Яковай хандалга 2:8 - Библи

⁸ «Бусад зондо өөртөөл адли дуратай бай», – гээд Нангин Бэшэг соо бэшээтэй Хуули сахижа байдаг һаа, таанад зүб юумэ хэнэт.

Шэнэ Хэлсээн

⁸ «Бусад зондо өөртөөл адли дуратай бай», – гээд Нангин Бэшэг соо бэшээтэй Хуули сахижа байдаг һаа, таанад зүб юумэ хэнэт.

Яковай хандалга 2:8 ပူးပေါင်းရင်းမြစ်များ

3 Хаан түрэнүүд 8:18

Гэбэшье Эзэн Давид эсэгэдэм иигэжэ айладаа һэн: «Минии заларха Һүмэ бариха гэһэн хүсэлтэй байһаншни һайн.

4 Хаан түрэнүүд 7:9

Тэдэнэр бэе бэедээ: – Бидэ буруушаг юумэ хэнэ бэшэ гүбди? Энэ үдэр бидэнэй баярлалгын үдэр. Хэрбэеэ бидэнэр эндэ үүр сайтар удаашарбал, гэм зэмэтэд болохобди. Бидэнэр эндэһээ түргэхэн арилаябди, хаанай ордондо ошожо, энээн тухай дуулгаябди, – гэлсэбэд.

Левит 19:18

Өөрынгөө яһанай хүндэ бү үһөөрхэгты, бү сухалдагты. Дүтынгөө хүндэ өөртөөл адли дуратай байгты. Би Эзэн гээшэб.

Левит 19:34

Танай нютагта байрлаһан ерүүл хүн танай газарай хүн болоно. Өөртөө дуратай байгшадал мэтэ, тэрээндэ дуратай бай. Таанадшье Египедэй газарта ерүүл зон байгаа ха юмта. Би Эзэн, танай Бурхантнай гээшэб.

Иона 4:4

Тиихэдэнь Эзэн иигэжэ айладаба: «Энэ тиимэ ехээр шамайе голхоруулба гээшэ гү?»

Иона 4:9

Бурхан Ионаһаа иигэжэ асууба: «Энэ ургамалай түлөө ши юундэ иимэ ехээр голхорбобши?» Тэрэ иигэжэ хэлэбэ: – Үнэн дээрээ үхэхэ болотороо ехээр голхорооб.

Матвей 22:39

«Өөртөө дуратай байдагтал адляар дүтынгөө хүндэ дуратай бай» гэһэн хоёрдохи шухала захяа заабари түрүүшынхидээ адлишуу юм.

Матвей 25:21

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Матвей 25:23

Эзэниинь тэрээндэ: «Ехэ һайн! Ши бэрхэ, найдабаритай зараса байнаш! Бага юумэ эрхилхэдээ ши найдабаритай байбаш, тиимэһээ би шамда бүришье ехэ юумэ даалгахамни! Орожо, эзэнтэйгээ хамта баярла», – гэбэ.

Матвей 7:12

Бусад хүнүүд танда ямараар хандаһайб гэжэ һананабта, тон тэрээндэл адляар таанад өөһэдөө хүнүүдтэ хандагты: энэ болбол Моисейн Хуулиин ба лүндэншэдэй һургаалай гол удхань мүн.

Римэйхиндэ 13:10

Хэрбээ таанад бусад зондо дуратай һаа, тэдэ зондоо хэзээшье муу юумэ хэхэгүйт. Хайра дуратай байхань Хуулиин зүйлнүүдые гүйсэдхэхэтэй адли юм.

Галадуудта 5:14

Юундэб гэхэдэ, Хуулиин бүхы зүйлнүүд: «Дүтынгөө хүндэ өөртөөл адли дуратай бай», – гэһэн энэ захяа заабари соо тобшологдоно.

Галадуудта 6:2

Христоосой үгэһэн «хуули» иимэ: бэе бэеынгээ ашаа бэрхэшээлые хубаалсажа, бэе бэедээ туһалжа байгты.

Филиппынхидтэ 4:14

Тиигэбэшье, гай бэрхэшээлдэ ороод байхадамни намда туһалхадаа, ехэл һайн хэрэг бүтээгээт.

Фессалоникиинхидтэ 1-дэхи 4:9

Бэе бэедээ дуратай байгты гэжэ бэшэхэ хэрэггүй байха. Бэе бэедээ дуратай байхые Бурхан таанадта заажа үгөө.

Яковай хандалга 1:25

Хүнүүдые эрхэ сүлөөтэй болгодог эрхим түгэс хуули та бүгэдын мэдэржэ, анхаржа байбалтнай, шагнаад, һүүлээрнь мартадаггүй, ажамидаралдаа хэрэглэдэг байбалтнай, ажамидаралтнай үлзы буянтай байхал.

Яковай хандалга 2:12

Маанадые эрхэ сүлөөтэй болгохо хуулиин зарга шүүбэридэ орохо хүсэлтэй хүнүүдтэ зохихоор юумэ хэлэжэ, хэжэ ябагты.

Яковай хандалга 2:19

Бурхан ори ганса юм гэжэ ши этигэнэш. Тэрэшни һайн. Ада шүдхэрнүүдшье баһа тиимэ этигэлтэй байһан дээрэһээ айн һүрдэн һалаганадаг.

Яковай хандалга 4:11

Аха дүүнэр, бэе бэеэ бү шүүмжэлэгты. Һүзэглэгшэ нүхэрөө шүүмжэлхэдээ, али зэмэлхэдээ, таанад Хуули шүүмжэлнэ, зэмэлнэ гээшэт. Зүгөөр Хуули зэмэлхэдээ, таанад Хуули сахигша бэшэ, харин Хуули шүүбэрилэгшэ болобо гээшэт.

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.