Ударидагшад 16:20 - Библи

²⁰ Далиилаа тэрээндэ иигэжэ хэлэбэ: – Самсоон! Пилиштүүд шамайе барихаяа ерэбэ! Самсоон нойрһоо һэреэд, иигэжэ сэдьхэбэ: «Гэмгүйдөө. Би энэшье удаа бэеэ абарха нэгэ арга олохол байхаб». Теэд тэрэ Эзэндэ орхюулһанаа мэдэбэгүй.

Ударидагшад 16:20 ပူးပေါင်းရင်းမြစ်များ

2 Угай бэшэг 15:2

Тэрэ Асаада ерэжэ, иигэжэ хэлэбэ: – Асаа болон Иудын, Бэньямиинэй улад зон, намайе шагныта! Эзэнтэй хамта байбалтнай, Тэрэ таанадтай хамта оршохо. Тэрэниие бэдэрээ һаа, олохот; харин Эзэниие орхиболтнай, Тэрэ таанадые орхихо.

Исай 42:24

«Хэн Яковые дээрмэшэдтэ дамжуулжа үгөөб? Хэн Израилиие һүйдхэгшэдтэ үгөөб? Эзэн бэшэ гү? Бидэ Тэрэнэй урдаһаа нүгэл үйлэдөө бэлэйлди. Тэрэнэй үгөөр ажаһуугаагүйбди, хуулииень сахяагүйбди.

Һошээ 7:9

Хариин арад зон хүсэ шадалынь һалгаажа байна. Теэд тэдэ ойлгоногүй. Тэдэнэй үһэн сайшоо, теэд тэдэ тэрэнээ мэдэнэгүй.

Тоололго 14:9

Эзэнэй урдаһаа эсэргүүсэн таанад бү бодогты! Тэрэ орон нютагай арадһаа таанад бү айгты! Тэдэниие бидэ илахабди! Тэдээндэ ямаршье аршалалта үгы. Тиихэдэнь Эзэн бидэнтэй хамтал! Тэдээнһээ таанад бү айгты!

Матвей 17:16

Би тэрэнээ Танай шабинарташье асарааб, теэд тэдэ эдэгээжэ шадаагүй, – гэжэ хэлэбэ.

Матвей 17:20

Иисүүс тэдэндэ харюусаба: – Таанарай этигэл багадаһанһаа болоно. Хэрбээ таанад горчицын жэжэхэн үрэһэнэйшье шэнээхэн этигэлтэй байжа, энэ хадада хандан: «Эндэһээ хүдэлжэ тиишээ боло» гээ һаатнай, хада тиишэлхэ юм. Таанар юушье хэжэ шадаха һэнта гэжэ танда баталан хэлэнэб.

Коринфынхидтэ 2-дохи 3:5

Энэ ажал бүтээхэ аргатайбди гэжэ бидэ өөрынгөө нэрэһээ баталха эрхэгүйбди. Бурхан лэ бидэндэ тиимэ арга боломжо үгэдэг.

Хуули дабталга 32:30

Нэгэ хүн мянган зониие намнажа шадаха гү, хоёр хүн үй түмэниие үлдэжэ бираха гү? Тэдэ мянган зоной Хабсагайн өөһэдыень орхёо гээшэ һаа, Эзэнэй тэдээнһээ арсаа гээшэ һаань, иимэ юумэн ушархал.

Нүүнэй Иисүүс 7:12

Тииһэнэй түлөө Израилиин хүбүүд дайсадайнгаа урда тэсэнгүй дайсадта нюргаа харуулаа, юуб гэхэдэ, тэдэ хараалда хүртөө; өөһэдынгөө дундаа хараалтые усадхаагүй һаатнай, таанадаар ябахагүйб.

Ударидагшад 16:14

Далиилаа Самсоониие өөрынгөө үбдэг дээрэ унтуулба. Тэрэнэй унтахадань, Далиилаа тэрэнэй толгойһоо долоон багса үһэ хайшалжа абаад, тэдээгээрнь утаһануудтай хамта бүдэй һуури табижа гүрөөд, тэдэнээ бүд нэхэдэг станогто модон хадааһаар хадаад: «Самсоон! Пилиштүүд шамайе барихаяа ерэбэ!» – гэжэ Далиилаа хашхарба. Самсоон нойрһоо һэреэд, станогоо бүдтэйнь хамта газарһаа һуга татан бодобо.

Ударидагшад 16:19

Далиилаа Самсоониие өөрынгөө үбдэг дээрэ унтуулаад, хүниие дуудажа ерүүлбэ. Тэрэ хүн Самсооной толгойн долоон багса үһыень хайшалба. Тиихэдэнь Самсооной агууехэ хүсэн бууража, тэрэ юрын лэ хүн болошобо.

Ударидагшад 16:21

Пилиштүүд тэрэниие барижа, нюдыень тэһэ хадхаад, Гааза асархадаа, тэрэниие хүрэл хоёр гэнжээр гэнжэлбэ. Тиигээд тэрэниие түрмэдэ һуулгажа, тэндэ һуугшадтай хамта шэниисын хоолос сохилгондо зараба.

Ударидагшад 16:3

Самсоон һүниин тэн болотор янхан эхэнэртэй дулаахан хэбтэридэнь хэбтээд, унтариһаа бодожо, газаашаа гараад, хотын хаалта үүдые хоёр тээхи баханануудтайнь болон шэбхэ хаалтатайнь хамта газарһаа һугалжа, тэдэнээ дала мүрэ дээрээ үргэлөөд, Хэброоной хажуудахи хада дээрэ абаашаба.

Ударидагшад 16:9

Тиихэдэнь тэдэнэй нэгэн Далиилаагай унтадаг таһалга соо хоргодоод байба. Далиилаа Самсоондо иигэжэ хэлэбэ: – Самсоон! Пилиштүүд шамайе барихаяа ерэбэд! Самсоон олһон һабагшые галда дүргэһэн шэнгеэр һурша ном хүбшэлдэг тэдэ хүбшэнүүдыень тоосоогүй бэлэхэнээр таһалба. Тиихэдэнь тэдэнэр Самсооной агууехэ хүсэ шадалайнь нюусые мэдэбэгүй.

1 Хаан түрэнүүд 16:14

Эзэнэй Һүлдэ Саулһаа эрьен ошобо. Эзэн муу һүлдэ тэрээндэ эльгээжэ, айлган һүрдүүлбэ.

1 Хаан түрэнүүд 18:10

Үглөөдэрынь Бурханһаа ерэһэн муу һүлдэ Саулые хүсэтэй дайража, Давидай урдандаал адли ятаг гартаа абажа, наадажа байхадань, Саул гэр соогоо галзууржа байгаа. Тэрэнэй гартань жада байгаа һэн.

1 Хаан түрэнүүд 18:12

Саул Давидһаа айжа эхилбэ. Юуб гэхэдэ, Эзэн Саулһаа зайлажа, Давидтай хамта байгаа.