Ударидагшад 20:26 - Библи

²⁶ Тиихэдэнь израильшуудай бүхы сэрэг Бэт-Ээл хото ошобо. Тэдэнэр тэндэ үдэшэ болотор масаглажа, һүмын тахилай шэрээгэй урда уйлалдаад, Эзэндэ түгэс шатаалта болон амгалан байдалай түлөө үргэлнүүдые үргэбэд.

Ударидагшад 20:26 ပူးပေါင်းရင်းမြစ်များ

Эхин 28:19

Энэ газараа Яковай «Бэт-Ээл» гэжэ нэрлэһэниинь «Бурханай үргөө» гэһэн удхатай. Тэндэхи хото урдандаа Лүүз гэжэ нэрэтэй бэлэй.

2 Хаан түрэнүүд 3:35

Удаань Давидые эдеэ хоол барихыень аргадахаяа зон үшөө үдэр байхада ерэбэ. Теэд Давид тангариглажа хэлэбэ: – Хэрбээ наранай шэнгэтэр минии хилээмэ, үгышье һаа, ямар нэгэн хоол эдибэлни, Бурхан намайе хэһээхын ехээр хэһээг лэ!

2 Угай бэшэг 20:3

Ёшапаат айжа, Эзэндэ мүргэжэ эхилбэ. Тиигээд тэрэ Иудын улад зондо масаг бариха тухай захиралта буулгаба.

Эзраа 8:21

Бурханай урда сэдьхэлээ номгоруулжа, үхи хүүгэдтэеэ, зөөри зөөшэтэеэ аян замаа амгалан гаталхые Тэрээнһээ гуйхын тула бидэ масаглаха ёһотойбди гэжэ Аһаваа голой эрьедэ байхадаа соносхобоб.

Ерэмияа 36:9

Ёшияагай хүбүүн Ёякиимэй Иудын хан түрые табадахи жэлээ, юһэдэхи һараа зонхилжо байха үедэ зон масаг баряа һэн. Энэ масагые Иерусалимай болон ондоо хотонуудһаа ерэһэн бүхы зон сахин-дүүргэн байгаа.

Ёһээл 1:14

Масаг сахилга тунхаглагты, ёһололой суглаа зарлагты. Ахамад болон орон нютагай хамаг зониие Эзэн Бурханай үргөөдэ суглуулжа, Эзэндэ зальбарагты.

Нүүнэй Иисүүс 24:1

Иисүүс Израилиин бүхы обогуудые Шэхээмдэ суглуулаад, Израилиин ахамадуудые, түшэмэлнүүдые, зарга шүүгшэдые, хинадаг дарганарые дуудаад, Эзэнэй урда жагсаагаа.

Нүүнэй Иисүүс 7:6

Иисүүс хубсаһаа таһа татан уряад, Эзэнэй хэлсээнэй ханзын урда нюураараа газар мүргэн унаа, үдэшэ болотор хэбтээ. Иисүүс ба Израилиин аха захатан тархидаа үнэһэн тоборог адхаа.

Ударидагшад 20:18

Израильшууд бодожо, Бэт-Ээлдэ ерээд, Бурханһаа иигэжэ һураба: – Бидэнэй хэн эгээн түрүүн Бэньямиинэй угайхидтай дайлалдахаяа ошохоб? Эзэн тэдээндэ иигэжэ хэлэбэ: – Иуда эгээн түрүүн ябаха.

Ударидагшад 20:23

Тэдэнэр үдэшэ болотор уйлалдабад. Тиигээд тэдэнэр Эзэнһээ иигэжэ асуубад: – Бидэнэр өөһэдынгөө аха дүүнэр болохо Бэньямиинэй угайхидтай дахин дайлалдахамнай гү, али яахамнайб? Эзэн тэдэндэ иигэжэ харюусаба: – Урагшаа! Тэдэнтэй дайлалдагты!

Ударидагшад 20:25

Тэрэ үдэр Бэньямиинэй угай сэрэгшэд Гибааһаа добтолон гарабад. Тиихэдээ тэдэнэр энэ удаа израильшуудай элдэтэй арбан найма мянган сэрэгшэдые алабад.

Ударидагшад 21:2

Израильшууд Бэт-Ээл хотодо ерээд, Бурханай гэртэ үдэшэ болотор һуухадаа, шангаар уйлалдабад.

Ударидагшад 21:4

Үглөө үглөөгүүрынь израильшууд тэндэ үргэлэй шэрээ бодхоогоод, түгэс шатаалта болон амгалан байдалай түлөө үргэлнүүдые үргэбэд. Тиихэдээ израильшууд бэе бэеһээ иигэжэ асуубад: – Израилиин бүхы обогуудһаа хэн Эзэнэй гэртэ суглаанда ерэбэгүйб?

1 Хаан түрэнүүд 11:4

Элшэнэр Саулай Гибаа руу ерэжэ, эдэ үгэнүүдые арад зондо дуулгаба. Тиихэдэнь бүхы зон шангаар уйлалдаба.

1 Хаан түрэнүүд 7:6

Тэдэ Мицпаада сугларжа, уһа удхан, Эзэнэй урда сасан, тэрэ үдэр масаглан: – Бидэ Эзэнэй урда нүгэл хээбди, – гэбэ. Самуил Мицпаада Израилиин зониие ударидан байгаа.