Яковай хандалга 1:19 - Библи

¹⁹ Тиимэһээл, инаг хайрата аха дүүнэрни, шагнахадаа, шамдуухан, хэлэхэдээ, уурлахадаа, яаралгүй байгты.

Шэнэ Хэлсээн

¹⁹ Тиимэһээл, инаг хайрата аха дүүнэрни, шагнахадаа шамдуухан, хэлэхэдээ, уурлахадаа яаралгүй байгты.

Яковай хандалга 1:19 ပူးပေါင်းရင်းမြစ်များ

Нэхэмьяа 8:18

Бурханай энэ Хуулита хуйламал бэшэгһээ хэһэг үдэр бүри, үдэрһөө үдэртэ уншагдадаг болобо. Энэ һайндэр долоон хоног соо болодог, харин наймадахи үдэрынь хуулита гуримай ёһоор эндэ баярай суглаан үнгэрдэг байба.

Нэхэмьяа 9:17

Тэдэнэй дунда Танай бэелүүлһэн эди шэдинүүдыетнай мартаад, үгыетнай дуулахаяа арсаал. Тэдэнэр үсэд зан харуулжа, Египет руу һөөргөө богоол болохоёо бусахын тула өөһэдтөө удамаршые шэлэн табяал! Зүгөөр Та – хүлисэгшэ, һайхан зантай, нигүүлэсхы сэдьхэлтэй, уур сухалда абташагүй, хайра ехэтэ Бурханта; Та тэдэниие орхёогүйт.

Нэхэмьяа 9:3

Тэдэнэр хоногой дүрбэнэй нэгэ хуби соо гэхэ гү, али найман саг соо хүл дээрээ байжа, өөрынгөө Эзэн Бурханай Хуули хуйламал бэшэгһээ уншаба. Үшөө найман саг соо тэдэнэр нүгэлөө наманшалжа, Эзэн Бурхандаа мүргэн зальбарбад.

Һургаал 10:19

Үгын олошорходо нүгэл зайлашагүй, харин амаа захирдаг хүн ухаатай болоно.

Һургаал 13:3

Хэлэ амандаа болгоомжотой хүн амяа хамгаалдаг. Харин шашаг хүниие гай тодхор хүлеэхэ.

Һургаал 14:17

Түргэн сухалтай хүн мунхаг үйлэ хэдэг, хорон һанаагаар мууе хэдэг хүн үзэн ядагдадаг.

Һургаал 14:29

Уурлахадаа удаан хүн ехэ ухаатай. Түргэн сухалтай хүн мунхаг ябадал үргэдэг.

Һургаал 15:18

Түргэн сухалтай хүн хэрүүл үүсхэдэг, тэсэбэритэй хүн хёморол намдуу болгодог.

Һургаал 15:2

Сэсэн хүнэй хэлэхые шагнаха дуратай зон олон. Тэнэгэй аманһаа тэнэглэл гарадаг.

Һургаал 16:32

Тэсэбэритэй хүн зоригтойһоо дээрэ. Бэеэ барижа шададаг хүн хотые эзэлэгшэһээ дээрэ.

Һургаал 17:14

Хёморол хэрэлдээнэй эхин хадаа уһатай хаалтада нүхэ гаргаһантай адли. Даамжархаһаань урда хэрүүлээ тогтоогты.

Һургаал 17:27

Үгэдөө хинамгай хүн мэдэлгэ ехэтэй, ухаатай хүн доро зүрхэтэй.

Һургаал 18:13

Хүниие хүсэд шагнангүй харюу хэлэхэнь тэнэгэй хэрэг ба эшэгүүритэй.

Һургаал 18:21

Хэлэнэй үзүүртэ амин ба үхэл байдаг. Хэлэндээ болгоомжотой хүн һайн үрэ үзэдэг.

Һургаал 19:11

Ухаансар бодомжо хүниие тэсэбэритэй болгодог, гэм зэмэ хүлисэхэ гээшэ ехэ аша габьяа мүн.

Һургаал 19:19

Ууртай хүн хэһээлтэ амасаха зэргэтэй. Тэрэниие хэһээлтэһээ зайлуулбал, үшөө ехээр хэһээхэ хэрэг гараха.

Һургаал 21:23

Ама хэлээ татадаг хүн сэдьхэлээ аюулһаа хамгаална.

Һургаал 25:28

Бэеэ баридаггүй хүн ханагүй һандарһан хото мэтэ.

Һургаал 29:20

Урид аматай хүниие хараа һэн гүш? Тиимэ хүндэ найданхаар тэнэг нэгэнэй заһаралгада найдаһан дээрэ.

Тоололго 22:27

Элжэгэниинь Эзэнэй Эльгээмэлые хараад, харгы дээрэ хэбтэшэбэ. Балаһаам олиггүй ехээр сухалдажа, барижа ябаһан таягаараа элжэгэеэ нэрэ һурагүй сохижо мэдэбэ.

Матвей 5:22

Хүндэ дэмы уурлаһан хүн зарга шүүбэридэ орохо зэргэтэй гэжэ Би мүнөө таанадта хэлэнэб. Хүниие «рака» гэһэн хүн Зүблэлэй гэшүүдэй заргада үгтэхэ ёһотой; хүниие «тэнэг» гэһэн хүн гал тамада унаха ёһотой гэжэ Би таанадта хэлэнэб.

Марк 12:37

Тиихэлээрээ, хэрбээ Давид өөрөө Бурханай табисууртые Эзэмни гэжэ нэрлээ хадаа, яажа Бурханай табисуурта Давидай үри болохоб? Тэндэ байһан олон зон Иисүүсые ехэ ханалгатайгаар шагнаба.

Марк 2:2

Удангүй хүн зон олоороо сугларжа, гэртэньшье, газаа үүдэндэшье багтахаар бэшэ болоо һэн. Иисүүсэй сугларһан зондо номножо байхада,

Лука 15:1

Нэгэтэ Иисүүсэй һургаалыень шагнахаяа алба татаашад болон нүгэлтэн олоороо ерэбэ.

Лука 19:48

Теэд бүхы арад зоной нэгэшье үгыень алдангүй Иисүүсэй һургаалые шагнадаг байхада, тэдэнэр яажаш ядаба.

Хэрэгүүд 1:15

Хэдэн хоногой удаа зуун хорёод һүзэглэгшэдэй суглараад байхада Пётр бодожо хэлэбэ:

Хэрэгүүд 10:33

Тиигээд би тэрэ дороо хойноһоотнай эльгээгээ һэнби. Танай ерэһэнтнай ехэ һайн гээшэ. Мүнөө бидэ булта Бурханай урда зогсожо, Эзэнэй танда хэлэ гэжэ захирһан бүхэниие танһаа дуулахаяа эндэ суглараабди.

Хэрэгүүд 13:48

Хэлэһыень дуулахадаа, бусад арадууд ехээр баярлажа, Эзэнэй үгые алдаршуулба, тиигээд мүнхэ ажамидархаар шэлэгдэһэн хүнүүд булта һүзэглэбэ ха.

Хэрэгүүд 17:11

Энэ хотын зон Фессалоникиинхидтэ орходоо Бурханай үгэ үлүү ехээр шагнаха дуратай байжа, номнол анхаралтайгаар хүлеэн абаад, Павел Сила хоёрой хэлэһэниинь үнэн гү гэжэ мэдэхын тула Нангин Бэшэгые үдэр бүхэн шудалжа байба.

Хэрэгүүд 2:42

Тэдэ зон элшэнэрэй һургаал шагнадаг, бэе бэетэйгээ һайнаар харилсадаг, хамта хоол баридаг, зальбардаг бэлэй.

Эфесэйхиндэ 4:26

Уур сухалда абтаһаншье һаа, нүгэл шэбэл бү үйлэдэгты, наранай орохоһоо урда уур сухалтнай бууран намдаг.

Эфесэйхиндэ 4:31

Гомдохо голхорхоёо, хорон үгэнүүдые хэрэглэхэеэ, уур сухалаа хүрэхэеэ, хэрүүл гаргахаяа, хардахаяа, бусадшье эдэ мэтын харата муухай юумэ үүсхэхэеэ огтолон болигты.

Колоссынхидтэ 3:15

Христоосой хайрлажа байһан энхэ тайбан таанадай зүрхэ сэдьхэлые хүтэлжэ байг лэ. Бурхан энхэ тайбанай тулада таанадые дуудажа, нэгэ бэе болгон нэгэдхээ. Үргэлжэ баяр хүргэжэ байгты.

Колоссынхидтэ 3:8

Харин мүнөө таанад уурлахаяа, галзуугаар сухалдахаяа, хорлохоёо, Бурханиие муушалхаяа, муухай үгэнүүдые хэлэхэеэ, эдэ мэтын муухай юумэнүүдые үйлэдэхэеэ болигты.

Фессалоникиинхидтэ 1-дэхи 2:13

Бурханда үргэлжэ баясхалан хүргэжэ байха ондоошье шалтагаан бидэндэ бии. Таанадта Бурханай үгэ асархадамнай, таанад Тэрэниие хүнүүдэй үгэдэл бэшэ, харин Бурханай үгэдэл шагнажа, угтажа абаа һэнта. Тэрэ үнэхөөрөө Бурханай үгэ байгаа, та һүзэглэгшэдэй дунда ажаллажа байгаа.

Яковай хандалга 1:16

Хайрата нүхэдни, өөһэдыгөө бү мэхэлүүлэгты.

Яковай хандалга 1:2

Аха дүүнэрни, элдэб олон бэрхэшээл зоболонгуудые үзэхэдөө, өөһэдыгөө жаргалтайбди гэжэ тоологты.

Яковай хандалга 1:26

Хэн нэгэнтнай һүзэг һүлдэтэйб гэжэ өөр тухайгаа һанана гү? Хэрбээ таанад хэлэ амаа татажа шададаггүй һаа, һүзэг һүлдэтнай дэмы хооһон гээшэ, таанад миин лэ өөһэдыгөө мэхэлнэт.

Яковай хандалга 2:1

Аха дүүнэрни, манай алдарта Эзэн Иисүүс Христоосто һүзэглэдэг хадаа хүнүүдые нюураарнь илгаха ёһогүйт.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Яковай хандалга 4:11

Аха дүүнэр, бэе бэеэ бү шүүмжэлэгты. Һүзэглэгшэ нүхэрөө шүүмжэлхэдээ, али зэмэлхэдээ, таанад Хуули шүүмжэлнэ, зэмэлнэ гээшэт. Зүгөөр Хуули зэмэлхэдээ, таанад Хуули сахигша бэшэ, харин Хуули шүүбэрилэгшэ болобо гээшэт.

Яковай хандалга 5:12

Аха дүүнэрни, гол шухала юумэ хэлэхэмни: тэнгэреэршье, газар дэлхэйгээршье, ондоошье юумээр бү тангариглагты. Харин гэмнүүлхэгүйн тула «тиимэ» гээ һаа, зүбшөөгты, «үгы» гээ һаа, үгы гэһээрээ байгты.

Яковай хандалга 5:19

Аха дүүнэрни! Хэрбээ хүнэй зүб замһаа хадуурхада, хэн нэгэн тэрэниие сэхэ харгыдань оруулбал,

Иоаннай 1-дэхи хандалга 2:21

Таанар үнэн зүбые мэдэнэгүйт гэжэ би таанадта бэшээгүйб. Үгы даа, таанадта иигэжэ бэшээ һэм: таанар үнэн зүбые мэдэнэт, тиин ямаршье худал юумэн үнэн юумэнһээ тад ондоо байдаг гэжэ бэшээб.