Ударидагшад 18:17 - Библи

^17-18 Хаалта үүдэнэй хажууда зургаан зуун сэрэгшэдтэй хамта санаартын зогсоходо, тэндэхи газар шэнжэлжэ хараһан табан сэрэгшэ Михаагай гэртэ орожо, шабараар болон шудхажа хэһэн бурхадай дүрсэ хүрэгүүдые, эфод, терафим абабад. Тиихэдэнь залуу левит санаарта тэдээнһээ иигэжэ асууба: – Таанад юу хэжэ байнабта?

Ударидагшад 18:17 ပူးပေါင်းရင်းမြစ်များ

Эхин 31:19

Тэрэ үедэ Лаваан хонидойнгоо нооһо хайшалхаяа хүдөө ошоһон байгаа. Тиихэдэнь Рахээл эсэгынгээ майханда ороод, онгонуудыень һэмээхэн абажархиба.

Эхин 31:30

Зай, яахаб, ши түрэһэн гэрээ һанаад намһаа ошобо гэлэйш. Зүгөөр гал гуламтыемни хамгаалдаг бурхадыем юундэ хулгайлаабши?

Египедһээ гаралга 32:20

Тугалай хүрэгые галда хаяжа хайлуулаад, уйгааг тоброог болоторнь нюдэбэ. Тэрэнээ уһа руу хаяжа, Израилиин зониие үтэр уугты гэжэ зандаран, тэрэ уһыень уулгаба.

Исай 41:29

Тиимэһээ тэдэ бултадаа мэхэлхэ зүйл, юушье хэжэ шадахагүй, һула, хүсэгүй шүтөөнүүд гээшэл!

Исай 46:7

Тэдэ үнөөхиеэ мүр дээрээ үргэн зөөжэ, байха байрадань заладаг. Тэрэ хэһэн зүйлынь байраһаа хүдэлхэгүй зогсодог. Хэн нэгэнэй тэрээндэ зальбаран мүргөө гээшэ һаань, тэрэ харюусажа шадахагүй, гай тодхорһоо абаржа шадахагүй.

Эзэкээл 21:21

Вавилооной хаан харгын һалаа дээрэ зогсожо, годлинуудые һэгсэрэн, онгонуудые асуун, үргэлдэ гэжэ гаргаһан хониной эльгэ шэнжэлэн, ямар харгыгаар ошохоёо шиидэжэ байна.

Һошээ 3:4

Ушар юуб гэхэдэ, Израилиин улад зон олон хоногой туршада хаангүй, ноёнгүй, тахилгүй, арюун баханагүй, эфодгүй, гэрэй онгонгүй үлэхэ болоно.

Михей 5:13

Хүрэг онгонуудыеш, мүргэдэг баханануудыеш хажууһаашни усадхахаб, тиихэдэм өөрынгөө хэһэн бүтээлнүүдтэ һүгэдэн мүргэхэеэ болихош.

Ударидагшад 18:14

Лааһиш нютаг шэнжэлэн хаража ерэһэн тэдэ табан сэрэгшэд бусад сэрэгшэдтээ иигэжэ хэлэбэд: – Эдэ гэрнүүдэй нэгэн соо эфод, терафим, шабар болон шудхамал бурхануудай хүрэгүүд байдаг. Тэдэнииень яалтайб гэжэ таанад бодожо үзэгты.

Ударидагшад 18:16

Тиихэдэнь дайшалхы зэбсэгээ бүһэлһэн Даанай обогой зургаан зуун сэрэгшэд хаалта үүдэнэйнь хажууда зогсобод.

Ударидагшад 18:2

Тиимэһээ Даанай обогой зон нютагжан байрламаар газар хараашалан бэдэржэ ерэхыень Цораа болон Эштаһоол хотонуудһаа хүсэтэй табан сэрэгшэдые шэлэжэ олоод: – Ябагты, нютагжан байрламаар газар бэдэрэгты, – гэжэ тэдэндэ хэлэбэд. Тэдэнэр Эпрааимай обогойхидой ажаһуудаг хадалиг орон нютагта байдаг Михаагай гэртэ ерээд, тэндэ хонобод.

Ударидагшад 6:31

Хүнүүдэй хүреэлгэн соо ороһон Ёһааш тэдээндэ иигэжэ хэлэбэ: – Таанад Баалые үмөөрнэ гүт? Баалые хамгаалха гэнэ гүт? Тэрэниие үмөөрэгшэ үглөө үглөөгүүр болотор үхэлдэ үгтэхэ. Хэрбэеэ Баал үнэхөөр бурхан байбал тэрэ өөрөө өөрынгөө түлөө тахилайнгаа шэрээе һандаргагшадтай тэмсэг.

1 Хаан түрэнүүд 19:13

Михаал гэрэй онгониие абаад, орон дээрэ табижа, толгой дээрэнь ямаанай нооһо хэжэ, тэрэниие хубсаһаар хушаба.

1 Хаан түрэнүүд 4:11

Эзэнэй ханза буляагдан абтажа, Элиин хоёр хүбүүд Хопнии, Пинэһаас алуулаа һэн.