Ударидагшад 6:31 - Библи

³¹ Хүнүүдэй хүреэлгэн соо ороһон Ёһааш тэдээндэ иигэжэ хэлэбэ: – Таанад Баалые үмөөрнэ гүт? Баалые хамгаалха гэнэ гүт? Тэрэниие үмөөрэгшэ үглөө үглөөгүүр болотор үхэлдэ үгтэхэ. Хэрбэеэ Баал үнэхөөр бурхан байбал тэрэ өөрөө өөрынгөө түлөө тахилайнгаа шэрээе һандаргагшадтай тэмсэг.

Ударидагшад 6:31 ပူးပေါင်းရင်းမြစ်များ

3 Хаан түрэнүүд 18:27

Үдын тэн багаар Элияа тэдэниие наадалжа эхилбэ: – Бурхан юм һаань, шангаар дуудыта! Тэрэтнай ондоо юумэн тушаа бодолгото болоо гү, али сүлөөгүй гү, али аян замдаа ябана юм гү? Үгышье һаа, тэрэ унтажа магад, тиигэбэл, һэрихэл!

3 Хаан түрэнүүд 18:29

Үдын үнгэртэр тэдэ иигэжэ байгаа. Теэд ямаршье абяа шэмээ гарабагүй, хэншье тэдээндэ харюусабагүй.

3 Хаан түрэнүүд 18:40

Элияа тэдээндэ захирба: – Баалай лүндэншэдые баригты! Хэншье тэрьедэхэ ёһогүй! Тэдэниие барихадань, Элияа Кишоон горхоной хажууда абаашаад, тэдэниие алаба.

Египедһээ гаралга 23:2

Буруу хэрэгтэ олониие даган дууряажа бү яба. Олоной дуратайшье һаань, зарга шүүбэриин газарта үнэн зүбые гажаажа бү бай.

Исай 41:23

Ерээдүйдэ болохо юумэ үзэгдэл харуулан мэдүүлэгты, тиихэдэтнай бидэ таанадые бурхад гэжэ мэдэдэг болохобди. Мүн һайн, үгышье һаа, муу хэрэг үйлэдэгты, маанадые айн һүрдүүлэгты!

Исай 46:1

Вавилооной Бээл болон Нэбоо гэдэг бурхадай эсэс ерээ! Тэдэ элжэгэнүүд дээрэ ашагдажа, ашаанай эсэһэн амитадта дарамта болоо.

Исай 46:7

Тэдэ үнөөхиеэ мүр дээрээ үргэн зөөжэ, байха байрадань заладаг. Тэрэ хэһэн зүйлынь байраһаа хүдэлхэгүй зогсодог. Хэн нэгэнэй тэрээндэ зальбаран мүргөө гээшэ һаань, тэрэ харюусажа шадахагүй, гай тодхорһоо абаржа шадахагүй.

Ерэмияа 10:11

Таанад, улад зон, үндэһэ яһатанда иигэжэ хэлыт: «Огторгой болон газарые бүтээгээгүй бурхад үгы хэгдэжэ, хүрьһэтэ дэлхэй дээрэһээ халиха».

Ерэмияа 10:5

Тэдэ шүтөөнүүд огородой мануухай мэтэ, дуугаржа шадахагүй. Ябажа шадахагүй байхадань тэдэниие үргэжэ зөөдэг гээшэ. Тэдээнһээ бү айгты! Тэдэ хоро хэжэ шадахагүй, мүн тиихэдэ һайнииешье хэжэ шадахагүйл.

Тоололго 14:6

Орон нютагые шэнжэлэн шалгажа ерэһэн Нүүнэй хүбүүн Иисүүс, Епуннээгэй хүбүүн Халээб тэндэ сугларагшадта гай гасалангаа мэдүүлжэ, үмдэжэ ябаһан хубсаһаа хахар шуу татаад,

Коринфынхидтэ 1-дэхи 8:4

Онгонуудта үргэгдэһэн хоол бариха тухай хэлэбэл, онгонууд юуншье бэшэ, зүбхэн ори ганса Бурхан бии юм гэжэ бидэ мэдэнэбди.

Эфесэйхиндэ 5:11

Харанхы мунхагай үрэ дүнгэй хэрэгүүдтэ ямаршье хабаагүй байгты, тэрэ хэрэгүүдые гэрэл туяада гаргажа элирүүлжэ байгты.

Ударидагшад 6:30

Энэ хойтын зон Ёһаашда ерээд, тэрээндэ иигэжэ хэлэбэ: – Ши өөрынгөө хүбүүе гэрһээ гарга. Баалай үргэлэй шэрээень һандаргаһанай, хажуудахи модыень отолһоной түлөө шинии хүбүүн үхэхэ ёһотой.

Ударидагшад 6:32

Ёһааш саашань үгэлэн иигэжэ нэмэбэ: – Хэрбэеэ тахилайнь шэрээе Гидооной һандаргаа һаа, Баал өөрөө тэрээнтэй тэмсэг! Тэрэ үдэрһөө хойшо Гидоониие Еруббаал гэжэ нэрлэбэ.

1 Хаан түрэнүүд 12:11

Тиихэдэнь Эзэн Еруббаал, Бэдаан, Иптаа болон Самуилые эльгээжэ, тойроод байһан дайсадһаатнай таанадые абараа һэн. Тиигээд таанад хэнһээшье айнгүй ажаһуугаат.