Ударидагшад 9:28 - Библи

²⁸ Ээбэдэй хүбүүн Гааһал иигэжэ асууба: – Абимээлэх хэн бэ? Шэхээм юун бэ? Юундэ бидэнэр тэрээндэ алба хэхэ болообибди? Еруббаалай хүбүүн Абимээлэх, тэрэнэй нютагай засаг баригша Зэбүүл хоёр Шэхээмэй эсэгын Хамоорой хүнүүдтэ алба хэхэ ёһотойл. Юундэ бидэнэр Абимээлэхдэ алба хэхэ болонобибди?

Ударидагшад 9:28 ပူးပေါင်းရင်းမြစ်များ

Эхин 33:19

Тэрэ хотын һуури анхан табигша Шэхээм гэдэг хүнэй хүбүүн Хамоорой үри һадаһадһаа зуун мүнгөөр тэрэ уужам газарые үмсын зөөри болгон, худалдажа абаад, майхангуудаа бодхоон һуурижаба.

Эхин 34:2

Тиихэдэ тэндэхи обог зоной удамаршан, хиив обогтон болохо Хамоорой хүбүүн Шэхээм тэрээниие хаража, хүсөөрөө барин, эдлэбэ.

Эхин 34:6

Шэхээмэй эсэгэ Хамоор Яковтай хөөрэлдэхэеэ ерэбэ.

2 Хаан түрэнүүд 20:1

Бэньямиин хүн Бихрии гэгшын бирагүй, үймөө үүдхэдэг абари зантай Шэбаа хүбүүн тэндэ байлсаа. Тэрэ зониие суглуулхаяа эбэр бүреэгээр үлеэжэ, иигэжэ хэлэжэ байба: – Давидтай хамта бү байя! Тэрээнэй хойноһоо бү ябая! Израилиин улад зон, гэр гэртээ тарая!

3 Хаан түрэнүүд 12:16

Хаан маанадай гуйлта анхарбагүй гэжэ Израилиин зон бултадаа ойлгоходоо, иигэжэ дуугаралдаба: «Давидай гэр бүлэ маанарта хэд болохоб?! Ишайн хүбүүн маанадта хуби үлөөхэгүйл. Израилиин зон, гэртээ тарая даа! Рэхобаам өөрынгөө арадые зонхилон байг, маанарта бү хамаархаг». Тиигэжэ Израилиин бүхы улад зон гэр гэртээ тараа бэлэй.

Ударидагшад 9:26

Ээбэдэй хүбүүн Гааһал аха дүүнэртэеэ суг хамта Шэхээмдэ нүүжэ ерээд, тэрэ хотын гудамжануудаар ябаба. Тиихэдэнь урдаа хараха тулгамнай гэжэ шэхээмэйхид тэрээндэ найдадаг болобо.

Ударидагшад 9:41

Абимээлэх сэрэгшэдтэеэ хамта Арумаа хото тээшэ зорибо. Тиихэдэнь Зэбүүл Гааһалые болон тэрэнэй аха дүүнэрые үлдэжэ, Шэхээмһээ гаргажа ябуулба.

1 Хаан түрэнүүд 25:10

Харин Набаал Давидай зарасанарта харюусахадаа: – Давид гээшэ хэн юм бэ? Ишайн хүбүүн гээшэ хэн юм? Мүнөө эзэнһээ зугададаг богоолнууд олон болоо.