Яковай хандалга 1:12 - Библи

¹² Туршалгануудые дабажа гараһан хүн жаргалтай, юуб гэбэл, туршалгануудые дабахадаа, тэрэ хүн Бурханай Өөртэнь дуратай зондо найдуулһан мүнхын амидаралда хүртэнэ.

Шэнэ Хэлсээн

¹² Туршалгануудые дабажа гараһан хүн жаргалтай юм, юуб гэбэл, туршалгануудые дабахадаа, тэрэ хүн Бурханай өөртэнь дуратай зондо найдуулһан мүнхын амидаралда хүртэнэ ха юм.

Яковай хандалга 1:12 ပူးပေါင်းရင်းမြစ်များ

Эхин 22:1

Энэ болоһон ушарай удаа Бурхан Абраһаамые туршахаяа шиидэжэ дуудахадань, Абраһаам: – Би энэ байнаб! – гэбэ.

Нэхэмьяа 1:5

хэлэбэб: – Агууехэ, һүрөөтэ Огторгойн Эзэн Бурхан! Танай захяануудые бэелүүлэгшэдтэй, Танда үнэн зүрхэнһөө дурлагшадтай, үнэн сэхэ Танай хэлсээе наринаар бэелүүлэгшэдтэй баталһан Хэлсээгээ сахин дүүргэнэт.

Иоов 2:10

– Ши хиирээ гүш? Бидэ Бурханһаа гансал һайниие хүлеэгөөд, мууе абахагүй ёһотой юм гүбди? – гэжэ Иоов үгэ хэлэхэдээ, нүгэл хэлэбэгүй.

Иоов 5:17

Бурханһаа һургаал абажа, зан заншалаа заһуулһан хүн үнэхөөр азатай. Тиимэһээ Түгэс Хүсэтын хэһээлтэһээ бү жэгшэ.

Псалманууд 11:5

Тэдэ «Ярихадаа бэрхэбди, хэлэмнай – манай зэр зэбсэг, хэншье маанадта захиржа шадахагүй» гэнэ.

Псалманууд 5:11

Бурхан, тэдэниие хэһээгыт! Һанамжалһан юумэнь өөһэдэйнь толгой дээр бууг! Нүгэлтэй тэдэниие намнажа үлдыт! Тэдэ Таниие буруушаана бшуу!

Египедһээ гаралга 20:6

Намда дуратай, захяа заабариием сахижа ябагша зондо мянганшье үе хүрэтэрынь үршөөл хайра үзүүлдэгби.

Һургаал 17:3

Галай дүлөөр мүнгэ алта хайлуулан сэбэрлэдэг. Эзэн хүнүүдэй сэдьхэл туршадаг.

Исай 64:4

Этигэн найдаһан зоной аша туһа харан, иимэ үйлэ хэрэгүүдые хэдэг Тандал адли Бурхан тушаа бидэ хэззээшье дуулаагүй бэлэйбди.

Захарияа 13:9

Үлэгшэ эдэ зон Минии туршалгада оролсохо. Мүнгэ хайлуулдаг гал дундуур тэдэниие гарган туршахаб. Алта тунгаадаг шэнги тэдэниие тунгаажа сэбэрлэхэб. Тиихэдэ тэдэ Намайе дуудаха. Би харюудань «Энэ Минии арад түмэн», – гэжэ айладхахаб. «Эзэн болбол манай Бурхан», – гэжэ тэдэ хэлэхэ.

Матвей 10:22

Минии түлөө таанадые булта үзэн ядаха; зүгөөр эсэстэнь хүрэтэр тэсэжэ гараһаниинь абарагдаха.

Матвей 25:34

Тиигээд хаан Тэрэнэй баруун талада байгаашадта хандажа: «Минии Эсэгын үршөөл хайрада хүртэгшэ таанад ерэжэ, юртэмсэ дэлхэйн бии болохоһоо нааша таанарта бэлдэгдэһэн хаан түрэ халан абагты.

Лука 6:22

Хүн түрэлхитэнэй Хүбүүнһээ боложо таанадые хүнүүдэй үзэн ядажа, доромжолоошье һаань, мүргэлэй гэрһээ намнаашье һаань, үнэн нэрыетнай гутаагаашье һаань, таанад жаргалтайт.

Римэйхиндэ 5:4

харин тэсэбэри тэнхээтэй байхада, Бурхан һайшаадаг, тиихэдэ Бурханай һайшаал найдабари түрүүлдэг,

Римэйхиндэ 8:28

Бурханда дуратай, Тэрэнэй эрхэ хүсэлөөр дуудуулагдаһан хүнүүдэй бүхы юумэнүүдтэнь Бурхан урагшатай байдаг.

Коринфынхидтэ 1-дэхи 2:9

Яаба тиибэшье, Нангин Бэшэг соо иигэжэ бэшээтэй байдаг: «Нэгэшье хүнэй хараагүй, дуулаагүй, тиимэ юумэн болохо гэжэ нэгэшье хүнэй ойндоо оруулаагүй байһан юумые Бурхан Өөртэнь дуратай хүнүүдтэ бэлдээд байна».

Коринфынхидтэ 1-дэхи 8:3

Тиихэдэ Бурханда дуратай хүниие Бурхан мэдэхэ.

Коринфынхидтэ 1-дэхи 9:25

Урилдагшад мүнхэ оршодоггүй титимээр титимнүүлхын түлөө бултадаа хатуу журам баримталдаг, харин бидэ мүнхэдөө оршодог шагналай түлөө урилданабди.

Хуули дабталга 13:3

Тэрэ лүндэншые гү, али зүүдэндээ юумэ харадаг хүниие бү шагнагты; юуб гэхэдэ, Эзэн Бурхантнай Намда бүхы зүрхэ сэдьхэлһээ дуратай гээшэ гүт гэжэ мэдэхын тула таанадые туршажа байна гээшэл.

Хуули дабталга 7:9

Зай, мэдэжэ байгты: Эзэн Бурхантнай үнэхөөрөө Бурхан, найдамтай Бурхан юм. Өөртэнь дуратай, мүн захяа заабаринуудыень жэншэдгүй сахигшадта үршөөл хайраяа Тэрэ мянган үе хүрэтэр бэлэглэдэг, баталһан хэлсээгээ сахижа байдаг.

Хуули дабталга 8:2

Дүшэн жэлэй туршада элһэн сүл губяар таанадые Эзэнэй хүтэлөөд ябаһан бүхы аян зам бү мартагты. Досоогоо юу сэдьхэжэ байһыетнай, захяа заабарииень сахиха гүт, али үгы гүт гэжэ мэдэхын тула, таанадые номгоруулхын тула Тэрэ туршажа байгаа.

Тимофейдэ 2-дохи 2:15

Һайн албатан байнаш гэһэн Бурханай магтаалда хүртэхын тула һайнаар ажаллажа байгаарай. Хэжэ байһан ажалһаа эшэжэ зобохогүйн тула Бурханай үгые үнэн зүбөөр һургажа байгаарай.

Тимофейдэ 2-дохи 4:8

Тиимэһээ үнэн сэхэ Заргаша, Эзэн тэрэ үдэр намда үгэхэ шагналаа мүнөө бэлдээд байна. Тэрэ шагнал гансал намда үгэхэ бэшэ, харин Тэрэнэй ерэхые хүлеэжэ байһан бүхы зондо үгэхэ.

Еврейнүүдтэ 10:32

Таанадтай урдань юунэй тохёолдоһые һанаандаа оруулагты. Бурханай гэрэл туяагай таанадые гэрэлтүүлхэдэ, таанад зоболонгуудые дабан, агууехэ баатаршалга гаргабат.

Еврейнүүдтэ 11:17

Бурханай Абраһаамые туршахадань, этигэл һүзэгөөрөө тэрэ Исаак хүбүүгээ тахил болгон үргөө. Бурхан Абраһаамда найдуулга үгөө, тиимэһээ Абраһаам ганса хүбүүгээ тахил болгон үргэхэдэ бэлэн байгаа.

Еврейнүүдтэ 12:5

Бурханай таанадые, Өөһэдынгөө хүбүүдые, урмашуулан иигэжэ хэлэһые таанад мартаа аалта? «Хүбүүмни, Эзэн Бурханай шамда юумэ захижа байхадань, анхаралаа хандуулаарай, шамайе шүүмжэлэн элирүүлхэдэнь, урмаа хухарангүй байгаарай».

Еврейнүүдтэ 6:15

Абраһаам ехэл тэсэбэритэй байжа, Бурханай найдуулһанда хүртөө.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Яковай хандалга 5:11

Аргагүй ехэ тэсэбэриинь түлөө бидэ тэдэ зониие жаргалтай гэжэ тоолодогбди. Таанад Иоовой ямар тэсэбэритэй байһые, Эзэнэй һүүлэй һүүлдэ тэрээниие буян хэшэгтээ хүртөөһые һаныт. Эзэн үршөөл хайратай, энэрхы сэдьхэлтэй дээрэһээ тиигэжэ туһалаа.

Пётрой 1-дэхи хандалга 3:14

Зүб юумэ хэжэ байһанайнгаа түлөө зоболон гаталжа байбалтнай, Бурхан ашыетнай харюулхал! Хэнһээшье бү айгты, һанаагаа бү зобогты.

Пётрой 1-дэхи хандалга 4:13

Зүгөөр, Христоосой зоболонгуудые хубаалсажа байһандаа баясажа байгаарайт, Тэрэнэй һүр жабхалантайгаар ерэхэ Үдэрнь таанад баясахат, хүхихэт.

Пётрой 1-дэхи хандалга 4:14

Христоосой нэрэ алдарай түлөө таанадые хүнүүдэй доромжолболнь, таанад жаргалтайт. Ушарынь хэлэбэл, алдар солын Һүлдэ, Бурханай Һүлдэ таанад соо оршоно гээшэ.

Пётрой 1-дэхи хандалга 5:10

Зүгөөр танай зоболонгууд һаядаа дууһаха. Иисүүс Христоостой нэгэдүүлэн, мүнхэ алдараараа хубаалсахын тула таанадые дуудаһан, элдэб үршөөлнүүдэй эхин болохо Бурхан таанадые заһаха, бэхижүүлхэ, хүсэ шадалтай болгохо, батадхаха.

Пётрой 1-дэхи хандалга 5:4

Тиигэбэл, таанад эгээн ехэ Адуулагшын ерэхэдэ, һүнэшэгүй алдарай шагналда хүртэхэт.

Иоаннай 1-дэхи хандалга 4:19

Бидэ Бурханда дуратайбди, юундэб гэбэл, бидэндэ түрүүшээр Бурхан дурлаа.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!

Гэршэлгэ 3:19

Дуратай хүнүүдээ Би элишэлэн шүүмжэлдэг, хэһээдэгби. Тиимэһээ таанад хэшээл оролдолго гаргагты, нүгэл хэхэеэ болигты.

Гэршэлгэ 3:21

Би илажа гараад, Өөрынгөө Эсэгэтэй хамта хаан шэрээдэнь һуугааб, тэрээндэл адляар, Намтай хамта Минии хаан шэрээдэ һууха эрхые Би илагшада олгохоб.