Яковай хандалга 1:1 - Библи

¹ Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.

Шэнэ Хэлсээн

¹ Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Дээдын Эзэн Иисус Христосой Яков зараса мэндэшэлнэ.

Яковай хандалга 1:1 ပူးပေါင်းရင်းမြစ်များ

3 Хаан түрэнүүд 18:31

Элияа Яковай хүбүүдэй обогуудай тоогоор арбан хоёр шулуу абаба. Яковые Эзэн Израиль гэжэ нэрлээ һэм шуу.

Эзраа 6:17

Зуун буха, хоёр зуун хони, дүрбэн зуун хурьга Бурханай гэр сагааруулгын үргэлдэ асарба, үшөө израильшуудай уг эсэгэнэрэй тоогоор, бүхы Израилиин нүгэл арилгахын тула арбан хоёр ямаа асаржа үргэбэ.

Эстээр 3:8

Энээнэй удаа Һамаан Ахашвероош хаанда орожо: – Манай улас түрын бүхы аймаг, бүхы үндэһэ яһатадай дунда таранхай нэгэл зүрюу һанаатай үндэһэтэн бии. Тэдэнэй хуули ёһонууд ондоо, тэдэ хаанай хуули зарлиг сахинагүй. Эзэн хаан, та тэдэниие хэһээнгүй миин бү орхиита.

Египедһээ гаралга 24:4

Моисей Эзэнэй бүхы үгэнүүдые бэшэжэ абаба. Үглөөдэрынь хадын хормойдо үргэлэй шэрээ түхеэржэ, Израилиин уг аймагуудай тоогоор арбан хоёр нангин шулуу зэргэлүүлэн табиба.

Египедһээ гаралга 28:21

Хамта дээрээ арбан хоёр шулуун, шулуун бүхэндэ тамга сохиһон шэнгеэр Израилиин арбан хоёр обогуудай нэгэнэйнь нэрэ һиилэгдэхэ.

Египедһээ гаралга 39:14

Хамта дээрээ арбан хоёр шулуун, шулуун бүхэндэ тамга сохиһон шэнгеэр Израилиин арбан хоёр обогуудай нэгэнэйнь нэрэ һиилэгдэбэ.

Эзэкээл 12:15

Иигэжэ Минии тэдэниие үндэһэ яһатадай дундуур, ондоо улас түрэнүүдээр тараахада, тэдэ Намайе Эзэн гээд мэдэдэг болохо.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Матвей 10:3

Филипп Варфоломей хоёр, Фома ба алба татагша Матвей, Алфейн Яков, Фаддей гэжэ нэрлүүлһэн Леввей,

Матвей 13:55

– Үгы, энэмнай дарханай хүбүүн бэшэ һэн гү? Эхэнь Мария бэшэ һэн гү? Яков, Иосиф, Симон, Иуда гэгшэд дүүнэрынь бэшэ һэн гү?

Матвей 19:28

Иисүүс тэдэндэ хэлэбэ: – Хүн түрэлхитэнэй Хүбүүнэй Өөрынгөө алдарта Хаан шэрээдэ һуухадань, Намайе дахажа ябаһан таанад баһа арбан хоёр хаан шэрээдэ һуужа, Израилиин арбан хоёр угсаатаниие шүүбэрилхэт гэжэ баталан таанадта хэлэнэб.

Марк 3:18

Элшэнэрэй тоодо Андрей, Филипп, Варфоломей, Матвей, Фома, Алфейн Яков хүбүүн, Фаддей, Симон Кананит,

Лука 22:30

Таанад хаан орондомни шэрээдэ һуугаад, Намтай эдижэ, уужа байхат. Таанад хаан шэрээдэ һуугаад, Израилиин арбан хоёр угсаатаниие шүүбэрилхэт.

Лука 6:15

Матвей, Фома, Алфейн Яков хүбүүн, зелотуудай бүлгэмэй гэшүүн Симон,

Иоанн 12:26

Намда алба хэдэг хүн Минии хойноһоо дахаад ябаг! Минии байһан лэ газарта Минии зараса байлсаха. Намда алба хэдэг хүниие Минии Эсэгэ хүндэлхэ.

Иоанн 7:35

Тиихэдэнь еврейнүүд өөһэд дундаа хөөрэлдэбэ: – Үгы, бидэнэй Тэрэниие олохогүй ямар газарта Энэмнай ошохоёо түхеэрбэб? Али грегүүдэй дунда тарашоод байһан манай улад зондо ошожо, грегүүдые һургахаяа һанаба гү?

Хэрэгүүд 1:13

Гэртээ ерэжэ, өөһэдынгөө байрладаг дээдэ дабхарай таһалгада оробод. Элшэнэрэй нэрэнүүдынь гэбэл, Пётр, Иоанн, Яков, Андрей, Филипп, Фома, Варфоломей, Матвей, Алфейн хүбүүн Яков, Симон Зелот, Яковай хүбүүн Иуда болоно.

Хэрэгүүд 12:17

Шэмээгүй бологты гэжэ Пётр гараараа харуулаад, Эзэнэй яажа тэрэниие түрмэһөө гаргаһан тухай хөөрэжэ үгэбэ. – Яковта, аха дүүнэртэ энээн тухай дуулгагты, – гэжэ Пётр хэлээд, тэдэниие орхёод, ондоо тээшээ ошобо.

Хэрэгүүд 15:13

Тэдэнэй хөөрэжэ дүүргэхэдэ, Яков хэлэжэ эхилбэ: – Аха дүүнэрни, намайе шагныт!

Хэрэгүүд 15:21

Юундэб гэхэдэ, Моисейн Хуули эртэ урда сагһаа хото бүхэндэ номногдожо, мүргэлэй гэрнүүдтэ суббото бүхэндэ уншагдана ха юм.

Хэрэгүүд 15:23

тэдэнэй дамжуулха ёһотой иимэ бэшэг бэшэбэд: «Элшэнэр, Иерусалимай бүлгэмэй хүтэлэгшэд болон бүхы һүзэглэгшэд Антиох, Сири, Киликидэ ажаһуудаг бусад арадуудай дундаһаа Христоосто һүзэглэһэн зониие амаршална.

Хэрэгүүд 2:5

Тэрэ үедэ Иерусалимда дэлхэйн элдэб оронуудһаа Бурханда шүтэдэг еврейнүүд ерээд байгаа.

Хэрэгүүд 21:18

Хойто үдэрынь Павел мантай суг Яковта ошобо. Ошоһон газартамнай бүлгэмэй хүтэлэгшэдшье булта суглараа ха.

Хэрэгүүд 23:26

«Эрхим хүндэтэ захирагша Феликс, таниие би, Клавдий Лисий амаршалнаб.

Хэрэгүүд 26:7

Тиихэдэ манай арбан хоёр угсаатаншье энэ найдуулга бүтэхэ гэжэ этигэһээр лэ үдэр һүнигүй Бурханда алба хэдэг байгаа. Хаан, энэ бүхэнэйл түлөө намайе еврейнүүд зэмэлнэ.

Хэрэгүүд 8:1

Стефаниие алаһан хэрэг Саулда ехэ һайшаагдаба. Энэ үдэрһөө хойшо Иерусалимда һүзэглэгшэдые ехээр хашан мүрдэдэг болобо. Тиимэһээ элшэнэр лэ хотодо үлөөд, бусад һүзэглэгшэд булта Иудейн ба Самариин нютагуудаар тараба.

Римэйхиндэ 1:1

Бурханай хайра дурада хүртэһэн, Тэрэнэй нангин арадынь байхаар дуудуулагдаһан Римэй бүгэдэ зон, таанадта Иисүүс Христоосой зараса, элшэнгээр һунгагдаһан Павел бэшэнэ. Манай Эсэгэ Бурхан ба Эзэн Иисүүс Христоос таанадта хайраяа болон амгалан тайбаниие үршөөг лэ!

Галадуудта 1:19

Иисүүсэй дүү хүбүүн Яковһаа бэшэ ондоо элшэнэрые би хараагүйб.

Галадуудта 2:12

Яковай хүнүүдэй Антиох ерэхын урда тээ Пётр бусад арадуудай дундаһаа Христоосто һүзэглэһэн зоноор хамта хоол баридаг һэн. Теэд Яковай зоной ерэхэдэ, еврейнүүдһээ айжа, бусад арадуудай дундаһаа һүзэглэһэн зонһоо гэнтэ холодоод, суг эдеэлэлсэхэеэ болибо.

Хуули дабталга 28:64

Дэлхэйн нэгэ захаһаа нүгөөдэ заха болотор ажаһуугша бүхы арадуудаар таанадые Эзэн тарааха. Өөрынгөө танихагүй, үбгэ эсэгэнэрэйнгээшье мэдэхэгүй ондоо бурхадта, модоор, мүн шулуугаар хэгдэһэн бурхадта, тэндэ һүгэдэн, мүргэн байхат.

Хуули дабталга 30:3

Эзэн таанадые хайрлажа, баряанһаа бусаажа, арадууд хоорондуур тарааһанаа һөөргэнь та бүгэдые суглуулан асарха, үршөөл хайраяа бэлэглэхэ.

Хуули дабталга 32:26

Би хэлээб: „Тэдэниие тараан сасахаб, үгы хэхэб, тиихэдэм тэдээн тушаа зон огтолон мартаха“.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Филиппынхидтэ 1:1

Филипп хотын һүзэглэгшэдэй бүлгэм, танай хүтэлэгшэд болон танай туһалагшад, таанадта Иисүүс Христоосой зарасанар болохо Павел Тимофей хоёр бэшэнэ.

Тимофейдэ 2-дохи 4:21

Үбэл болотор ерэхэ гэжэ оролдоорой. Эвбүүл, Пүүд, Лиин, Клавдий болон бэшэшье һүзэглэгшэд булта шамда мэндые дамжуулна.

Тидтэ 1:1

Этигэл һүзэгөөрөө намтай нэгэдэһэн үнэн сэхэ Тит хүбүүмни, шамда Бурханай зараса, Иисүүс Христоосой элшэн Павел бэшэнэ. Бурхан Эсэгэ болон манай Абарагша Иисүүс Христоос шамда үршөөл хайра ба амгалан тайбаниие үршөөг лэ. Бурхан намайе шэлэжэ абаад, һунгаһан хүнүүдэйнгээ һүзэгые дэмжүүлхээр, шажанаймнай һургадаг үнэн зүйлдэ тэдэниие хүтэлүүлхээр намайе эльгээгээ. Энэ үнэн зүйл мүнхын амидаралда найдаха гол түшэг болоно. Худал юумэ хэлэдэггүй Бурхан мүнхын тэрэ амидаралые анханһаа нааша бидэндэ найдуулжа, тогтооһон сагтаа тэрэнээ Өөрынгөө һургаалда нээгээ. Тэрэ һургаалынь намда үгтэжэ, манай Абарагша Бурханай захиралтаар би тэрэнииень номноноб.

Пётрой 1-дэхи хандалга 1:1

Понт, Галаат, Каппадоки, Аси, Битиини нютагуудаар таража һууһан ерүүл зон, Бурханай шэлэжэ абаһан хүнүүд, таанадые Иисүүс Христоосой Пётр элшэн амаршална.

Пётрой 2-дохи хандалга 1:1

Манай Бурхан ба Абарагша болохо Иисүүс Христоосой үршөөһэн үнэн сэдьхэлэй ашаар маанадтал адли һүзэгтэй болоһон хүнүүд, таанадта Иисүүс Христоосой зараса болон элшэн Симон Пётр бэшэнэ.

Иудын хандалга 1:1

Эсэгэ Бурханай хайра дурада хүртэһэн, Иисүүс Христоосой харьяалда байһан Бурханай дуудаһан хүнүүд аа, таанадые Иисүүс Христоосой зараса, Яковай дүү Иуда амаршална.

Гэршэлгэ 7:4

Хэды хүн духадаа тамга табюулааб гэжэ хэлсэхые дуулааб. Израилиин бүхы угсаата зоной зуун дүшэн дүрбэн мянган хүниинь тамга даруулаа: