Ударидагшад 6:21 - Библи

²¹ Эзэнэй Эльгээмэлэй гартаа баригша һүлдэ тулгуурайнгаа үзүүрээр мяханда болон шаангида хүрэхэдэнь, тэрэ шулуунһаа гал гараад, Гидооной асарһан мяхые болон шаангиие тэрэ гал үрэбхиһэн юумэдэл үгы хэжэрхибэ. Эзэнэй Эльгээмэлшье тэрэ дары үгы болошобо.

Ударидагшад 6:21 ပူးပေါင်းရင်းမြစ်များ

3 Хаан түрэнүүд 18:38

Эзэн гал дүлэ эльгэжэ, түгэс шатаалта үргэл, түлеэн, шулуунууд шатаба. Иигэжэ газарай шорой галдагдажа, ханааб соо байгааша уһан үгы болотороо хаташаба.

1 Угай бэшэг 21:26

Иигээд Давид тэндэ Эзэндэ үргэлэй шэрээ барижа, түгэс шатаалта болон амгалан байдалай түлөө үргэлнүүдые үргэбэ. Тэрэ Эзэндэ зальбарба, Эзэн энэ гуйлтыень дуулаад, түгэс шатаалта үргэлэй шэрээдэ огторгойһоо гал эльгээбэ.

2 Угай бэшэг 7:1

Соломооной зальбаран мүргэжэ дүүргэхэдэ, огторгойһоо гал дүлэн зуралзаад, түгэс шатаалта үргэлые болон бусад үргэлнүүдые бултыень шатаан үрэбхижэрхибэ. Эзэнэй алдар соло Һүмые дүүргэбэ.

Исай 38:7

Исай үшөө иигэжэ хэлэбэ: – Эзэн үгэеэ заабол бэелүүлхэ гэһэнэй дүлгэ тэмдэг хадаа иимэ байха:

Левит 9:24

Гэнтэ Эзэнһээ гал ялабхин бадараад, үргэлэй шэрээ дээрэ байгша түгэс шатаалта үргэл ба өөхэ шатаажархиба, энээнииень арад зон хараад, баярлаһандаа хашхаралдан, уруугаа харан унаба.

Ударидагшад 13:19

Манооһаа шанаһан эшэгэеэ болон хилээмэн үргэлнүүдээ асаржа, Эзэндэ үргэхэеэ шулуун дээрэ табиба.

Ударидагшад 13:20

Үргэлэй шэрээһээ галай дүлэн огторгой өөдэ дэгдэбэ. Тиихэдэнь Эзэнэй Эльгээмэл тэрэ дүлэнтэй хамта дэгдэлсэбэ. Манооһаа ба тэрэнэй һамган эдэ бүгэдые хараад, нюураараа газар дэрлэн унажа, Тэрээндэ зальбаршабад.

Ударидагшад 6:20

Эзэнэй Эльгээмэл Гидоониие иигэжэ захирба: – Шанаһан бүхэли мяхаяа, эһээбэригүйгөөр болгоһон шаангияа энэ шулуун дээрэ таби, уһан шүлыень газарта адха. Гидоон Тэрэнэй зарлиг дүүргэн бэелүүлбэ.