь гэхэдэ, «Би шамайе хэзээшье орхихогүйб, би шамайе хэзээшье хаяхагүйб», – гэжэ Бурхан айладаа.

Яковай хандалга 1:21

Элдэб янзын забхай зальхай, нүгэлтэ юумэнүүдые үйлэдэхэеэ болёод, зүрхэ сэдьхэлдэтнай һуулгагдаһан, таанадые абарха аргатай мэдээсэлые зосоогоо тогтоожо байгаарайгты.

Яковай хандалга 2:18

Хэн нэгэн зүбшөөнгүй: «Дэмбэрэлтэй хэрэгүүдые бүтээншьегүй этигэл һүзэгтэй байжа болохол», – гэжэ хэлэхэ. «Дэмбэрэлтэй хэрэгүүдые бүтээнгүй, өөрынгөө этигэл һүзэгые харуула. Тиихэдэ би хэрэгүүдээрээ этигэл һүзэгөө харуулхаб», – гэһэн харюу би үгэхэб.

Яковай хандалга 3:1

Аха дүүнэрни, таанад бүгэдөөрөө багшанар болохо гэжэ бү оролдогты, бидэ багшанар бүри шэрүүн зарга шүүбэридэ орохобди гэжэ таанад мэдэнэ ха юмта.

Яковай хандалга 3:17

Харин дээрэһээ үгтэдэг ухаан маанадые арюун сэбэр, эб найрамдалтай, номгон даруу, энэрхы сэдьхэлтэй, үршөөл хайратай, аша туһатай, хүнэй нюур харадаггүй, үнэн сэхэ болохо тээшэ хүтэлдэг.

Пётрой 1-дэхи хандалга 1:15

Таанадые дуудаһан Бурханай арюун нангин байдагтал адляар, алишье талаһаа арюун нангин байгты.

Пётрой 1-дэхи хандалга 2:12

бусад арадуудай дунда өөһэдыгөө һайн абажа ябагты гэжэ гуйнаб. Тиигэбэлтнай, мүнөө таанадые нүгэл хэгшэд гэжэ хардажа байһан зон таанадай дэмбэрэлтэй хэрэгүүдые харахадаа, Бурханай газар дэлхэй руу хүнүүдые шалгахаяа ерэхэдэнь, Тэрэниие алдаршуулха.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Пётрой 1-дэхи хандалга 3:4

Харин Бурханда аргагүй һайшаагдадаг сэдьхэлэй даруу ба зөөлэн занһаа гараһан үнэн бодото мүнхын гоёолтоор өөһэдыгөө шэмэглэгты.