Ударидагшад 19:23 - Библи

²³ Гэрэй эзэн газаашаа гараад, тэдэниие аргадан, иигэжэ хэлэбэ: – Болохогүйл, минии аха дүүнэр, гэмтэ ябадал бү хэгты! Энэ хүниие хүсөөрөө бү эдлэгты! Юундэб гэхэдэ, гэртэмни байгша хүн – минии айлшан.

Ударидагшад 19:23 ပူးပေါင်းရင်းမြစ်များ

Эхин 19:8

Эрэ хүниие үшөө үзөөгүй хоёр басагад намда бии. Эдэ үхидөө таанадта үгэнэлби, юушье тэдэнтэй хэгты, зүгөөр минии гэртэ орогшодой ойро бү хүрэгты!

Эхин 34:7

Яковай хүбүүд хээрэ талаһаа ерэхэдээ, Дииные бузарлаһан тухай дуулажа, угаа ехээр сухалдаба. Шэхээм Яковай басаган Дииные хүсөөрөө эдлэжэ, болошогүй юумэ хэжэ, бүхы израильшуудые доромжолһон болоно шуу.

2 Хаан түрэнүүд 13:12

Теэд Тамаар тэрээндэ хэлэбэ: – Үгы, ахай, тиигэжэ болохогүй. Намайе бү доромжологты. Израильда иимэ юумэ хэдэггүй бшуу. Иимэ муухай юумэ бү хэгты.

Хуули дабталга 22:21

тэрэ басагые эсэгынь гэрэй үүдэнүүдтэ аха захатан асаржа, хотын зон тэрэниие үхэтэрынь шулуудаг. Юуб гэхэдэ, тэрэ Израиль соо эшхэбтэр муухай юумэ хээ, эсэгынгээ гэртэ байхадаа забхай, янхан ябадал гаргаа. Өөһэдынгөө арадай дундаһаа муу юумэ иигэжэ үгы хэгты.

Нүүнэй Иисүүс 7:15

Хараалда хүртэһэн юумэ хулуугаа гэжэ элирүүлэгдэһэн хүн хамаг юумэтэйгээ хамта галда шатаагдаха зэргэтэй; тэрэ хүн Эзэнтэй баталһан хэлсээгээ эбдээ, хуули буса ябадалаараа Израилиие бузарлаа.

Ударидагшад 20:6

Би баряанайнгаа эхэнэрые хэсэгүүд болгожо отолоод, тэдэнээ нэгэ нэгээр израильшуудай эзэмдэжэ байһан бүхы орон нютагуудта тараажа эльгээгээб. Ушар юуб гэхэдэ, Бэньямиинэйхид Израильда хуули буса ба эшхэбтэр үйлэ хэрэг хэбэ бшуу.