Яковай хандалга 1:17 - Библи

¹⁷ Бүхы үлзытэй, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг.

Шэнэ Хэлсээн

¹⁷ Бүхы һайн һайхан, эгээн эрхим бэлэгүүд дээрэһээ, тэнгэриин одо мүшэдые, нара һарые бүтээһэн, хэзээдэшье хубилдаггүй, тэдэ ододто адли һүүдэр хэзээшье татадаггүй Бурханһаа үгтэдэг юм.

Яковай хандалга 1:17 ပူးပေါင်းရင်းမြစ်များ

Эхин 41:16

– Тэрэ минии бэлиг бэшэ, – гэжэ Иосиф харюусаба. – Бурхан лэ танай аша туһада зүб тайлбари үгэжэ шадаха.

1 Угай бэшэг 22:12

Өөрынгөө Бурханай, Эзэнэй хуули ёһонуудые сахижа яба, шамайе Израилиин толгойлогшоор томилхо. Эзэн шамда удха ёһо, ухаан бодол хэшээхэ.

1 Угай бэшэг 29:19

Гэр бодхоохо талаар минии бэлдэһые сүм дэмжыт, Танай дүримүүдые, Танай захяануудые бэелүүлхынь тула минии хүбүүн Соломоондо хүсэ зориг заяагыт.

Псалманууд 136:7

Эзэн, «Һандаргагты, үндэһэн һуури хүрэтэрынь һандаргагты!» гэжэ Иерусалимай тодхорто үдэр Эдоомой зоной хэлэжэ байгаашые тэдээндэ һануулыт.

Псалманууд 84:11

Энэрэл хайра болон үнэн хамта уулзаха, зүб шударга болон амгалан тайбан таалалдаха.

Псалманууд 85:12

Үнэнхэ зүрхэнһөө, Эзэн Бурхамни, Таниие магтанаб, нэрыетнай хэтэ мүнхэдөө алдаршуулан байхалби.

Һургаал 2:6

Юуб гэхэдэ, Эзэн сэсэн мэргэниие үршөөдэг, Тэрэнэй аманһаа ухаан ба мэдэлгэ гарадаг.

Исай 28:26

Ажалаа яагаад хэхэеэ тэрэ мэдэнэ. Юуб гэхэдэ, Бурхан тэрэниие һургаа бшуу.

Исай 45:7

Би туяа гэрэл болон харанхые бии болгоноб. Энхэ амгалан байдал, гай тодхоршье асарнаб. Би болбол эдэ бүгэдые хэдэг Эзэн мүн!

Исай 46:10

Юун болохыень Би эгээл эхиндэ уридшалан айладхаа бэлэйб. Болоодүй байгаа юумые үни эртэнһээ мэдүүлээб. Минии түсэбүүд заабол бэелүүлэгдэдэг, хэхэеэ һанаһан хэрэгээ Би заатагүй хэдэгби.

Исай 60:19

Энээнһээ хойшо үдэртөө наранай гэрэл, һүниндөө һарын туяа шамда хэрэгтэй бэшэ болохо, Би, Эзэн, шинии хэтэ мүнхын гэрэл туяа болохоб, Минии алдар солын гэрэл таанадые гэрэлтүүлхэ.

Малаахи 3:6

«Юуб гэхэдэ, хубилдаггүй Эзэнби, тиимэһээ Яковай хүбүүд һүнэхэгүй.

Тоололго 11:17

Би дээрэһээ буужа, Шамтай хөөрэлдэхэб. Шамда шэнгэһэн Һүлдэһөө зарим тэдые абажа, тэдэ далан зон дээрэ табихаб. Зоной ашаа гансаараа шинии тээжэ ябахагүйн тула тэдэ туһалха.

Тоололго 11:25

Тиихэдэнь майхан һүмэ дээрэ Эзэнэй бахана үүлэнэй буухадань, Моисей Эзэнтэй хөөрэлдэбэ. Моисейдэ үгэһэн нангин һүлдэеэ Эзэн далан ахалагшатай хубаалсаба. Тэдэнэртэ Эзэнэй һүлдын ороходонь, тэдэнэр ерээдүйн сагта болохо юумэнүүд тухай уридшалан хэлэбэ, тиигээд болибо.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Матвей 7:11

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Лука 11:13

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэ гуйһан хүн бүхэндэ Арюун Һүлдэеэ бүришье дуратайгаар үршөөхэл!

Иоанн 1:9

Бүхы хүнүүдые гэрэлтүүлдэг жэнхэни Гэрэл туяа юртэмсэ дэлхэйдэ ерэдэг бэлэй.

Иоанн 3:27

– Тэнгэриин үршөөгөөгүй юумэ хэншье абажа шадахагүй, – гэжэ Иоанн харюусаба. –

Иоанн 3:3

– Дахин түрэһэн лэ хүн Бурханай хаан орониие үзэхэ гэжэ Би шамда үнэниие хэлэнэб! – гэжэ Иисүүс тэрээндэ харюусаба.

Иоанн 8:12

Иисүүс дахин тэдэнтэй хөөрэлдэбэ: – Би дэлхэйе гэрэлтүүлэгшэ Гэрэл туяа гээшэб. Минии хойноһоо дахаһан хүн харанхы соогуур төөрижэ ябахагүй, харин амидарал олгодог гэрэл туяатай болохо.

Хэрэгүүд 11:18

Эдэ үгэнүүдые дуулахадаа еврей һүзэглэгшэд Пётрые буруушаахаяа болижо: – Тиихэдээ Бурхан бусад арадуудташье нүгэл хэхэеэ болихо арга олгожо, Амидарал үгэбэ! – гэжэ хэлэн, Бурханиие алдаршуулба.

Хэрэгүүд 5:31

Израилиин зоной нүгэл хэхэеэ болижо, нүгэлөө хүлисүүлхын тула Бурхан Тэрэниие Өөрын баруун талада Ударидагша болон Абарагша болгон һуулгаа.

Римэйхиндэ 6:23

Хэһэн нүгэл шэбэлэйтнай түлөөһэниинь үхэл юм. Харин манай Эзэн Иисүүс Христоостой нэгэдэн мүнхэ амидархань Бурханай үршөөл бэлэг юм.

Коринфынхидтэ 1-дэхи 4:7

Хэн таанадые бусадһаа дээгүүр табяаб? Таанадта байһан бүхы юумые Бурхан лэ таанадта үгөө бэшэ аал? Тиихэдээ танда байһан бүхы юумэнүүд дээрэһээ үгтэһэн бэлэг бэшэ мэтээр бодон, яахадаа ямбархаа хүмта?

Коринфынхидтэ 2-дохи 4:6

«Гэрэл туяагай харанхыһаа гэрэлтэхэнь болтогой», – гэжэ Бурхан хэлээ. Мүнөө тэрэл Бурхан манай сэдьхэлдэ гэрэлтэжэ, Христоосто оршожо байһан Бурханай алдарай мэдээгээр бидэниие гэгээрүүлээ.

Эфесэйхиндэ 1:18

Бурханай таанадые дуудахада таанадта үгтэһэн найдабариин ямар байдагые, Өөһэдынгөө хүнүүдтэ Тэрэнэй үгэхэб гэһэн найдуулгын элбэг дэлбэг байдагые, Тэрээндэ этигэһэн бидэн соо хүдэлжэ байһан хүсэ шадалынь аргагүй ехэ байдагые мэдэжэ байхынтнай тулада оюун ухаанайтнай нюдые Тэрэ нээжэ үгэг лэ.

Эфесэйхиндэ 2:8

Этигэл һүзэгэйтнай ашаар таанадые Бурханай үршөөл хайра абараа. Тиин тэрэ этигэл һүзэгтнай өөһэдһөөтнай бэшэ, харин Бурханай үршөөһэн бэлэг гээшэ.

Хуули дабталга 4:19

Юундэ хэрэгтэйб гэхэдэ, нара, һара, мүшэдые, юрэдөө, тэнгэриин һүрөөтэ үзэсхэлэн обёоржо, таанадай тэрээндэ татагдан, доро унан һүгэдэхэгүйн, тэдээндэ мүргэхэгүйн тула. Юуб гэхэдэ, Эзэн Бурхантнай тэдэниие хамаг огторгой доро ажаһуудаг бүхы арадуудта үршөөһэн ха юм даа.

Филиппынхидтэ 1:29

Ушарынь хэлэбэл, таанад Христоосто гансал һүзэглэн алба хэхэ бэшэ, харин Тэрэнэй түлөө зоболон амсан үүргээ бэелүүлхэ табилантайт.

Тимофейдэ 1-дэхи 6:16

Бурхан гансаараал мүнхэ юм, Тэрэ хэнээшье хүрэхэгүй гэрэл туяада байдаг. Нэгэшье хүн Тэрэниие хаража үзөөгүй, хаража шадахашьегүй. Тэрээндэ нэрэ хүндэ ба мүнхын һүр хүсэ байг лэ. Болтогой!

Еврейнүүдтэ 13:8

Тэрэ этигэл һүзэгынь болохо Иисүүс Христоос үсэгэлдэр, мүнөөдэршье, хэтын хэтэдэ хубилхагүй.

Яковай хандалга 1:5

Хэрбээ хэн нэгэнэйтнай сэсэн ухаагаар дуталдабалнь, тэрэ тиимэ сэсэн ухаае таанадта хайрладаг Эзэн Бурханиие гуйг лэ, Эзэн Бурхан хүн бүхэндэ гуйһанииень элбэг дэлбэгээр, гэмэрэлтэгүй үгэдэг ха юм.

Яковай хандалга 3:15

Тиимэ ухаан дээдэ тэнгэриһээ үгтэнэ бэшэ, харин энэ дэлхэйһээ, ганса бэеэ бодоһонһоо, ада шүдхэрһөө эхитэй ухаан юм.

Яковай хандалга 3:17

Харин дээрэһээ үгтэдэг ухаан маанадые арюун сэбэр, эб найрамдалтай, номгон даруу, энэрхы сэдьхэлтэй, үршөөл хайратай, аша туһатай, хүнэй нюур харадаггүй, үнэн сэхэ болохо тээшэ хүтэлдэг.

Иоаннай 1-дэхи хандалга 1:5

Тэрээнһээ дуулаһан мэдээсэлээ бидэ таанарташье дуулганабди: Бурхан хадаа гэрэл туяа мүн, харанхы ямаршье юумэн Бурханда байдаггүй!

Иоаннай 1-дэхи хандалга 4:10

Дуран гээшэ иимэ: Бурханда бидэ дурлаагүйбди, Бурхан Өөрөө бидэндэ дурлажа, бидэнэй хэһэн нүгэлэй түлөө үргэл болгон, Өөрынгөө Хүбүүе эльгээгээ.

Гэршэлгэ 21:23

Хотын һаруул гэрэлтэй байхын тула нара, һарашье хэрэггүй байгаа, юундэб гэбэл, Бурханай алдар солонь хотые гэрэлтүүлээ. Хурьган Тэрэнэй дэнгынь мүн.

Гэршэлгэ 22:5

Тэндэнь дахин һүни болохогүй, тэдэндэ дэнгэйшье гэрэл, наранайшье туяа ондоо хэрэггүй, юуб гэбэл, тэдэниие Эзэн Бурхан гэрэлтүүлхэ. Тиин тэдэнэр хэтын хэтэдэ хаан түрэ засаг барижа байха.

1 Хаан түрэнүүд 15:29

Юрэдөө, Израилиин Мүнхэ Бурхан айладхаһан үгэеэ эбдэдэггүй, хэһэн хэрэг тухайгаа гэмшэдэггүй. Юуб гэхэдэ, Тэрэ хүнтэй адли бэшэ, гэмшэхэ бэшэ, – гэбэ.