Цэпаанияа 3:20 - Библи

²⁰ Тэрэ сагай мандахада таанарые суглуулан асархаб, хараһаар байтартнай сүлэлгэһөө таанадые бусаахаб, тиигээд дэлхэйн арадуудай дунда хүндэ ямбатай, нэрэ түрэтэй болгохоб!» Эзэн иигэжэ айладаал!

Цэпаанияа 3:20 ပူးပေါင်းရင်းမြစ်များ

Псалманууд 35:6

Эзэн, энэрэл хайратнай тэнгэри хүрэтэр, үнэншэ этигэлтнай огторгой хүрэтэр лэ!

Исай 56:5

таанадай нэрэнүүдые Минии нангин үргөө соо удаан сагта дурдан байха, үхи хүүгэдтэй байжа, нэрэеэ нэрлүүлһэнһээ үлүүгээр таанадые хэтэ мүнхэдөө зон дурдахал».

Исай 56:8

Таран бутарһан Израилиин арад зониие суглуулагша Эзэн Бурхан үшөө олон зониие асархаб гэжэ найдуулна.

Исай 60:15

Хаясаанай, үзэн ядадагай, хооһон хото байһаншье һааш, Би шамайе хэтэ мүнхын бахархал, үеһөө үедэ баярай газар болгохоб.

Исай 61:9

Үндэһэ яһатадай дунда тэдэ мэдээжэ болохо. Тэдэниие хараһан хүн бүхэн Эзэнэй юрөөһэн арад түмэн гэжэ ойлгохо».

Исай 62:12

Таанад «Эзэнэй абарһан нангин арад түмэн» гэжэ нэрлэгдэхэт. Иерусалим хадаа «Эзэнэй орхёогүй хото, Бурханай дуратай хото» гэжэ нэрлэгдэхэ.

Исай 62:7

Иерусалимые һэргээн бодхооторынь, бүхы дэлхэйн магтаал болготорынь тэдэ Эзэндэ амар заяа үгэхэгүйл.

Исай 66:22

Минии бүтээхэ шэнэ тэнгэри, шэнэ газар хэтэ мүнхэдөө байха гэдэгтэл, таанадай уг удам, нэрэтнай хэтэ мүнхэдөө үлэхэ.

Ерэмияа 23:3

Өөрынгөө эльгээн тарааһан орон нютагуудһаа арад зонойнгоо үлдөөсые суглуулжа, түрэл нютагтань бусаахаб. Тэдэ үнэржэн олошорхо.

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 30:3

Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 33:9

Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.

Эзэкээл 16:53

Нэгэтэ Би Содом, Самариие хажуугаархи һууринуудтайнь хамта үргэн һэргээхэб. Мүн Би шамайешье, Иерусалим, һэргээн бодхоохоб.

Эзэкээл 28:25

Эзэн Бурхан иигэжэ айладхана: тараһан арадуудайнь дундаһаа Израилиин улад зониие суглуулхаб, тиихэдэм үндэһэ яһатад Минии нангин байһые ойлгохо. Албатан Яковтаа үршөөһэн орон нютагтам Израилиин арад түмэн дахяад ажаһуудаг болохо.

Эзэкээл 34:16

Үгы болоһыень оложо, тараһыень бусаажа, гэмтэһыень боожо, үбшэн үлбэрыень эмшэлжэ байхаб. Харин таргыень, эрьюу болоһыень үүсэлхэб, юуб гэхэдэ, хони яажа зүбөөр харууһалхые Би мэдэнэб.

Эзэкээл 37:12

Би хүүрнүүдые нээжэ, таанадые тэндэһээ гаргажа, Израилиин орон нютаг руу абаашахаб гэжэ Намайе, Эзэн Бурханиие, айладхана гээд тэдээндэ дуулга.

Эзэкээл 37:21

Минии иимэ үгэнүүдые тэдээндэ тунхагла: «Би, Эзэн Бурхан, Израилиин улад зониие тарагша хариин гүрэнүүдһээнь суглуулжа, өөрынь газар уһан руу бусаахаб.

Эзэкээл 39:13

Дэлхэйн бүхы зон тэдэниие хүдөөлүүлхэдэ туһалха, Минии, Эзэн Бурханай, алдар солын мандаһан тэрэ илалтын үдэр тэдэ шагнал хайрада хүртэхэ.

Эзэкээл 39:28

Хариин арадуудай дундуур Өөрын арад зониие тараажа, удаань дахин суглуулаад, нэгыеньшье үлөөнгүй гэртэнь бусаахадам, Минии арад түмэн өөһэдынь Эзэн Бурхан байһыем мэдэрхэ.

Ёһээл 3:1

«Харагты, Иуда ба Иерусалимай хуби һэргээхэ тэрэ үедэ, тэдэ үдэрнүүдтэ

Амоос 9:14

Өөрын арад түмэн Израильда урданайнь һалбарал бусаахаб: хооһорһон хотонуудые тэдэ дахин шэнээр барижа, зониие байрлуулха; уһан үзэмэй модо һуулгажа, үзэмэй дараһан архи ууха; сэсэрлиг ургуулжа, жэмэс эдихэл!

Михей 2:12

Би, Эзэн, Яковай уг удамые бултыень, амиды мэндэ үлөөшэ Израилиин улад зониие хамталан суглуулхаб гэжэ үгэеэ үгэнэб. Хонишон хонидоо хашаа руу оруулжа, суг болгодог. Тэрээндэл адли, Би арадаа хамтаруулхаб. Тиихэдэм тэдэ угаа олон болон шууяхал.

Михей 4:7

Тэрэ дохолон һалга, холуур тараагдаһан зониие хүсэтэй шанга арадай эхи табигшад болгохоб. Энэ сагһаа эхилэн, хэтэ мүнхэдөө Сион хада уулаһаа Би тэдэниие хааншалан зонхилон байхаб».

Цэпаанияа 2:7

Сүлэлгэдэ байжа амиды мэндэ гарасалдаһан Иудын зоной үлдөөсэ энэ газарта байрлажа, малаа тэндэ адуулха, Ашхэлооной гэрнүүдтэ амаран унтаха. Эзэн Бурханиинь тэдээн тушаа һанаагаа табижа, сүлэлгэһөө бусааха.

Цэпаанияа 3:19

Хараарайгты даа, тэрэ сагай ерэхэдэ дарлагшадыетнай Би суглуулхаб, дохолон эрэмдэгүүдые абархаб, тараһан арадаа суглуулхаб, тиигээд шоо үзэжэ байһан энэ газартань тэдэниие хүндэтэй, нэрэ түрэтэй зон болгохоб.

Захарияа 8:13

Арадуудай дунда Иудын удам, Израилиин уг удам хараал боложо байһые Би үреэл болгожо, таанарые абархаб. Бү айгты, шандааһаяа шангадхан хүсэ шадалаа элсүүлэгты».

Захарияа 8:8

Би тэдэниие һөөргэнь асаржа, Иерусалимда байрлуулхаб. Тэдэ Минии арад түмэн боложо, Би үнэн сэхэ Бурханиинь болохоб».

Малаахи 3:12

«Нютаг оронтнай баяртай хүүртэй болохо, бүхы үндэһэ яһатан таанадые үреэлдэ хүртэһэн гэжэ дуудаха болоно» гэжэ Түмэн Сэрэгтэ Эзэн айладажа байна.

Хуули дабталга 26:18

Эзэн таанадые Өөрынь хубиин арад түмэн гээд мүнөөдэр айладхана. Өөрынь захяа заабаринуудые сахин ябаха тухай Тэрэ захирна.

Хуули дабталга 26:19

«Өөрынгөө бүрилдүүлһэн таанадые бусад арадуудһаа бүри олон болгохоб, хүндэтэй, нэрэ түрэтэй, толотомо һайханаар ажаһуухат, Минии Өөрын нангин арад болохот», – гэжэ Эзэн Бурхантнай тунхаглана.